Mateo 13:54 - La'qaatqa ñi qota'olec Qota'olec & Qota'olec Novita Na Qomyipi

⁵⁴ Ca chi ỹovireta'a yí'maq lalamaxaret la'a'. Ca' quiyi, ca taañi rapaxaguinataxan cana lapoxoqui na judioipi na'ñi yi'maxare. Ca' na qomyipi 'xoic da le'laxa, ca 'naaco' quen: —¿Nega'ỹo' cá'maq ỹachigoxota'gue ná'maq la'deenec dajo ỹale? ¿Negue' cá'maq 'neeto' quiyim ishit ỹo'uet na netanqaipi se qaiuanapega?

Mateo 13:54 Iomraidhean Croise

Salmos 22:22

Ỹim sa'xat qami' ma'le quena ỹaqaỹaripi, semaqachintac qami' ma' salequetau'a ca lapoxoc.

Mateo 2:23

Ca co'na' ỹovita yi'maxare, ca' quepegue' yi na'a' leenaxat Nazaret. Ca' dajo 'neeto' na'le, qaiyi ipaquichigui da ỹa'xate' saua letaxaỹaxaqui' ñi qota'a quiyim so Jesús qaỹamata'gue le'ec yi Nazaret.

Mateo 4:23

Ca' so Jesús ỹouoxontac yá'ogue yi 'laua Galilea quecanchi ỹoviri'ñi, ca lotqai rapaxaguinataxantapougui ana lapoxoqui na judioipi, ỹa'xatetac dá'maq no'uen na'xaỹaxac queda lo'ueenataxanaxac ñi qota'olec ma' ỹoiquentac ná'ogue najo, chaqai ỹomatec ná'maq ỹoreta'oguit ne'ne' hueetaugui na qom.

Mateo 7:28

Ca co'na' so Jesús ỹomat da letaxaỹaxac, ca' so qomyipi chalego da le'laxa queda lapaxaguinataxanaxac.

Lucas 2:47

Ca ná'ogue ná'maq na'xaỹaxantapega so'maxare ỹaatqajam 'uo' da le'laxa queda la'deenataxanaxac, chaqai quiyim ỹaatqajam ỹa'den quiyim ichoxot ná'maq qarenataxanta'pegue.

Juan 1:11

Ca' so'maxare nacpegue' ná'maq lalamaxaret na'laua, qam ná'maq lalamaxat lauo' laseripi se icoñiguit so'maxare.

Hechos 13:46

Qam so Pablo chaqai so Bernabé se no'chirelec da letaxaỹaxague', ca 'neraco': —Qam 'eco' paguec la'maxa quiyim sa'auaxanaxe' qamiri quiyim sa'xataq da la'qaatec ñi qota'a ma' qamiri judío lase'; qam sqai coñiguit, chaqai sqa 'maxariñii quiyim viriỹau'a yi nca'laxa sqaica lqodoc, ca' nagui, ca qolaqpegue' na mesqai judioipi.

Hechos 4:13

Co'na' so nashillipi ỹa'den quiyim se no'chiiralec da letaxaỹaxague' so Pedro chaqai so Juan, chaqai retane' quiyim saua ỹale' sqai napaxaguinaxaqa chaqai saua'maxare chaqai qomi', ca 'ue da le'laqa'. Ca' qaỹa'deene' quiyim ỹalequesaugui na nauegaxauaripi so Jesús.

1 Samuel 10:11

Qam ná'oco' ná'maq shi'gue lauanatec so'maxare, co'na' iuane'ta quiyim ỹalequetaugui so letaxaỹaxaquiripi ñi qota'olec, ca' chi retaqatecta', 'naaco': —¿Nega'ỹo' ca 'neeta da llaalec ñi Cis? ¿Peeta'a qai'neeta da Saúl letaxaỹaxaqui ñi qota'olec?