Mateo 13:57 - La'qaatqa ñi qota'olec Qota'olec & Qota'olec Novita Na Qomyipi

⁵⁷ Ca' vichiguiño' se qana'xaỹaxano' quen. Qam so Jesús 'naaco': —Ná'ogue na qomyipi ỹaatqajam nqo'ta ca letaxaỹaxanqajnec ñi qota'a. Qam ná'maq chi la'aayaxauaripi chaqai ná'maq lalamaxaret lqaỹaripi, ca' se nqo'ta.

Mateo 13:57 Iomraidhean Croise

Isaías 49:7

Ñi qara'gaxala' ñí'maq nca'laqataxanaq ñí'maq co'teeta qota'olec quiyi Israel, 'naapega na qomyipi quená'maq ỹaatqajam se qanqo'ta, ná'maq quena liỹa qomyipi ỹaatqajam laqaigaxat, ná'maq la'ac na nashillipi qa'uaiquipi, ñi'maxare 'naac: Ma' na nashillipi chaqai na llaalqaipi iuana qami', ne'laxashiguim, ca' ỹa'dooto qami' naua le'cootal, ma' ỹim ná'maq ỹim na'gaxala', ỹim co'teeta qota'olec quiyi Israel, qami' ica'acsec chaqai ipaquichigui nqaishin da ỹa'qaatec.

Isaías 53:3

na ỹalliripi se icoñiguit chaqai ỹo'da'guit. Queso ỹale ỹaatqajam 'xoic na nqui'ic chaqai da le'xoric. Mashic 'ec cá'maq se sa'maxarenaq seuanaxa, qomi' lliỹoxosqa'piguit, qaica ca sauaqaque.

Mateo 11:6

Chalego la'maxa quecá'maq se yoqolliguit.

Mateo 13:58

Ca' mesqai 'xoic ca ỹo'uet quená'maq se qaiuanapega huaugui nqai'en yi'maxare, ma' so'maxare se qoyiuelec quiyi'maxare.

Marcos 6:1

So Jesús ca'e yi hueete'e, ca' quepegue' yí'maq chaqai'en la'a' ỹa'ñi, liỹaata'pe saua lapaxaguinatqa.

Marcos 6:14

Ca co'na' ỹa'den dajo so nashi Herodes, ma' mashic ná'ogue na qomyipi ỹa'deenta da na'qaataxac so Jesús. Ca' so Herodes 'naaco': —Ỹaatqajam chaqaida dá'maq nachilaxanataxanaq Juan liỹa nca'leuec, vichiguiño' 'ue dajo lquesaxanaxa.

Marcos 6:3

Ma' chaqaida dajo dá'maq qo'paq lo'o, llaalec aso María, chaqai lqaỹa so Jacobo, José, Judas chaqai so Simón, chaqai saua lqaỹa' 'aalo nera'ñi najo qai'neeta. Ca' se qana'xaỹaxana.

Marcos 6:4

Qam so Jesús 'naaco': —Ná'ogue na qomyipi ỹaatqajam nqo'ta ca letaxaỹaxanqajnec ñi qota'a, qam ná'maq chi la'aayaxauaripi, chaqai chi lauo' laseripi, chaqai quiyim cá'ogue ca na'ñi, ca' sqai huelec.

Lucas 4:24

Ca lotqai queetalec da la'qaatec, 'naac: —Shiñiỹapegaxaua' quiyim ỹaatqajam llic quiyim sqaica ca la'qaataxanqajnec ñi qota'a quiyim leuoteta qoyiuelec quecá'maq chi la'aayaxauaripi.

Lucas 7:23

Ca' ỹaatqajam 'xoic la'maxa ca qom quiyim ỹaatqajam sqaica ca loqollictaxanaxac caỹim.

Juan 4:44

Ma' chaqaiso só'maq Jesús 'naac, ca 'óna, no'm letaxaỹaxanqajnec ñi qota'a, se qanqo'ta quecá'maq chi lalamaxat la'aayaxauaripi.

Juan 6:42

Ca 'naaco' so qomyipi: —¿Dajo mesqaido' da Jesús da llaalec so José? Qomi' seuanaxa so leta'a chaqai aso late'e, qam ¿chi'neco' da'maxare ma' 'naac chicqo'ot na piguim?

Juan 6:61

Ca' so Jesús retan quiyim qanqalantapigui da la'qaatec so'maxare, ca so'maxare inat so qomyipi, 'naaco': —¿Peeta'a qamiri quiỹapeguem, se rqo'chiỹa dajo?