Mateo 15:1 - La'qaatqa ñi qota'olec Qota'olec & Qota'olec Novita Na Qomyipi

¹ Ca' qanqo'neu'a so Jesús quesaua fariseo chaqai saua napaxaguinataxana' quena naqataxaquipi chicqora'gue da na'a' lodegaxat Jerusalén. Ca renataxane':

Mateo 15:1 Iomraidhean Croise

Mateo 23:2

—Naua napaxaguinataxana' quena naqataxaquipi chaqai na fariseoipi chaqaina ná'maq qoỹanagui quiyim ỹa'xate' naua leloxoỹaxaco na naqataxaquipi chicqo'ot so Moisés.

Mateo 5:20

Ma' ỹim shinac caqamiri no'm se napaguiỹalec ná'maq rapaxaguinataxanta'pegue na naqataxaquipi chaqai ná'maq neetau'a na fariseoipi quiyim 'viichii cá'maq ỹahotaque ñi qota'olec, ca' sqaica ma' shichii quet quiyim noxoñiu'a da lo'ueenataxanaxac ñi'maxare neeta'gue da piguim ma' ỹoiquentac ná'ogue najo.

Marcos 3:22

Chaqai qai'neeta 'uo' na chicqota'gue da Jerusalén quena rapaxaguinataxanta'pegue na naqataxaquipi. Na'maxare 'naaco': —Dajo ỹale hueeto'ot ñi Beelzebú ñí'maq lashi na ne'ec lecmaxaic, ca' quedá'maq lquesaxanaxa ñi Beelzebú ro'ootaxantapega quena ne'ec lecmaxaic.

Lucas 5:17

Ca 'uo' so na'xa'a so Jesús rapaxaguinataxantac, ca 'uo' na ỹalequetaho, nqa'xantañi, ná'maq ỹalequetaugui na fariseoipi, chaqai ná'maq rapaxaguinataxanta'pegue na naqataxaquipi, novi', chicqa'ogalo naua na'aate' quiyi Galilea chaqai yi Judea chaqai Jerusalén. Ca' da lquesaxanaxa ñi qota'olec re'oq queso'maxare quena' ỹomatec na ralolaxaiquipi.

Lucas 5:21

Ca ná'maq rapaxaguinataxanta'pegue na naqataxaquipi chaqai ná'maq ỹalequetaugui na fariseoipi chaqa'ma' ra'deenataxantac, 'naac: —¿Nega'ỹo' dá'maq dajo ỹale? ma' napaqueteguelec ñi qota'olec queda la'qaatec. Ma' sqaica ca ishit ỹapalaxat na nasauaxaseteripi. Chaqaiñiita ñi qota'olec.

Lucas 5:30

Qam so fariseoipi chaqai so liỹaripi só'maq rapaxaguinataxanta'pegue na naqataxaquipi, ca' queeteguelgoto saua nale' so Jesús. Ca' 'neetapegalo: —¿Chi'neco' qamiri ma' rqui'ỹaxauahi ná'maq sauaqhuaiquipi chaqai ná'maq ỹacona'piguit ana nishiuete ca nashi quiyi Roma?

Juan 1:19

Na judioipi na'ñi yi Jerusalén ila' so netaxaỹaxanqajanqaipi quena' qaretaxaỹa'pegue' ñi qota'a chaqai so llaalqaipi so Leví chi lotauaripi so'maxare quiyim renataxana so Juan quiyim nega'ỹo' so'maxare.

Hechos 23:9

Ca sá'ogue ỹaualqatagui. Ca 'vio' saua ne'laxachishiguim napaxaguinataxana' quena naqataxaquipi. Saua'maxare ỹalequesaugui na fariseoipi, ca 'neraco': —Dajo ỹale qaica ca lasauaxaset. Chaqai no'm qanetaxaỹa'ña queca nqui'i, loqo'm ca chicqashiguim qota'a lelaatec, ca se ỹa'maxañi quiyim 'ec ñpa'guenqata'pegue' ñi qota'olec.

Hechos 25:7

Ca co'na' inoxono so Pablo, ca qanqo'neu'o' queso judioipi chicqa'gue da Jerusalén. Ca qohinapego' quená'maq qaimaxalec lasauaxaset, lodegaxat nqohin. Qam re'qoota quiyim sqai llic.