Mateo 14:19 - La'qaatqa ñi qota'olec Qota'olec & Qota'olec Novita Na Qomyipi

¹⁹ Ca na'le, ca' 'naapega so qomyipi nqa'xanñi, nqa'xanlec na 'uaqapi ladala. Ime, ca' iconalo saua cinco paañi' chaqai saua dos nalliñi', ca' ra'ishiguim quena piguim, ca' ỹaanot da na'aachicyaxac ñi qota'olec, ca' ỹasectaxachiguilo saua paañi', ca ỹaanouguilo saua lapaxaguinatqa. Ca saua'maxare imeendec queso qomyipi.

Mateo 14:19 Iomraidhean Croise

Mateo 14:18

Ca' so Jesús 'naaco' quesaua'maxare: —Nodoiri' quenajo.

Marcos 6:39

Ca 'naapega so qomyipi quiyim nqa'xanñi, ỹahota'ahi naua lapooqote', nqa'xanaxanlec na 'uaqapi ladala.

Marcos 6:41

Ca' so Jesús ỹaconalo' saua cinco paañi' chaqai saua dos nalliñi', ca' ra'ishiguim quena piguim, ca ỹaanoto' da na'aachic ñi qota'olec, ca ỹasectaxachiguilo saua paañi' chaqai saua nalliñi', ca ỹaanouguilo saua lapaxaguinatqa. Ca saua'maxare, ca imeendec quesá'ogue so qomyipi.

Marcos 7:34

Ime, ca' ra'ishiguim quena piguim, ca nauec so lacat, ca 'naaco' queso'maxare: —¡Efata! —da'maxare 'naac: ¡Nauachiguilo naua lque'laa lauaco!

Lucas 22:17

Ca ỹacona aso 'taxaqui. Ime, ca' ỹaanot da na'aachic ñi qota'a. Ca co'na' ime, ca' 'naac: —Coñiguit anajo 'taxaqui. Ca' nimiiñigui, quiñi 'óna ỹaanem ca liỹa.

Lucas 22:19

Ca co'na' ime, ca ỹacona so pan, ca ỹaanot da na'aachic ñi qota'a. Ime, ca' ỹasectaqchigui, ca ỹaanouguilo saua'maxare, ca 'naaco': —Najo chaqaina ná'maq ỹoshicmaxa qoỹaañiguit ca nelauaxa tai'a quiyim ra'maxaiñi qamiri ma'le. 'Viichiho' dajo, qam se couahi'e aỹim.

Lucas 24:30

Ca co'na' mashic nqa'xansañi, reloqosalec so nqui'ỹaxala', ca so'maxare ỹacona so pan, nqouagaxainlec. Ime, ca ỹaanouguilo saua'maxare.

Lucas 9:14

Ma' sham ỹovi' cinco mil so ỹalliripi. Qam so Jesús 'naapega so lapaxaguinatqaipi, 'naaco': —'Ñiỹapega quiyim nqa'xanñi, lapo'ojta' cincuentatac nqai'ñii.

Lucas 9:16

Ca' so Jesús ỹaconalo saua cinco paañi' chaqai saua dos nalliñi'. Ime, ca' ra'ishiguim quena piguim, ỹaanot da na'aachic ñi qota'olec. Ca co'na' ime, ca ỹasectaqchiguilo, ca ỹaanouguilo saua lapaxaguinatqa, ca imeendec queso qomyipi.

Juan 11:41

Co'na'le, ca qanaqat so qa'. Ca' so Jesús ra'ishiguimo' quena piguim, ca 'naaco': —Qami' ita'a, saanot qami' da ña'aachic, ma' na'xaỹaxañita aỹim.

Juan 6:23

Qam co'na'le, ca lotqai 'vio' saua liỹa' qom lahiri chicqora'gue da na'a' Tiberias, novite' quiyi sqoỹoqaque quiyí'maq hua'ño' na' qaỹa'ic so pan co'na' ime ỹaanshiguim da na'aachic so qara'gaxala'.

Hechos 27:35

Ca na' 'naac dajo so Pablo, ca ỹacona so pan, ca ỹaanshiguim da na'aachic quiñi qota'a, reloqotougui sá'ogue so liỹaripi. Ca' ỹasectaqchigui, ca chaqa'ma' que'e.

Romanos 14:6

Qam quecá'maq ỹapacqajnauec ca 'óna na'xa'a, ca' chaqaida 'ne'tegue, qam imaqachintac so qara'gaxala'. Qam cá'maq sqai 'ne'tegue dajo, qam qaiyiita ma' imaqachintac so qara'gaxala' quiyim 'ne'tegue dajo. Chaqai quecá'maq qaỹaataq ca ỹa'ic quiyim que'e, ca' imaqachintac so qara'gaxala', ma' ỹaanot da na'aachic ñi qota'a. Qam cá'maq se ỹa'ca'era, noden, ma' imaqachintac so qara'gaxala', chaqai qai'neeta ỹaanot da na'aachic ñi qota'a.

1 Corintios 10:16

Ana qane'taxaqui quena' qaỹoỹoote'oga quiyim ñqouagaxainaxalec, ime, ca' saanqot da qana'aachic ñi qota'a, ana'maxare ỹovira'a quiyim 'eco' qomi' salecqau'alo saua leuo' so Cristo. Ca' qaican ỹapaguec na pan quena' sasectaxataxagui ỹovira'a quiyim salecqau'a ca loshicmaxa so Cristo.

1 Corintios 10:31

Hua', no'm qui'ii, loqo'm ni'chii, loqo'm canchaqaica liỹa 'viichii, 'viichii ná'ogue, qam maqajñitac ñi qota'a.

1 Corintios 11:24

Ca' ỹaanshiguim da na'aachic quiñi qota'a, ca' ỹasectaqchigui so pan. Ime, ca 'naaco': “A'guii najo, ma' najo chaqaina na ỹoshicmaxa tai'a quiyim qaỹasectaqchigui, qaiyi rca'lliuec qamiri. 'Viichio' ma'le dajo, qaiyi sqa 'laxachihe aỹim.”

Colosenses 3:17

Chaqai quecá'maq canchaqaica 'viichii loqo'm quecá'maq 'xachii, ca ná'ogue 'viichii, qam quiichigui nqai'ñii da leenaxat so qara'gaxala' Jesús. Quiichigui nqai'ñii so'maxare quiyim 'ỹaañitacot da na'aachicyaxaguii ñi qota'olec.

1 Samuel 9:13

Ca ma' viriho, ca chaqa'ma' daañiỹaque, ma' saqa' taashi'megue ada ncopatoxonaxalate, ma' 'ue ca nqui'ỹaxac. Ma' na qomyipi se que'e quiyim saqa' novi' ca'maxare, ma' ca'maxare ỹouen quiyim 'au nqouagaxainlec ca nachitaxanataxanaxat. Ca ma' ime, ca chaqa'ma' que'e ná'maq nalecseripi. Vichiguiño' riỹalaitac nagui, qaiyi neuañiguit ma'le.