Mateo 13:38 - La'qaatqa ñi qota'olec Qota'olec & Qota'olec Novita Na Qomyipi

³⁸ Ca só'maq nanaxanqa', ca chaqaina ná'maq seuqatalec 'laua. Ca só'maq no'uen nanecse la, ca' chaqaina ná'maq qomyipi mashic hueetaugui da lo'ueenataxanaxac ñi qota'a. Chaqai asó'maq peue se no'uen taỹaugui só'maq lalamaxareteripi so na'ỹaapec.

Mateo 13:38 Iomraidhean Croise

Génesis 3:15

Ca' nagui so'uet quiyim qami' chaqai ada 'aalo qamiri pa'guenaxaua', ca 'nejem ca qachaalaxai'pi chaqai ca llaalqaipi ada'maxare. Ca llaalqaipi ada'maxare co'vigui na rqahiqui', chaqai qami' a'quirigui ana la'ỹaaxa.

Salmos 22:30

Na ỹaxataxahipi nqouagaxaintacot ma'le ñi qara'gaxala', chaqai ỹa'xatetac ma'le ñi'maxare quedá'ogue da nachaalataxac;

Isaías 53:10

Ñi qara'gaxala' ỹahotaque ỹa'ue da le'xoric. Ca' quiyim chaqaiso só'maq nañaañiguit da lelauaxa quena nasauaxaset, ca ladoc ma'le da nachaalataxac, ca' iuanau'a ma'le ca llaalqaipi; ca chicqochigui so'maxare ma'le quiyim ỹa'maxañi dá'maq ỹahotaque ỹo'uet ñi qara'gaxala'.

Oseas 2:23

Sa'yiñi ma'le yi ỹalamaxareteripi quena 'laua, qaica ca taỹa'gue, qaỹimeta; ca' yqouaguegue ma'le añi leenaxat se qanqouaguegue, chaqai shinac ma'le quiñi leenaxat se ỹalamaxaret iuo': Ỹaatqajam qami' ỹalamaxaret. Ca ñi'maxare 'naac ma'le caỹim: Ỹaatqajam qami' qota'olec caỹim.

Mateo 13:19

Ná'maq na'xaỹaxana dá'maq na'qaataxac da lo'ueenataxanaxac ñi qota'a neeta'gue da piguim, qam se ỹa'den, ca 'nejem acá'maq la taachi'ñigui ca nayic. Ca' anac so na'ỹaapec, ca rouootaxana'gue só'maq hueetagui añi le'taxanata.

Mateo 24:14

Qam dajo no'uen na'xaỹaxac ỹa'xat dá'maq lo'ueenataxanaxac ñi ỹoiquentac ná'ogue najo, da'maxare qaỹa'xat ma'le quená'ogue na 'laua, qaiyi qaỹa'den quená'ogue na ỹoreta'oguit qomyipi. Ca ma'le, ca' novi' ca nqodoc.

Mateo 5:37

Ta'ta'a quiyim 'ñiỹac: “ajá'a” loqo'm “'e'”. Ma' cá'maq qaỹoqoto na'qaatec quedajo, ca' chicqo'ot so na'ỹaapec.

Mateo 8:12

Qam ná'maq ỹalequetau'a quet da no'ueenataxanaxac hueeta'gue da piguim, na'maxare qaỹo'da'oga ma'le ca napalaxa pa'aauec. Ca quiyi ca hua'ñi, ca noỹentac iquishquinta' naua loue quena nqui'ic.

Lucas 24:47

Ca' dajo leenaxat qaỹa'xat ma'le, qara'qaataxanougui na ỹoreta'oguit qomyipi, quiyim qohinapega ná'ogue na'maxare quiyim ỹalate' naua no'ueenataxaco, qaiyi naua lasauaxasete' qaỹapalaxate', qaỹachigoxochichi'ñi na Jerusalén.

Juan 12:24

Ỹaatqajam llic da shinac caqamiri, quiyim no'm 'óna ca trigo la sqai najñi, ca' taugui na 'laua, ca' se nqo'in quiyim 'oonoqui'. Qam no'm ileu, ca' ishit quiyim 'xoic ca qanaqat chicqaugui.

Juan 8:44

Ỹaatqajam qamiri lalamaxarete' llaalqa so na'ỹaapec, ma' viitaque 'viichii dá'maq ỹahotaque so'maxare. So na'ỹaapec ỹaatqajam lauataxanaxai, chicqotañi na' llaqai chita'gue qaỹo'uet na 'laua. Se ỹauanapega ỹouen da lliqueta, chaqai se ỹa'xat ca lliqueta. Quena' ỹa'xate' naua la'maachico, retaqa, qam chi na'xateteguelta'. Ma' so'maxare ỹaatqajam 'maatqaic, chaqai chaqaiso só'maq leta'a na na'maachic.

Hechos 13:10

Ca 'naapego': —¡Qami' 'maatqaic chaqai qami' hualoxonaq, qami' na'ỹaapec llaalec, chaqai npa'guenaxaua ná'ogue na lo'yaxanec! ¿Chi'neco' ma' naxachisa'piguit dá'maq no'uen llicyaxac ñi qara'gaxala'?

Romanos 10:18

Qam ỹim senataxan: ¿Peeta'a sqa 'xaỹa na'maxare da na'qaatec? ¡Ajá'a, pacaco', qa'sqai 'qaatapega! Ma' naua nerecse' la'qaatqa ñi qota'a 'neracsa': Da lelamqa' naua la'qaatqa saua netaxaỹaxanqajanqa qara'xaỹa quená'ogue na 'laua, chaqai nalolec naua'que naua lahil na 'laua daua la'qaatqa saua'maxare.

Romanos 16:26

Qam nagui, ca' qaichoxot, chicqochigui nqohin naua naneresañi na'qaatqa no'ueenaqterañi na'le saua 'auaxaqa letaxaỹaxanqajanqa ñi qota'a, dá'maq relaataxanlco' na'le ñi qota'a sqaica lqodoc. Dajo se re'xogui lo'ueenataxanaxac ñi qota'a nagui, ca' qaichoxotem ná'ogue na ỹoreta'oguit qomyipi quiyim huelec chaqai na'xaỹaxana.

Romanos 8:17

Ca' quiyim mashic qomi' llaalqa, ca qai'neeta sovirqau'a quiyim seconaxaguit dá'maq ỹachaxantac ñi'maxare coqomi'. Ca ỹaatqajam ñouanqa'te' so Cristo, no'm chaqaiyi quiyim qare'xoyaxaua nagui so'maxare. Ca ma' ime, ca' ñouanqau'a ma'le da lauaq so'maxare.

Colosenses 1:6

Dajo na'qaatec dá'maq qaỹa'xatema qamiri na'le, chaqaida dá'maq noquiiquetashiguim, ca re'oq da laỹaxac quená'ogue na 'laua. Qaican ỹapaguec na'le caqamiri na' qaỹa'xatema qamiri da le'xorenataxanaxa ñi qota'a, ca 'yiiñii dajo quiyim chaqaida dá'maq ỹaatqajam ne'xorenataxanaxa.

Santiago 1:18

Nañaanoxorom da qarca'laxa chicqochigui nqai'en da na'qaatec ỹaatqajam llic, ma' ỹahotaque quiyim qomi' la'auaxanqa la' quená'ogue na lo'ueenatec. Ma' chaqaida dá'maq ỹahotaque.

Santiago 2:5

Qamiri ñauochaxaua' ỹaqaỹa', ñaq na'xaỹaxañiỹa da ỹa'qaatec: Ñi qota'a lca'acsec na 'xoraic qomyipi quená'maq hueetalec na 'laua, ma' ỹahotaque quiyim 'ec nesallaxanec queda lpi'ỹaxac chaqai quiyim ỹalecau'a icoñiguit cá'maq ñaqa naataho lo'ueenataxanaxac ỹachaxantapeguem ná'maq nqo'ta ñi'maxare.

1 Pedro 1:23

Ma' qamiri mashic dalaxaic ne'xaiñi, qam da ne'xaỹoqsoxoguii sqai chicqochiguilo caua re'qoochiguilo qata'allii, ma' ileue' caua'maxare. Ta'ta'a quiyim da ne'xaỹoqsoxoguii chicqochigui da la'qaatec ñi qota'a dá'maq nca'leesauec chaqai se imero.

1 Juan 3:2

Qamiri ỹaqaỹarolqa, mashic qomi' llaalqa ñi qota'a. Qam saqa' qaỹachaxanoxorom cá'maq shinqata ma' novi' cá'naq nqodoc. Qam sa'deenaq quiyim ma' liỹa re'oq so Jesucristo, ca' shinqatam so'maxare, ma' seuanaxa ma'le dá'maq ỹaatqajam 'neetari' so'maxare.

Apocalipsis 14:6

Ime na'le, ca' seuane'ta so liỹa nelaatec piguim le'ec, ỹoota quena lavinñi na piguim, i'xateta da na'qaatec sqaica lqodoc chicqaugui da nca'laxa, ỹahotaque ỹa'xatem ná'maq hueetalec ana 'laua, ná'ogue ná'maq ỹoreta'oguit na la'qaatec qomyipi.