Mateo 14:15 - La'qaatqa ñi qota'olec Qota'olec & Qota'olec Novita Na Qomyipi

¹⁵ Ca co'na' mashic sham pe, ca saua lapaxaguinatqa so Jesús 'neraco' queso'maxare: —Mashic lavit, chaqai sqaica quet cá'maq naalec najo. Pilaxachi' na qomyipi, qaiyi quepegueto naua na'aaterolqai', ca rishiujnaxanaque cá'maq chaqai loq.

Mateo 14:15 Iomraidhean Croise

Mateo 14:13

Ca co'na' so Jesús ỹa'den dá'maq qohine'tegue so Juan, ca' ca'e yi'maxare, renojñigui aso qom lahi' huaxaỹaqse, paca'ta so huaxaỹaq, qaisoota noỹootetec. Qam co'na' qaỹa'den queso qomyipi, ca chicqau'a na na'aateripi, ca' quepegue' quiyi hueetalec 'laua.

Mateo 14:14

Ca co'na' renotec so Jesús caso lahi', ca iuane'ta so 'xoic qomyipi. Ca 'ue da le'xorenataxanaxa queso'maxare, ca ỹomatec na ralolaxaiquipi qanodou'a so'maxare.

Mateo 14:16

Ca' so Jesús 'naaco': —Se ỹouentaque quiyim ca'e najo. Qamiri 'ỹaañim cá'maq loq na'maxare.

Mateo 15:23

Qam so Jesús sqa saata aso'maxare. Ca' saua lapaxaguinatqa ne'xoresente' queso'maxare, 'nerac: —Vite cá'maq ỹahotaque, ma' na'maxare coỹaretaho coqomi' ỹaualqata'guit.

Marcos 8:3

Chaqai no'm shinapega na'maxare quiyim pilalo naua la'aate' quiyim sqaica ca ỹa'ic, ca' 'ue ca ileueta ma'le quena nayic, ma' 'ue na qoỹoqo'tegue na chicqa'gue.

Lucas 9:12

Ca co'na' mashic vit, ca saua doce lapaxaguinatqa noquiictot so Jesús. Ca' qohinapega so'maxare: —Pilaxachi' na qomyipi, qaiyi pil, ca' nco'matec ma'le. Chaqai idaanaque ca loq quenaua na'aate', loqo'm quena sqoỹoqaque, ma' quena seuqate'e ỹaatqajam sqaica canchaqaica.