Mateo 13:33 - La'qaatqa ñi qota'olec Qota'olec & Qota'olec Novita Na Qomyipi

³³ Qai'neeta ỹo'uet da liỹa laloqojnaxanaxaqui, 'naaco': —Da lo'ueenataxanaxac ñí'maq neeta'gue da piguim 'nejem ana pe'taxachigui na pan, quiyim aca 'aalo ỹalecqajanta' quecaua tres laloqojnaxaqui ca 'aríña, quiyim ỹahotaque pe'taxachigui cá'ogue ca laqaulatec.

Mateo 13:33 Iomraidhean Croise

Génesis 18:6

Ca' so Abraham inoxonouguio' so lauo' na'daañi, ca 'naaco' caso Sara: —¡Qui'guiñira'gue! Coñita ca veinte kilos quecá'maq no'uen 'aríña, ca 'viichi' caua paañi'.

Oseas 6:3

¡Ña'ñaxataq quiyim seuanaxa ñi qara'gaxala'! Ñi qara'gaxala' nacpegueto qomi' ỹaatqajam lliqueta 'ec quena' nenoxonshiguim añi ra'aasa, ỹaatqajam lliqueta 'ec quena' na ỹaxat ỹocorelec na 'laua quiyi cotap chaqai yi nosaxa.

Mateo 13:24

Ca' so Jesús ỹo'uet so liỹa raloqojnaxañigui, 'naaco': —Da lo'ueenataxanaxac ñi qota'a neeta'gue da piguim, 'nejem ca qom ỹanlec ca na'laua aca no'uen lanecse.

Marcos 13:20

Ca no'm ñi qara'gaxala' que' nqai'ne' cauajo na'xata', ca' qaica quet cá'maq nca'leuec. Qam ñi'maxare paguec da le'xorenataxanaxa quená'maq lca'acseripi, ca' naqagaxachiñi sauajo na'xata'.

Lucas 13:21

Da'maxare 'nejem aca lpe'taqate ca pan quiyim aca 'aalo icona. Ime, ca' inaxañigui ca lodegaxat laqaulatec, ca' aca'maxare pe'taxachigui cá'ogue cá'maq naqaulatec.

Juan 15:2

Ñi'maxare ichaxauec acanchaqaca quená'maq ỹasotellipi no'm sqaca aca la, chaqai no'ueenaxategue chaqai co'taxat acá'maq lasote 'ue aca la, qaiyi paguec aca la.

Gálatas 5:9

'Neeto' lotqai couahi'e quiyim “'eno'm cocho'qui' ca quena pe'taxachigui na pan, qam ishit pe'taxachigui cá'ogue aca naqaulata.”

Filipenses 1:6

Ca' ỹaatqajam se'taxachichiguiñi quiyim ñi qota'a, ma' mashic ỹo'uet dá'maq 'maxaraic lo'ueenataxanaxac caqamiri, ca' se neme quiyim queetalec ỹo'ueetetac, ỹovireta'a nqai'en cá'maq na'xa'a ma' liỹa novi' so Jesucristo.

Filipenses 1:9

Ca quena' ñqouagaxaintac, ca sashiilaxantac quen quiyim nqo'neuec dá'maq ne'xorenataxanaxa hueetauguilo qamiri quiyim 'xoic ca ra'deenaxanaxahi qaiyi ná'ogue 'yiiñii,

2 Pedro 3:18

Qam reuogoxohi quiyim ỹaatqajam paguec huañiỹa so qara'gaxala' chaqai qarca'laxaqui Jesucristo, chaqai nañaqchitaugui da le'xorenataxanaxa. ¡Ca' qaica lqodoc quiyim qaimaqachintac so'maxare! Ajá'a, ca' chaqaida 'neeta dajo.

Jueces 6:19

Ca' so Gedeón eec, ca' ỹa'maxajñi so quetaq llaalec chaqai ỹaqaulachit so 'aríña, ca ỹo'uet so panyipi qaca lalequete cana pe'taxachigui. Ime, ca' so la'at illaañigui aso canasto, chaqai so li'i illaañigui aso 'ueena. Ca' sá'ogue ỹodouec quiyi na'ñi aso qo'paq leenaxat encina.

1 Samuel 1:24

Ca co'na' ỹaxanñi da lillipaxac co'na' ñaqai cocho'qui', ca ỹauegueu'a añi no'ueenaxanaxaqui quiñi qara'gaxala' na'ñi yi Silo. Qai'neeta ỹauegue' saua tres huaqui llaalqa, chaqai veintidos kilo so trigo, chaqai aso 'óna loshicmaxa no'qaachigui quena lataxa.