Mateo 13:8 - La'qaatqa ñi qota'olec Qota'olec & Qota'olec Novita Na Qomyipi

⁸ Qam aso liỹa lanecse tajlec yí'maq lo'yaxanec 'laua. Ca na' ñaxat, ca' lo'yaxanec da laỹaxac. 'Ue ana ỹovi' cien ana la cañi 'óna, chaqai 'ue ana ỹovi' sesenta, chaqai 'ue ana ỹovi' treinta ana la na' qanaqat.

Mateo 13:8 Iomraidhean Croise

Génesis 26:12

Ca danaxano' na'le queso ñaaxa so Isaac queso 'laua, ca' chalego loyac na' lapoon so lanec ala, ma' ñi qara'gaxala' no'ueenaxat so lanec.

Mateo 13:23

Qam aso nanecse ala tajlec yi lo'yaxanec 'laua, ca chaqaina ná'maq ỹa'maxate'tegue da na'xaỹaxanaxac chaqai ỹa'den da leloxoỹaxac, ca' lo'yaxanec da laỹaxac quiyim qanaqat. Chaqai 'ue ná'maq 'nejem aso nanecse ỹovi' cien ana la cañi 'oono'lli', chaqai 'ue na liỹa 'nejem aso ỹovi' sesenta ana la, loqo'm 'nejem asó'maq ỹovi' treinta ana la.

Mateo 13:7

Ca' aso liỹa lanecse tajlec ca leesat. Ca na' nqo'in da llaqtaxac so leesat, ca ỹapolec, ca sqai ñaxat.

Marcos 4:20

Qam 'uo' na 'xaỹa da na'qaatec, ca' icoñiguit, ca ỹaatqajam 'xoic da laỹaxac, ca 'nejem aso nanecse ala tajlec yi lo'yaxanec 'laua. Ca 'uo' ana 'nejem aso nanecse ala ỹovi' aca treinta ala añi 'oono'lli', chaqai 'uo' ana ỹovi' sesenta, chaqai cien.

Marcos 4:8

Ca' aso liỹa nanecse tajlec yi lo'yaxanec 'laua, ca' aso'maxare ỹaatqajam lo'yaxanec da llaqtaxac. Ca 'uo' ana ỹovi' treinta ala añi 'oono'lli', chaqai 'uo' ana ỹovi' sesenta, chaqai 'ue ana ỹovi' cien.

Lucas 8:15

Qam asó'maq nanecse tajlec yi lo'yaxanec 'laua, ca 'nejem ca qom lo'yaxana aca le'taxanata, ca ỹa'maxate'tegue da na'xaỹaxanaxac, chaqai huelec da na'qaatec, chaqai quejlec. Se qoshiiuec, ca' ỹaatqajam 'ue da loquigaxac da laỹaxac.

Lucas 8:8

Ca' aso liỹa nanecse tajlec yi ỹaatqajam lo'yaxanec 'laua. Ca co'na' ñaxat, ca ỹaatqajam 'xoic ana la. 'Uo' ana ỹovi' cien ana la co'na' qanaqat. Ca co'na' ime da la'qaatec so Jesús, ca' ỹaatqajam nelamaxaren, 'naaco': —No'm qamiri 'vii caua rque'lahi lauaco, ca' 'xaiỹo'.

Juan 15:8

Ñi ita'a qaimaqachin quena' 'xoic da laỹaxague' qamiri, ca' viriỹau'a quiyim ỹaatqajam qamiri ỹalamaxarete' ỹapaxaguinatqa.

Romanos 7:18

Ma' ỹim sa'den quiyim caỹim qaica quet cá'maq hueetagui lo'yaxanec na ỹoshicmaxa. Ma' 'ue na ishoxo quiyim so'uet cá'maq ỹa'maqachiguiñi, qam quiyim so'uet, ca' se seshit so'uet.

Filipenses 1:11

Qaiyi so Jesucristo no'xataxachichigui ma'le da nachaalataxaguii quedá'maq 'maxaraic 'ueenataxac, qaiyi qaimaqachin dá'maq lecaic ñi qota'a.