Mateo 13:47 - La'qaatqa ñi qota'olec Qota'olec & Qota'olec Novita Na Qomyipi

⁴⁷ Qai'neeta dá'maq lo'ueenataxanaxac ñí'maq neeta'gue da piguim, da'maxare 'nejem ca naleguec qaỹalliguingui aca huaaxai. Ca' ỹaleque'ejta' ná'maq naleguecsec nallinyipi.

Mateo 13:47 Iomraidhean Croise

Ezequiel 47:10

Chicqochi'ñi yi Engadí, ỹovira'a yi En-eglaim, 'ue ma'le ca noqoinaxanaripi, ca' chaqaiyi hua'ñi ma'le, ca' ỹashiviaxat na laleguec. Ca' yi, hua'ñi na ỹaatqajam 'xoic chaqai ỹaleque'ejta' nallin, 'nejem aso huaaxai hueetegueñigui ana delec.

Mateo 13:44

Da lo'ueenataxanaxac ñi qota'a neeta'gue da piguim, da'maxare 'nejem aca lahi' ana plata qaishinñi quena 'laua. Quiyim ca qom iuanejlec aso lahi' ana plata, ca lotqai liỹa ỹoxojñi, ipacqajanchi'ñi ca loma'. Ca' ỹaatqajam 'xoic da netoonaxac. Ca pil, imen ná'ogue na louenec, ca' rishiujnaxana sojo 'laua.

Mateo 13:46

Ca no'm 'ue aca iuanejlec 'xoic lesega'a, ca' pil. Ca imen cá'ogue ca louenqaipi, ca' rishiujnaxana cajo perla.

Mateo 13:48

Ca' quiyim no'xagui cajo naleguec, ca cá'maq noqoinaxanyipi ỹauecta'a ca lqodoc ca huaxaỹaq. Ca' nqa'xanñi, nca'agui na nallin. Ca ná'maq no'uen, ca' ỹa'maxat caca lahi', ca' inaxauec ná'maq se no'uen.

Mateo 4:19

Ca' so Jesús 'naaco' quesaua'maxare: —Naguigue aỹim, ca' ỹim so'uet quiyim qamiri noqoinaxana' ma'le quena qom.

Marcos 1:17

Ca' so Jesús 'naaco' quesaua'maxare: —Oquiigue aỹim, ca' ma'le so'uet quiyim qamiri noqoinaxana' quena qomyipi.

Lucas 5:10

Chaqai so Jacobo chaqai so Juan llaalqa so Zebedeo chi liỹa' so Simón qai'neeta no'chi'. Qam so Jesús 'naapega so Simón, 'naaco': —Totaxan ro'chi'i', ma' nagui sanagui qami' quiyim qami' noqoinaxanaq quena qomyipi.

Juan 15:2

Ñi'maxare ichaxauec acanchaqaca quená'maq ỹasotellipi no'm sqaca aca la, chaqai no'ueenaxategue chaqai co'taxat acá'maq lasote 'ue aca la, qaiyi paguec aca la.

Juan 15:6

Ma' cá'maq se na'deetau'a ỹim, ca' qainaxauec, ca' ỹaso, 'nejem aná'maq lasote quena' qalapoon, ca' qaỹavigaxat queca norec.

Hechos 20:30

Qam ma'le, ca chaqaqamiri chicqochiguinguilo ca ne'laxashiguim rapaxaguiñiigue da la'maachic, se ỹa'xat ca lliqueta, ma' ỹahotaque qoyiguegue quená'ogue ná'maq mashic icoñiguit da na'qaatec.

1 Corintios 11:19

Qam ¡quedajo sqaica roqollictaxan, ma' ỹouen quiyim neuagaxachiỹac ỹoreta'oguit na quiilec qom, qaiyi re'oq cá'maq ỹaatqajam huelec da na'qaatec!

2 Corintios 11:26

Chaqai 'xoic na ỹouoxoc, ca' seuana na lichic ana lachiugue, chaqai lichic na cuataxairipi, chaqai na lichic na chi iuo' laseripi, chaqai na se iuo' laseripi. Chaqai seuana da lichic na na'aateripi, chaqai quena no'ueenaxa, chaqai ana huaaxai. Chaqai seuana na lichic ná'maq 'naac qarqaỹaripi, qam 'maatqaiquipi.

Gálatas 2:4

'Nesa ma' llic ma' 'vii naua sqai ỹaatqajam 'chichiriñi qarqaỹa' nalecqajansauguilo qomi', nañoxotesañi, ca ỹahosaque quiyim qaỹa'ue ca netanec na loshicmaxa. Na'maxare nalecqajno, qam chi na'ajnaxanaripi quiyim ỹa'ajan dá'maq shinqatari' quiyim qaica canchaqaica ma' ña'daqatau'a so Cristo Jesús, ca' ỹahotaque quiyim liỹa ñcoñiraxaguit na nelaataxanaxaquipi.

Apocalipsis 3:1

Qai'neeta lachita aca lere ñi nelaatec reloqota'a yí'maq mashic icoñiguit da na'qaatec na'ñi yi Sardis. 'Ñiraco': “'Eda 'neeta da la'qaatec ñí'maq no'qoota'alo daua siete no'ueenataxanaxaco se re'xoguilo chicqoro'ot ñi qota'a chaqai yaua siete huaqajñi: Ỹim sa'den ná'ogue ná'maq 'viichi'sac, chaqai quiyim mashic qami' leuaxaic, 'eno'm 'ue da lichoxoric aqami' quiyim qohinac rca'lli'sauec.