Mateo 13:52 - La'qaatqa ñi qota'olec Qota'olec & Qota'olec Novita Na Qomyipi

⁵² Co'na'le, ca 'naaco' quesaua'maxare: —Quiyim ca rapaxaguinataxanta'pegue na naqataxaquipi chicqo'ot so Moisés quena' napaxaguintapega dá'maq lo'ueenataxanaxac ñí'maq neeta'gue da piguim, ca ca'maxare chi ỹovireta'a quiyim 'ec lalamaxaret ca 'imec, ca ỹa'den naqatec cá'maq dalaxaic chaqai cá'maq ñauapec quená'maq la'maqatec.

Mateo 13:52 Iomraidhean Croise

Esdras 7:10

Ca' so Esdras ỹahotaque ỹaatqajam napaxaguina quiyim ipacqajanchigui quiyim ỹo'uet na laqataxaquipi ñi qara'gaxala' chaqai quiyim ỹapaxaguin na llaalqaipi so Israel quena laqataxaquipi chaqai na nelaataxanaxaquipi.

Esdras 7:21

Ca' ỹim nashi Artajerjes, saanec da ỹa'qaatec quená'ogue ná'maq reloqota'a ana nam quiyi 'laua pa'ỹa'gue da lauashiguim caso lachiugue Eufrates, quiyim chaqa'ma' qoỹaanem canchaqaica rashiilaxanaque na netaxaỹaxanqajnec Esdras chaqai napaxaguinataxanaq quenaua laqataxaco ñi qota'olec queda piguim.

Esdras 7:6

Ca' sojo Esdras napaxaguinataxanaq ỹaatqajam ỹa'deene' naua leloxoỹaxaco naua laqataxaco ñi qara'gaxala' ñí'maq qota'olec quiyi Israel ỹaaneco' na'le, chicqochigui nqai'en so Moisés. Ca so'maxare ỹaatqajam qaỹotauantac quiñi qara'gaxala'. Ca' so nashi Artajerjes ỹaanem cá'ogue cá'maq rashiilaxanaque. Ca' chaqaida 'neeto' na'le na' so Esdras quiyi Babilonia pil,

Mateo 12:35

Cá'maq no'uen ỹale, ca lo'yaxanqa naua la'qaatqa, ma' cá'maq no'uen hueetagui añi le'taxanata. Chaqai ca se no'uen ỹale, ca' se no'viiñi naua la'qaatqa, ma' cá'maq se no'uen hueetagui añi le'taxanata.

Mateo 13:51

Ca co'na'le, ca renataxano' so Jesús: —¿Ỹaatqajam 'yiiñichigui dá'ogue dajo? Ca saua'maxare 'neraco': —Ajá'a, qami' qara'gaxala'.

Mateo 13:53

Ca co'na' ime 'ue na raloqojnaxantapigui so Jesús, ca' ca'e yi'maxare.

Mateo 23:34

Ca' vichiguiño' ñila' ma'le ca itaxaỹaxanqajanqaipi chaqai ca 'deenaxanqachaqaiquipi chaqai ca napaxaguinataxanaripi. Qam qamiri 'ue ca lauachii chaqai pachiñiho ma'le quecaua'maxare, chaqai caua liỹa' ca huaxañita'pe quenaua rapoxoguii, chaqai 'ue na ocañitac quenaua na'aate'.

Mateo 28:19

Ca' vichiguiño' qamiri selarii quiyim quiipegue' ná'ogue na ỹoreta'oguit qomyipi. Ca' 'viichii quiyim ỹim napaxaguinaxala', chaqai chilaxanataxañiỹa da leenaxat ñi qota'olec, chaqai najo llaalec, chaqai so Espíritu Santo.

Lucas 11:49

Vichiguiño' ñi qota'olec queda la'deenaxanaxa 'naac: “Selata ma'le na ỹa'qaataxanqajanqaipi chaqai ca ilaatqaipi, ca 'uo' ma'le ca qaỹalauat, chaqai ca liỹaripi, ca' qaỹocantac.”

Juan 13:34

Saanema qamiri najo dalaxaic nelaataxanaxac, quiyim ñi 'óna i'xoren ca liỹa. 'Nejem dá'maq i'xorenataxanaxa caqamiri, ca' chaqaida 'ñiita'gue quiyim ne'xoriñiỹata'.

2 Corintios 6:10

'Eno'm sachicoqota, qam ñaqai qara'maqachiguiñi. 'Eno'm se'xorqata, qam 'xoic na 'ue nqaiyi nqaishinaq. 'Eno'm qaica ca yi coqomi', qam qaica cá'maq souenqataque quená'ogue.

Efesios 3:4

Ca ma' taxailec, ca' retañii quiyim ỹaatqajam sa'den dá'maq se re'xogui chicqo'ot so Cristo.

Efesios 3:8

Ma' ỹim qaica quet cá'maq shinegue, ma' paguec ỹim cocho'qui' quená'ogue ná'maq lalamaxaret ñi qota'a. Qam ñi'maxare queda lqouagaxa, ca' pataxailec quiyim sa'xat da na'qaatec quena mesqai judioipi quedá'maq qaica 'nejem lesallaxa so Cristo.

Colosenses 1:7

Dajo dá'maq ỹapaxaguinguelo' na'le qamiri so qanauochaxaua qarqaỹa Epafras. So'maxare lo'ueenataxanaxaua' qomi'. Chaqai caqamiri, ca' ỹaatqajam qamaxaraic lo'ueenataxanqajnec so Cristo.

Colosenses 3:16

Chaqai da lapaxaguinataxanaxac so Cristo no'qaachiguilo nqai'ne' naua re'taxanatahi. Napaxaguiñita'ta' chaqai ỹaatqajam 'yiiñii quiyim na'ñaxachita'ta'. Chaqai no'm 'ueenaxañii, qam 'viiñii ná'ogue na ỹoreta'oguit no'ueenqaipi chicqo'ot so Espíritu Santo. Chaqai chicqochigui nqai'ñii añi re'taxanatahi quiyim 'ỹaañitacot da na'aachicyaxaguii ñi qota'a.

1 Timoteo 3:6

Se no'uen quiyim na'gaxala' ca chita'gue icoñiguit da na'qaatec, 'neeto' ỹovira'a quiyim nemaqajan, ca' qanaqajñi queso se no'uen, ca 'nejem da ỹovirau'a nouaxanaxaset na'le so na'ỹaapec.

Tito 1:9

Chaqai ỹaatqajam na'ñaxate'tegue dá'maq ỹaatqajam leloxoỹaxac da na'qaatec dá'maq mashic qaỹapaxaguinegue, qaiyi ishit quiyim ỹa'ñaxat ca liỹa, ỹahote'e dá'maq no'uen napaxaguinataxanaxac, ca' ishit taauec nqai'en ca loqollictaxanaxac na qollictaxanaxairipi.