Mateo 13:35 - La'qaatqa ñi qota'olec Qota'olec & Qota'olec Novita Na Qomyipi

³⁵ Dajo 'ue, qaiyi ipaquichigui dá'maq la'qaatec só'maq letaxaỹaxanqajnec ñi qota'a, co'na' ỹiriñi: Sa'qaataxan ma'le, qam sahote'e ca ỹaloqojnaxanaxaqui; sa'xate' nauá'maq se qaỹa'deene' caua leloxoỹaxague' shi'que na' ñaqai chita'gue ñi qota'olec ỹo'uet na 'laua.

Mateo 13:35 Iomraidhean Croise

Isaías 42:9

'Ajñii quiyim ipaquichigui ná'ogue ná'maq shi'gue shinac, nagui, ca lotqai dalaxaic ná'maq sa'xateta'guit; sa'deenaxanaxaneguelo qamiri naua'maxare, 'eno'm saqa' novite'. (42.10-25 Qaro'ueenaxanta'uegue quiyim qaimaqachin chaqai da lca'laqataxanaxac ñi qota'olec. Da 'ec lqai'laxa yi Israel.)

Amós 3:7

Ñi qara'gaxala' se ỹauana quiyim 'ue ca ỹo'uet quiyim se ỹa'deenaxanaxanegue na lelaatqaipi letaxaỹaxaquiripi.

Mateo 13:14

Ca quedá'maq 'neetari' na'maxare, ca' ipaquichigui dá'maq ỹa'xato' na'le so qota'a letaxaỹaxanqajnec leenaxat Isaías, co'na' 'naac: Qamiri ỹaatqajam 'xaitac ma'le, qam sqa 'yiiñii ma'le ca leloxoỹaxac; ỹaatqajam huañiỹa ma'le, qam se retañii.

Mateo 13:3

Ca' so Jesús ỹaatqajam 'xoic na lapaxaguinataxanaxac, qam ỹahote'e na laloqojnaxanaxaqui, 'naaco': —'Uo' na'le so ỹale danaxan, ỹanñi aso lanecse ala.

Mateo 25:34

Ca' ca nashi 'naac ma'le casó'maq pa'aata'gue da loic: “Qamiri ỹalahi quenajo, qamiri nauá'maq qanqouagueque quiñi ita'a. Coñiguit dá'maq ralamaxarichii no'ueenataxanaxac mashic ỹa'maqatañi nouetaxanatec qaỹaqatqajantari' caqamiri shi'gue na' ñaqai chita'gue qaỹo'uet na 'laua quiñi qota'olec.

Mateo 5:2

Ca' so Jesús ỹapaxaguintac so qomyipi, 'naac:

Lucas 10:14

Qam queca pa'aatec na'xa'a ma' qaimit ná'ogue najo, ca' qamiri coñiguit ca ỹaatqajam lodegaxat nouaxanaxashichii, sqai 'nejem ma'le yi Tiro chaqai yi Sidón.

Juan 17:24

Qami' ita'a, qami' nañaañi' naua'maxare, ca' ỹim sahotaque quiyim cá'maq senta'ñi qai'neete' naua'maxare neesa'ñi, qaiyi iuanta dá'maq imaqachic nañaañi'; ma' ỹaatqajam yi'xoriñi' shi'gue na' saqa'leca na 'laua.

Hechos 15:18

Ca' chaqaida 'neeto' da la'qaatec ñi qara'gaxala' ñí'maq ỹo'uet quiyim qaỹa'deene' nauajo nallaaqo'.

1 Corintios 2:7

Qaidaata dajo na'deenec sa'xatqatac, dá'maq se re'xogui chicqo'ot ñi qota'a. Da'maxare chaqaido' da ỹahotaque ñi'maxare na' saqa'leca na 'laua na' ỹahotaque da qarca'laxa sqaica lqodoc.

Efesios 3:5

Dajo se re'xogui ỹaatqajam qaica ca qaỹa'deenaxanaxanegue quesaua 'auaxaqa ñaxari. Qam nagui, ca' ñi qota'a ỹachaxanem ná'maq co'teeta lelaatqaipi chaqai na letaxaỹaxanqajanqaipi, chicqochigui nqai'en so Espíritu Santo.

Efesios 3:9

Ca' ñi qota'a ỹamaxailec quiyim sa'deenaxanaxanegue ná'ogue na qom dá'ogue dá'maq leloxoỹaxac dá'maq se re'xogui shi'co' nallaaqo' qoỹoxotetañi quiñi qota'a, ñí'maq ỹo'ueetac nanchaqaina.

Hebreos 1:1

Queso 'auaxaic ñaxaripi ñi qota'a 'xoico' quen da letaxaỹaxac queso 'auaxaic qareta'allipi, qam ỹoreta'oguit na leloxoỹaxaquipi nqai'en quena' retaqa nqai'en so letaxaỹaxaquiripi.

Apocalipsis 13:8

Ca' sojo isecỹac ỹaatqajam qaimaqachin quená'ogue ná'maq hueetalec ana 'laua, quená'maq se qoỹeretañi ca leenaxat na' ñaqai chita'gue qaỹo'uet na 'laua, cacá'maq lere nca'laxalate hueeto'ot so 'ec qagreta llaalec shi'gue qaỹalauat.

Apocalipsis 17:8

Só'maq isecỹac lodegaxat huañita nca'leetauco' quen nallaaqo', qam mashic tot qaica. Qam qaiyiita liỹa nenoxonshiguim ma'le chicqa'ña yi lapooqo' na lqui'i na leuaxaiquipi, ma' saqa' ỹovita cá'maq ỹaatqajam lelauaxa. Ca cá'maq hueetalec ana 'laua quená'maq se qoỹeretañi ca leenaxat caso lere lomalate na ca'laxaiquipi na' ñaqai chita'gue qaỹo'uet na 'laua, ca' 'ue ma'le ca le'laxa ma' iuana so isecỹac lodegaxat só'maq nca'leetauco' quen nallaaqo', qam mashic tot qaica, qam lotqai liỹa rapil ma'le.