Mateo 14:23 - La'qaatqa ñi qota'olec Qota'olec & Qota'olec Novita Na Qomyipi

²³ Ca na' ime npoyiguinta'pegue' so qomyipi, ca' so Jesús taashi'megue aso 'laua quemaralec, ma' ỹahotaque nqouagaxain qaisoota. Ca co'na' mashic pe so Jesús qaisootam.

Mateo 14:23 Iomraidhean Croise

Mateo 26:36

Co'na' so Jesús chaqai saua lapaxaguinatqa ỹovijta yi 'laua leenaxat Getsemaní. Ca 'naaco' quesaua'maxare: —Nqa'xañiñi quenajo, ca' ỹim shicpegue' yijo ñqouagaxain.

Mateo 6:6

Qam noma' nqouagaxaiñi' qami', ca' noxoñirougui ca qauochi'. Ca' po'irigui ca lasom, ca' nqouagaxaiñitot ñi qota'olec roda'ichichiguit. Ca ñí'maq qota'olec, ma' iuana ná'maq qaỹo'ueetetac se re'xogui, ỹaanem qami' ma'le ca nishivichi'.

Marcos 1:35

Ca co'na' ñaq napaltañi, ca' so Jesús ne'laxashiguim. Ca ta'oguiyi quiyi na'a' lodegaxat, ma' ỹahotaque quiyim nodaatec, ca' nqouagaxain.

Marcos 6:46

Ca co'na' ime niquinta'pegue' so qomyipi, ca' eec, taashi'megue aso quemaralec ladocai, ca' nqouagaxain.

Lucas 3:21

Ca co'na' saqa' qaicoñi' so Juan, ca so'maxare nachilaxantac ná'ogue na qomyipi, chaqai so Jesús qai'neeta qanachilaxan. Ca so'maxare co'na' ñaq nqouagaxaintac, ca na piguim huachigui.

Lucas 5:16

Qam so Jesús ta'oga ca 'laua sqaica qom. Ca' hua'ñiyi, ca nqouagaxaintac.

Lucas 6:12

Ca 'uo' so na'xa'a, ca' so Jesús taashi'megue aso qoỹoqoshi'megue 'laua, ca' nqouagaxain, sá'ogue so 'óna pe nqouagaxaintacot ñi qota'a.

Lucas 9:18

'Uo' so na'xa'a co'na' so Jesús nqouagaxaintac, nodaatec, ca' saua lapaxaguinatqa liỹareta'pe co'na'le. Ca inate', 'naaco': —¿Negue' ca 'naaco' quen na qom quiyim negue' aỹim?

Lucas 9:28

Ca co'na' mashic ỹovi' ocho na'xata' ỹa'xat dajo so Jesús, ca quishi'megue aso qa' ladocai, ca nqouagaxain, liỹareta'pe saua Pedro, Jacobo, chaqai so Juan.

Hechos 6:4

Ca' qomi' qolqatalec da qanqouagaxainaxac chaqai sapaxaguinataxanaxague da la'qaatec ñi qota'a.