Mateo 14:6 - La'qaatqa ñi qota'olec Qota'olec & Qota'olec Novita Na Qomyipi

⁶ Qam na' ỹovita ca laloqo' quiyim que'eelec quiyim ỹovire'ga ca na'xa'a ne'xaỹoqsoxoqui so Herodes, ca' aso llaale aso Herodías rasot, ca sá'ogue so lqui'ỹaxauaripi ỹa'ajantac. Ca' so Herodes ỹaatqajam nemeeten da rasotaxac aso'maxare.

Mateo 14:6 Iomraidhean Croise

Génesis 40:20

Ca co'na' ỹovirerec saua tres na'xata', ca ỹovire'oga so na'xa'a ne'xaỹoqsoxoqui so Faraón. Ca' ỹo'uet so lemaqachic. Ca' que'e, qui'ỹa'e' ná'ogue na lotauaripi. Ca co'na' reloqota'guit so lalecseripi, ca' so Faraón relaataxana'alo so lashi na 'taxaqui lo'ollipi chaqai so lashi na pan lo'ollipi.

Ester 2:18

Ca co'na' ime, ca' ỹo'uet so nqui'ỹaxac lodegaxat quiyim imaqachin aso Ester, ca' ỹal sá'ogue so lotauaripi nashillipi queda lo'ueenataxanaxac, chaqai nqo'naxajñi añi ishiueten naua na'aate' quenaua liỹa' 'lauari chaqai 'xoic na lachitaxanataxanaxat, ca ipaquichigui nqai'en da 'ne'tegue ca nashi quena' rachitaxanataxan.

Mateo 14:3

Ma' so Herodes ỹo'ueeto' quiyim qaiconlec so Juan na'le, ca' qoỹaxateta, ca qoỹanaugui aso ncoñiitaxanaxaqui. Ỹo'ueeto' dajo sauaxat aso loua Herodías, ma' louo' na'le so lqaỹa leenaxat Felipe.

Mateo 14:7

Ca' ỹaanec i'taxachichiguiñi da la'qaatec ipacqajanchigui quiyim ỹaanem cá'maq canchaqaica roỹaxanaque aso'maxare.

Mateo 22:24

—Qami' napaxaguinataxanaq, so Moisés 'naac: No'm 'ue ca ỹale 'on, qam saqa'leca ca llaalec, ca' ileu, ca' cá'maq lanoq o'ñiguit quet acá'maq pa'ỹe, ca' ỹo'uet ca llaalec cá'maq lopiichi ileu.

Marcos 6:14

Ca co'na' ỹa'den dajo so nashi Herodes, ma' mashic ná'ogue na qomyipi ỹa'deenta da na'qaataxac so Jesús. Ca' so Herodes 'naaco': —Ỹaatqajam chaqaida dá'maq nachilaxanataxanaq Juan liỹa nca'leuec, vichiguiño' 'ue dajo lquesaxanaxa.

Marcos 6:17

Ma' so Herodes relaataxanlco' quiyim qaicoñi' so Juan, qaicoñira'gue na caréna, ca qoỹanaugui aca ncoñiitaxanaxaqui, sauaxat aso Herodías. Sojo Herodías louo' na'le so Felipe, chi lqaỹa so Herodes. Qam so Herodes rouootaxana'co' na'le, ca' loua.

Marcos 6:19

Ca' aso Herodías ỹaatqajam noquii'o' na'le so Juan, ca' ỹahotaque ỹalauat, qam se ishit.

Marcos 8:15

Ca' so Jesús 'neetapegalo' saua'maxare: —'Neeto', se rovichii'a ana pe'taxachigui na pan hueetaugui na fariseoipi chaqai cayi hueeto'ot ñi Herodes.

Lucas 13:31

Ca' chaqaiso so na'xa'a, ca novirero saua chicqoraugui na fariseoipi. Ca' qara'qaataxanem so'maxare, qohinac: —Oquire'e najo, ma' ñi nashi Herodes ỹahotaque ralauachi'.

Lucas 23:11

Ca' so nashi Herodes chaqai so nalliripi ỹaatqajam i'naari' so Jesús, ca' qaipeguenlec so nepo' ỹaatqajam qaica 'nejem loyac, 'nejem nqohin no'ueetaxac ca nashi. Ca co'na' ime, lotqai qaỹopilaxata so Pilato.

Lucas 23:7

Ca co'na' qaỹa'qaataxanem quiyim so'maxare chicqa'gue da Galilea, ca' ilata so Herodes ma' so nashi quiyi Galilea, ma' so'maxare qai'neeta hueetau'a yi Jerusalén queso na'xa'a.

Lucas 3:1

Ca co'na' ỹovite' quince ñaxari da lo'ueenataxanaxac só'maq ỹaatqajam lashi na nashillipi leenaxat Tiberio, qam so Poncio Pilato reloqota'a yi Judea, ca' so Herodes reloqota'a yi Galilea, chaqai so lqaỹa Felipe lotqai reloqota'a yi Iturea chaqai Traconite, chaqai so Lisanias lotqai reloqota'a yi Abilinia.

Lucas 3:19

Ca' so Juan retaxaỹa so nashi Herodes sauaxat loua aso Herodías só'maq loua so lqaỹa Felipe, chaqai so liỹa loiquipi se no'uen so'maxare.

Lucas 8:3

chaqai aso Juana, loua so ỹale leenaxat Chuza, so'maxare idaaneguelec yi la'a' so Herodes; chaqai aso Susana, chaqai 'xoic aso liỹa 'aallipi rotaanaxansa'pegue quená'maq 'ue quesaua'maxare.

Hechos 12:1

Ca' quesauajo na'xata' co'na' so nashi leenaxat Herodes rocanaxañigui ná'maq mashic ỹacoñiguit da na'qaatec.

Hechos 4:27

Ma' llic quiyim so nashi Herodes chaqai so Poncio Pilato lapoỹata' quenajo na'a' lodegaxat, chaqai na chicqauec ỹoqa'a, chaqai na Israel laseripi quiyim npa'guene'e' so co'teeta qachaalqui' Jesús, só'maq rca'acshiqui' quiyim nashi nca'laxaqui.