Mateo 13:27 - La'qaatqa ñi qota'olec Qota'olec & Qota'olec Novita Na Qomyipi

²⁷ Co'na'le, ca so nelaatqaipi eec, ca' 'naapega só'maq lalamaxaret sojo nanaxanqa': “Qami' qana'co', no'm no'uen asó'maq qadañicshi'i' ñiriñi na'le quena qadanaxanqachi', ca ¿negue' cá'maq chicqa'co' ana peue?”

Mateo 13:27 Iomraidhean Croise

Mateo 13:25

Qam na' ñaqai ná'ogue laqata, ca' inoxono só'maq npa'guenaxaua só'maq lalamaxaret sojo nanaxanqa'. Ca' ỹanñi aso se no'uen peue, ỹalecqajnougui so trigo. Ca' eec.

Mateo 13:26

Ca co'na' ñaxat so trigo co'na' mashic 'ue ana la, ca' re'oq qai'neeta aso peue.

Mateo 13:28

Ca só'maq lanaxanqa', so'maxare 'naaco': “'Uo' ca ñpa'guenaxaua ỹo'ueeto' na'le dajo.” Ca só'maq nelaatqaipi renataxano', 'naaco': “¿'Maxariñite' quiyim ño'tegaq ana peue?”

Mateo 20:1

Da lo'ueenataxanaxac ñi qota'a neeta'gue da piguim, da'maxare 'nejem cá'maq 'ue ca lanaxanqa' quiyim o'tetam idaanaque cá'maq naqat aca lanecse 'úva.

Romanos 16:17

Ñi'xoresentouguilo qamiri ỹaqaỹarolqa, quiyim na'ijñii'tegue cá'maq reuacqataxantac chaqai cá'maq ro'taqataxantac. Ma' ca'maxare 'eco' npa'guente'e' dá'maq shi'gue 'yiiñii napaxaguinataxaguii. Noỹoochiuec queca'maxare.

1 Corintios 16:10

Ca no'm ỹovitalo qamiri ca Timoteo, nquipichiỹa'pegue' quiyim ỹa'maqachiguiñi nqai'ñii quiyim neetauguilo qamiri. Qaica ca huapigui lauel nqai'ñii, ma' ca'maxare qai'neeta ro'ueenataxantac queda lo'ueenataxanaxac so qara'gaxala', 'nejem aỹim.

2 Corintios 6:1

Ca ma' qomi' lotaua' ñi qota'a queda lo'ueenataxanaxac, ca ñi'xoresenqa'toto qamiri sqa taiguit quiyim se nquipichiỹa'pegue' da lqouagaxa ñi qota'a dá'maq mashic ỹachaxanema qamiri.

2 Corintios 6:4

Ta'ta'a quiyim sahoqotaque quená'ogue ná'maq so'ueetaq re'oq nqai'ne' qomi' quiyim qomi' lelaatqa ñi qota'a, queda qareualaxavic quena' ña'ñaxatqata'piguit da qare'xoric, chaqai qarouenaxanaxa, chaqai na qananaqataxaquipi.

Santiago 4:4

¡Qam qamiri sqa pacqajñiỹauec ñi qota'a! ¿Sqa 'yiiñio' da queca qom no'm que'uegue da lqo'itaxanqachic quená'maq huelec na 'laua, ca 'ec npa'guenaxaua ñi qota'a? Ma' canchaqaica qom no'm pile'oga da lqo'itaxanqachic quena huelec na 'laua, ca npa'guenaxaua ñi qota'a.