Mateo 13:43 - La'qaatqa ñi qota'olec Qota'olec & Qota'olec Novita Na Qomyipi

⁴³ Ca ná'maq ỹo'ueetetac dá'maq ỹahotaque ñi qota'olec, ca' 'ue ma'le na lauaq 'ec añi ra'aasa quiyim hueetaugui ma'le ca lo'ueenataxanaxac ñi leta'a. Ca' qamiri no'm 'yiiñii da na'xaỹaxanaxaguii, ca ¡'maxaraic quiyim na'xaỹaxañita!

Mateo 13:43 Iomraidhean Croise

Éxodo 34:35

Ca co'na' ỹa'den so Israel llaalqaipi quiyim 'ue na lauaq na lashic so Moisés, ca lotqai liỹa ỹapogui na lashic queso lapooque'. Ca' chaqaida 'neetari' nqai'en, toco' quena' ỹovita quiyim ỹovita liỹa retaxaỹa'pegue' ñi qara'gaxala'. (35.1—39.43 Co'na'le quenajo, ca' so llaalqaipi so Israel nodouo ana lachitaxanataxanqate quiyim qaỹo'uet chaqai qaỹa'ue na louenqaipi yi lanatqa' ñi qota'olec, qam na' qaỹo'uet, ỹaatqajam qaipacqajanchigui dá'maq 'naaco' na'le ñi qota'olec queso Moisés.)

Mateo 11:15

Ca cá'maq ỹa'den da na'xaỹaxanaxac, ca no'uen quiyim ỹa'maxate'tegue da na'xaỹaxanaxac.

Mateo 25:34

Ca' ca nashi 'naac ma'le casó'maq pa'aata'gue da loic: “Qamiri ỹalahi quenajo, qamiri nauá'maq qanqouagueque quiñi ita'a. Coñiguit dá'maq ralamaxarichii no'ueenataxanaxac mashic ỹa'maqatañi nouetaxanatec qaỹaqatqajantari' caqamiri shi'gue na' ñaqai chita'gue qaỹo'uet na 'laua quiñi qota'olec.

Mateo 25:36

Qaica ca ỹooỹac, ca' qamiri 'viichii ca ỹooỹac; na' yalola, ca quiipegue' aỹim; sentaugui añi ncoñiitaxanaxaqui, ca 'piichiu'a ỹim.”

Mateo 26:29

Qam ỹim shinac caqamiri quiyim tot liỹa ñi'chigui najo li'i ana 'úva, toco' ma' ỹovita ca na'xa'a quiyim liỹa ñi'ta'to qamiri queca 'ec dalaxaic lataxa, ma' seuqataugui da lo'ueenataxanaxac ñi ita'a qota'olec ma' ỹoiquentac ná'ogue najo.

Marcos 4:23

Ca cá'maq 'vii caua lque'laa lauaco quiyim na'xaỹaxan, ca 'maxaraic quiyim ỹa'maxate'tegue da na'xaỹaxanaxac.

Lucas 12:32

Totaxan ro'chii, ma' qamiri 'ñiita acá'maq ỹalamqate iloxoiqatecse qagreta. Qamiri sqo vite', qam ñi qata'ahi ỹaatqajam ỹa'maxarente' qamiri quiyim nouañiỹau'a da lo'ueenataxanaxac ma' ỹoiquentac ná'ogue najo.

Lucas 22:29

Vichiguiño' saanema qamiri ca ro'ueenataxanaxaguii quiyim 'viiquiñitac ná'ogue najo, 'nejem ñi qota'a ỹaanem aỹim da ỹo'ueenataxanaxac,

1 Corintios 15:58

Ca' vichiguiño' qamiri ñauochaxaua' ỹaqaỹa', sqaico' ca nqovilliguiỹaque, ỹaatqajam quiito'ot 'viichitac da lo'ueenataxanaxac so qara'gaxala'. Ma' qamiri 'yiiñita da ro'ueenataxanaxaguii quiyim 'ueenataxañitacot so'maxare, ma'le ỹaatqajam 'ue ca 'negue.

Santiago 2:5

Qamiri ñauochaxaua' ỹaqaỹa', ñaq na'xaỹaxañiỹa da ỹa'qaatec: Ñi qota'a lca'acsec na 'xoraic qomyipi quená'maq hueetalec na 'laua, ma' ỹahotaque quiyim 'ec nesallaxanec queda lpi'ỹaxac chaqai quiyim ỹalecau'a icoñiguit cá'maq ñaqa naataho lo'ueenataxanaxac ỹachaxantapeguem ná'maq nqo'ta ñi'maxare.