Mateo 13:44 - La'qaatqa ñi qota'olec Qota'olec & Qota'olec Novita Na Qomyipi

⁴⁴ Da lo'ueenataxanaxac ñi qota'a neeta'gue da piguim, da'maxare 'nejem aca lahi' ana plata qaishinñi quena 'laua. Quiyim ca qom iuanejlec aso lahi' ana plata, ca lotqai liỹa ỹoxojñi, ipacqajanchi'ñi ca loma'. Ca' ỹaatqajam 'xoic da netoonaxac. Ca pil, imen ná'ogue na louenec, ca' rishiujnaxana sojo 'laua.

Mateo 13:44 Iomraidhean Croise

Proverbios 23:23

Shiujnaxañita da lliqueta chaqai da na'deenaxanaxa, da paxaguinataxac, da na'deenec, ca' ¡sqai miiñi'!

Isaías 55:1

Ná'ogue ná'maq iuet ca laquip, naiquena, ca' ne'et quena huaxaỹaq; naiquena ná'maq qaca aca lam, naguiu'a na trigo chi qoỹaantauec, ca qui'ii; naguiu'alo na lataxa chaqai naua lo'i', qam sqai shivichiñii.

Mateo 13:24

Ca' so Jesús ỹo'uet so liỹa raloqojnaxañigui, 'naaco': —Da lo'ueenataxanaxac ñi qota'a neeta'gue da piguim, 'nejem ca qom ỹanlec ca na'laua aca no'uen lanecse.

Mateo 13:46

Ca no'm 'ue aca iuanejlec 'xoic lesega'a, ca' pil. Ca imen cá'ogue ca louenqaipi, ca' rishiujnaxana cajo perla.

Mateo 13:47

Qai'neeta dá'maq lo'ueenataxanaxac ñí'maq neeta'gue da piguim, da'maxare 'nejem ca naleguec qaỹalliguingui aca huaaxai. Ca' ỹaleque'ejta' ná'maq naleguecsec nallinyipi.

Mateo 19:21

Ca' so Jesús 'naaco': —No'm vi'saque quiyim ỹaatqajam naloochiguiñi da no'ueenataxaqui', ca' miiñi' ná'ogue na hueeto'ot qami', ca' 'ỹaañirougui na 'xoraiquipi, qaiyi ỹaatqajam 'ue ca resallaxa'e' hueeta'gue da piguim. Ca ma' ime, ca naquitegue aỹim.

Mateo 19:27

Ca' so Pedro 'naaco': —Qami' qara'gaxala', na' ñanaguinaxague qami' ño'ueenaxatqachiguiñi cá'ogue ca qarouenqaipi. ¿Nega'ỹo' cá'maq seconaxaguit ma'le?

Mateo 19:29

Chaqai ná'ogue ná'maq no'ueenaqchichiriñi caua la'aate', loqo'm caua lqaỹa' chaqai caua lqaỹa' 'aalo, loqo'm ca leta'a, loqo'm aca late'e, loqo'm aca loua, loqo'm ca llaalqaipi, loqo'm caua na'lauari, quiyim ỹapacqajnauec quegue aỹim, ca' cien cá'maq ỹapacauec icoñiguit ma'le. Chaqai icoñiguit ma'le da nca'laxa sqaica lqodoc.

Mateo 6:21

Ma' cá'maq hueeta'gue nqai'ñii ca resallaxahi, ca' chaqaica hueeta'gue qai'neeta añi re'taxanatahi.

Lucas 14:33

'Eda da 'neeta quiyim 'ue cá caqamiri quiyim se ỹalat ná'ogue na louenqaipi, se ishit quiyim ỹapaxaguinatec.

Juan 6:35

Ca' so Jesús 'naaco': —Chaqaỹim ná'maq pan chicqaugui da nca'laxa. Cá'maq nacpegue' aỹim, ca se ỹauanapega quiyim qopat; chaqai cá'maq huelec aỹim, ca se ỹauana ỹalauat laquip.

Romanos 15:4

Ma' ná'ogue ná'maq shi'gue qoỹeretañi la'qaatec ñi qota'a, qoỹiriñi ma' qaỹauaaque qanapaxaguinaxat, qaiyi 'ue ca qareualaxavic chaqai ca la'maxa qouel chicqochigui da'maxare, ca' 'ue da qanaquitaxac.

Colosenses 2:3

Ma' chaqaiso só'maq ỹomata'ta' hueetaugui ná'ogue na na'deenaxanaxa chaqai da na'deenataxanaxac.

Colosenses 3:16

Chaqai da lapaxaguinataxanaxac so Cristo no'qaachiguilo nqai'ne' naua re'taxanatahi. Napaxaguiñita'ta' chaqai ỹaatqajam 'yiiñii quiyim na'ñaxachita'ta'. Chaqai no'm 'ueenaxañii, qam 'viiñii ná'ogue na ỹoreta'oguit no'ueenqaipi chicqo'ot so Espíritu Santo. Chaqai chicqochigui nqai'ñii añi re'taxanatahi quiyim 'ỹaañitacot da na'aachicyaxaguii ñi qota'a.

Hebreos 10:34

Chaqai qamiri 'ue da re'xorenataxanaxahi quená'maq qaicoñiretari', chaqai vire'ta quiyim 'ue da netoonaxaguii quiyim na'ñaxachiiguit quiyim qarouootaxanegue ca roviñiguii, ma' qamiri 'yiiñita quiyim 'ue ca hueeta'gue da piguim roviñiguii paguec loyac chaqai sqaica lqodoc.

Apocalipsis 3:18

Ca vichiguiño' 'ue da ỹaqataxac nagui caqami', quiyim chigoxochiro'ot aỹim ma'le cá'maq shiujnaxañita cá'maq ỹaatqajam 'oro nqatelecsec, qaiyi ỹaatqajam qami' nesallaxanec, chaqai quiyim chigoxochiro'ot aỹim quiyim shiujnaxañiraque ca qatooỹaqui' lalagaxaic, ca ñi'riñi, ca po'irelec ná'maq ỹo'ueetetac na nayiloxo quiyim ñi'sauec, chaqai shiujnaxañiraque ca latate' naua nqochichi', qaiyi neuañiriñi.