Mateo 13:31 - La'qaatqa ñi qota'olec Qota'olec & Qota'olec Novita Na Qomyipi

³¹ Ca' so Jesús lotqai ỹa'uo' so liỹa laloqojnaxanaxaqui, 'naaco': —Da lo'ueenataxanaxac ñí'maq neeta'gue da piguim, da'maxare 'nejem ana la ana leenaxat mostaza quiyim ca ỹale ỹanlec cá'maq chi na'laua.

Mateo 13:31 Iomraidhean Croise

Ezequiel 47:5

Ca' naloqochin so quinientos metros liỹa, ca so huaxaỹaq mashic ñigui lachiugue. Ca' tot seshit sapacta, ma' ñigui lachiugue qoỹoqochi'ñigui. Ca' qaidaata quiyim qaỹo'xonta'ta, ca' qaigueme qaishit qaỹapacta.

Mateo 13:24

Ca' so Jesús ỹo'uet so liỹa raloqojnaxañigui, 'naaco': —Da lo'ueenataxanaxac ñi qota'a neeta'gue da piguim, 'nejem ca qom ỹanlec ca na'laua aca no'uen lanecse.

Mateo 17:20

Ca' so Jesús 'naaco' quesaua'maxare: —Ma' qamiri cocho'qui' da rpi'ỹaxaguii. Ỹaatqajam llic da shinac caqamiri, quiyim 'ue ca rpi'ỹaxaguii, 'en quet chi lecaata ana la ana mostaza, ca' 'ñiỹapega anajo quemaralec late'ogue': “Quire'e najo, ca' ỹoqa'a ca 'iri'ñi”; ca cajo quemaralec late'ogue' ca'e cá'maq na'ñi. Ca' qaica quet cá'maq qalañiỹac quiyim ỹaatqajam 'ue ca rpi'ỹaxaguii.

Lucas 17:6

Ca' so qara'gaxala' 'naapegalo' saua'maxare, 'naaco': —Qamiri quiyim 'ue ca rpi'ỹaxaguii quiyim lecaato'lli' ana la ana leenaxat mostaza, ca' 'ñiỹapega ada qo'paq late'ogue', 'ñiỹac: “Oquire'e na ñi'sa'ñi, ime, ca' nqo'ñiri'ingui aso huaaxai”, ca' ada qo'paq na'xaỹaxane'talo qamiri.

Lucas 19:11

Ca co'na' so qomyipi ñaq na'xaỹaxantapega so Jesús queda ỹa'xatetac, ca so'maxare ỹa'uo' ca raloqojnaxana, ma' mashic tot qoỹoqaque yi Jerusalén. Ma' so qomyipi pe'taxantaque quiyim mashic ỹovita ca laloqo' quiyim ñi qota'a ỹoiquentac ná'ogue najo.

Lucas 20:9

Ca co'na' ime, ca' so Jesús ra'qaataxanem so qomyipi, ỹahote'e ca raloqojnaxana, 'naaco': —'Uo' so ỹale ỹa'uo' so lanaxanqa', ca ỹanñi ana 'úva. Ca co'na' ime, ca' ỹanalec so lelaatqaipi. Ime, ca' quepegue' ca liỹa 'laua, ca mashic 'vio' caua ñaxari queca neeta'gue.