Mateo 14:29 - La'qaatqa ñi qota'olec Qota'olec & Qota'olec Novita Na Qomyipi

²⁹ Ca' so Jesús 'naaco': —Hua', naqui'. Co'na'le, ca' so Pedro renotec caso neesañigui, ca' qauaata, queetalec so huaxaỹaq, quepegue' yí'maq hueete'e so Jesús.

Mateo 14:29 Iomraidhean Croise

Mateo 14:28

Ca co'na'le, ca retaqo' so Pedro, 'naaco': —Qami' qara'gaxala', no'm chaqai qami', ca 'maxaraic quiyim shichi' quiyim shicpegue' qami' sovichisaxaua', shiquetalec qai'neeta na huaxaỹaq.

Mateo 14:30

Qam na' ỹa'deene'ta da lquesaxanaxa so nonot, ca' 'ue da lqolonaxa. Ca co'na' sham iyinñi, ca' ỹaualqo': —¡Qami' ỹa'gaxala', yca'laxachirec!

Mateo 17:20

Ca' so Jesús 'naaco' quesaua'maxare: —Ma' qamiri cocho'qui' da rpi'ỹaxaguii. Ỹaatqajam llic da shinac caqamiri, quiyim 'ue ca rpi'ỹaxaguii, 'en quet chi lecaata ana la ana mostaza, ca' 'ñiỹapega anajo quemaralec late'ogue': “Quire'e najo, ca' ỹoqa'a ca 'iri'ñi”; ca cajo quemaralec late'ogue' ca'e cá'maq na'ñi. Ca' qaica quet cá'maq qalañiỹac quiyim ỹaatqajam 'ue ca rpi'ỹaxaguii.

Mateo 21:21

Ca' so Jesús 'naaco' quesaua'maxare: —Ỹaatqajam llic da shinac caqamiri, quiyim llic 'ue ca rpi'ỹaxaguii chaqai ỹaatqajam 'chichiguiñi nqai'ñii, mesqaidaata dajo shichii 'viichii. Ma' quiyim 'ñiỹapega anajo quemaralec late'ogue': “Qo'ñi' quenajo, 'iriñigui aso huaaxai”, ca' chaqaida 'neeta ipaquichigui dá'maq 'ñiỹac.

Marcos 9:23

Ca' so Jesús 'naaco': —No'm shichi' vi'relec, qaica ca qaỹaqalanac quecá'maq huelec.

Lucas 17:6

Ca' so qara'gaxala' 'naapegalo' saua'maxare, 'naaco': —Qamiri quiyim 'ue ca rpi'ỹaxaguii quiyim lecaato'lli' ana la ana leenaxat mostaza, ca' 'ñiỹapega ada qo'paq late'ogue', 'ñiỹac: “Oquire'e na ñi'sa'ñi, ime, ca' nqo'ñiri'ingui aso huaaxai”, ca' ada qo'paq na'xaỹaxane'talo qamiri.

Hechos 3:16

Ca' queda leenaxat so Jesús, só'maq sa'xatetac, loqo'm quiyim qaipi'ỹa'a da leenaxat, chaqaida dá'maq ỹa'ue da lquesaxanaxa najo ỹale huañiỹa chaqai 'yiiñii. Dajo npi'ỹaxac queso Jesús, chaqaida dá'maq ỹaatqajam ỹomatec. Ca' qamiá'ogue qamiri nagui 'ajñitac.

Romanos 4:19

So Abraham se naqaguiñi da lpi'ỹaxac, 'eno'm mashic ipalata'pegueto caua cien ñaxari, chaqai ỹa'deenta quiyim so'maxare chaqai aso loua Sara tot qaỹaloq ileue', mashic qo'xoiqam quiyim 'ue quet ca llaalegue'.

Filipenses 4:13

Seshit ña'ñaxachiguit ná'ogue, ma' Cristo só'maq ỹa'ue da iquesaxanaxa.