Mateo 14:20 - La'qaatqa ñi qota'olec Qota'olec & Qota'olec Novita Na Qomyipi

²⁰ Ca' so qomyipi que'e, ca sá'ogue quema'. Ca na' ime, ca' qalapoon so ni'ỹoxot lahillipi, ca lotqai no'qaate' saua doce canastos queso lahillipi ni'ỹoxot.

Mateo 14:20 Iomraidhean Croise

Éxodo 16:12

—Ỹim sa'qaatapega na Israel llaalqaipi na' queeteguelec aỹim yinaqatac. Taqaira'pegue' na'maxare, ca 'ñirapego': Ma' lavitari', ca' qui'ii ma'le la'at. Chaqai quiyi nete'eta, ca' qui'ii ma'le queca pan, chi ỹovireta'a rquemari. Qaiyi 'yiiñii ma'le quiyim aỹim ra'gaxalari qota'olec.

Éxodo 16:8

Ca' so Moisés liỹa 'naac: —Ma' lavit ñi qara'gaxala' ỹa'ue ca qanoxohi la'at, ca' quiyi nete'eta, ca' ỹaanema qamiri ca 'xoic pan. Ma' ñi'maxare 'qaatapegalo qamiri na' se no'uen da 'xachitac quiñi'maxare. Ma' ¿negue' queto' qomi'? Qamiri sqai qarenaxaitac, ma' naxaitac ñi qara'gaxala'.

Hageo 1:6

Qamiri 'xoic ná'maq qadañicshiquii, qam sqa lo ná'maq naqachii ala na'maxare; qui'iitac, qam se rquemari; ni'chiitac, qam se neme na raquipii; ñiiñi naua pa'iichiguilo qatoohi, qam se npa'eeuec na roshicmaxahi; chaqai ná'maq ro'ueenataxanaxaguii laseue' lliỹa'ñigui ana qachoxoguii huacnaxa.

Mateo 14:21

Ca so qomyipi que'eetaco' na'le ỹovi' cinco mil ỹalliripi, qam se qanaloqojna'oga so 'aallipi chaqai so ñaaqaipioqui'.

Mateo 15:33

Co'na'le, ca' saua lapaxaguinatqa 'neraco': —Qam ¿nega'ỹo' quet cá'maq shinqata'gue quiyim sahoqai ca loq na 'xoic qomyipi? Ma' ná'maq seuqatalec sqaica ca qom naalec.

Mateo 5:6

Ỹaatqajam chalego la'maxa ma'le quecá'maq 'ec 'ue na lqopaaxa chaqai na laquip quiyim ỹahotaque ỹo'uet ná'maq ỹahotaque ñi qota'olec, ma' ñi'maxare ỹotauanegue ma'le ca'maxare, qaiyi ishit ỹo'uet.

Lucas 1:53

Chaqai ná'maq 'xoic ca louenaxanaxa, ca ỹaanem quiyim qaica ca ỹouen nqai'en, qam na nesallaxanqaipi lotqai co'taxachichiguilo naua laua', ca' ilarec.

Lucas 9:17

Ca sá'ogue so qomyipi que'e, ca co'na' sá'ogue quema'. Ca co'na' ime, ca qalapon so ni'ỹoxot, no'qaate' saua doce canastos quena lahillipi.

Juan 6:7

Ca so Felipe 'naaco': —Quiyim doscientos aca denarios, ca' qarishiujnaxanaque ca pan, qam qayiita se nalouec, 'eno'm cocho'qui'tac nqohin ca loq quiñi 'óna.