Mateo 14:5 - La'qaatqa ñi qota'olec Qota'olec & Qota'olec Novita Na Qomyipi

⁵ Ca' so Herodes ỹahotaque ỹalauat so Juan. Qam no'chi quena qomyipi, ma' ná'ogue 'naac quiyim so Juan ỹaatqajam lliqueta letaxaỹaxanqajnec ñi qota'a.

Mateo 14:5 Iomraidhean Croise

Jeremías 26:21

So nashi Joacim chaqai so lotauaripi chaqai so liỹa nashillipi, na' 'xaỹa dá'maq 'naac so Urías, ca' so nashi ỹahotaque quiyim qaỹalauat. Qam na' ỹa'den so'maxare, ca' no'chi, ca' 'eet, taigue da Egipto.

Mateo 11:9

Ca ¿nega'ỹo' só'maq 'ajnaxañiu'ga? ¿Peeta'a letaxaỹaxanqajanco' ñi qota'a so'maxare? Ajá'a, ỹaatqajam lliqueta, chaqai ỹapacauec queca netaxaỹaxanqajnec.

Mateo 21:26

Chaqai no'm shinqac na qomyipi nela', qam qaro'cha'a na qomyipi. Ma' ná'ogue ỹa'deenta quiyim so Juan qanela' quiñi qota'olec quiyim retaqaugui na qomyipi.

Mateo 21:32

Ma' só'maq nachilaxanataxanaq leenaxat Juan novi' quiyim ỹapaxaguine' qamiri quedá'maq no'uen ñicyaxac, qam sqai viilec. Qam ná'maq icona'piguit ana nishiuete so nashi chaqai ana nedequenaxai huelec so'maxare. Qam qamiri ỹaatqajam huañichigui dajo, qam se retacochahi quiyim viilec.

Lucas 20:6

Chaqai no'm shinqac chaqai qom ca ilarelec, ca' ná'ogue na qomyipi caalata'm qaralauat, inaxai' qomi', ỹodoxoua' na qa', ma' ỹaatqajam llic nqai'en quiyim so Juan ỹaatqajam la'qaataxanqajnec ñi qota'a.

Hechos 4:21

Ca' so nashillipi ỹaatqajam ỹadeneguelgoto, qam qaỹosoorec. Se qaỹa'den cá'maq qohine'tegue quiyim qaỹouaxane', ma' sá'ogue so qomyipi imaqachintac ñi qota'a quedá'maq 'neeta so qaỹo'uet.

Hechos 5:26

Ca' eec so lashi ná'maq reloqota'a añi no'ueenaxanaxaqui, liỹa' saua nouaataxanaq lase', naueguero saua'maxare. Qam ỹa'maxate'teguelo, ma' no'chiisa'a na qom quiyim qainaxai' quena qa'.