Mateo 13:32 - La'qaatqa ñi qota'olec Qota'olec & Qota'olec Novita Na Qomyipi

³² Ỹaatqajam llic quiyim ana'maxare paguec cocho'lli' caná'ogue aná'maq la. Qam quena' ñaxat, ca' eec da llaqtaxa, ca' paguec da lecaic, ca chi ỹovireta'a quiyim 'ec qo'paq chalego lecaic. Ca vire'ta ana ỹootegueri' qo'oole ỹo'uet na lpa'gue' quenaua lasote.

Mateo 13:32 Iomraidhean Croise

Salmos 104:12

Quena lahi na lachiuguellipi ỹo'uet na lco'viichaxaqui na qo'oollipi; ¡ca' quiyi, ca' noỹentac neetaguilo naua lasote ana qo'paq!

Ezequiel 31:6

Ỹaleque'ejta' na lashic ana qo'oole ỹa'ue na lco'iichaxaqui cana lasote; ná'ogue na ỹaleque'ejta' na isecỹac neuec ne'qaañi na llaalec hueeto'ot ada'maxare. Quena la'al ishit nca'laxatec na 'xoic ỹoreta'oguit qomyipi.

Zacarías 4:10

“Ca ná'maq mesqai ỹaatqajam i'taxajñi dá'maq 'ec cocho'qui' dá'maq taachi'ñi, ca' nagui, ca netoon ma' iuana ñi Zorobabel ỹomat yí'maq ỹo'ueetetac.” Ca na' ime dajo, ca' so nelaatec lotqai 'naac: Nauajo siete ncoỹeraxanaxaqui' chaqainaua nauá'maq nqote' ñi qara'gaxala', ca ñaua'maxare ỹa'ajansac ná'ogue na 'laua.

Marcos 4:30

Qai'neeta 'naaco' so Jesús: —¿Nega'ỹo' ca 'nejem nqaishinaq da lo'ueenataxanaxac ñi qota'a ma' ỹoiquentac ná'ogue najo? loqo'm ¿negue' ca paguec la'maxa quiyim saloqojnaxanaxagui?

Marcos 4:32

Qam quena' qoỹanñi, ca' ñaxat, ca' eec da lañaqtaxac, chi ỹovireta'a quiyim ỹaatqajam late'ogue', napacalec ana liỹa nanecsepi. Late'ogue' na lasotellipi, ca' na qo'oollipi anac, ca' tauguilo naua lasotellipi, ca' nco'matec quena la'al.

Lucas 13:18

Lotqai 'naaco': —¿Nega'ỹo' ca 'nejem nqaishin da lo'ueenataxanaxac ñi qota'a quiyim ỹoiquentac ná'ogue najo? ¿Chaqai nega'ỹo' ca saloqojnaxana?

Hechos 1:15

Ca 'uo' so na'xa'a, co'na' lapoota'ta', ca' so Pedro nachajñi quena lavinñi so nqaỹaripi, 'uo' ca ciento veinte so qomyipi, ca 'naaco':

Hechos 21:20

Co'na' qara'xaỹa dajo, ca sá'ogue imaqachin ñi qota'olec. Ca qohinapega so Pablo: —Hua', qami' qarqaỹa, ỹaatqajam 'yiiñite' quiyim 'xoic na judioipi mashic ỹacoñiguit da na'qaatec, ca ná'ogue na'maxare 'xoic lepagaxallic quiyim ỹouen qoyiquichi'ñigui na naqataxaquipi chicqo'tot nqohin na'le so Moisés.

Apocalipsis 11:15

Ca' so pa'aatec quesaua siete nelaatqa piguim lase' pi'chigui aso lpe'te. Ca qara'xaỹaque so chalego lecaic nivillaxac queda piguim, 'naacsa': Da lo'ueenataxanaxac ná'ogue ná'maq ỹoiquentac na 'laua, chi ỹovireta'a quiyim lalamaxaret ñi qara'gaxala', chaqai so nela' nashi nca'laxaqui; ñi'maxare qaica lqodoc quiyim ỹoiquentac na'maxare.