Mateo 13:23 - La'qaatqa ñi qota'olec Qota'olec & Qota'olec Novita Na Qomyipi

²³ Qam aso nanecse ala tajlec yi lo'yaxanec 'laua, ca chaqaina ná'maq ỹa'maxate'tegue da na'xaỹaxanaxac chaqai ỹa'den da leloxoỹaxac, ca' lo'yaxanec da laỹaxac quiyim qanaqat. Chaqai 'ue ná'maq 'nejem aso nanecse ỹovi' cien ana la cañi 'oono'lli', chaqai 'ue na liỹa 'nejem aso ỹovi' sesenta ana la, loqo'm 'nejem asó'maq ỹovi' treinta ana la.

Mateo 13:23 Iomraidhean Croise

Ezequiel 18:31

'Xañiñi ná'ogue ná'maq se no'uen 'viichitac caỹim, ca' dalaxachii da no'ueenataxaguii chaqai da ra'deenataxanaxaguii. Ca ¿chi'negue queta' rillivii, qamiri lalamaxarete' so Israel?

Ezequiel 36:26

sanauguilo qamiri ma'le aca dalaxai re'taxanatahi chaqai ca dalaxaic no'ueenataxaguii. Ñaqat caqamiri añi re'taxanatahi 'ec ca qa', ca' sanauguilo qamiri aca re'taxanatahi nañaanta.

Mateo 12:33

No'm no'uen aca qo'paq, ca' lo'daxarai ana la. Chaqai no'm se no'uen aca qo'paq, ca' se lo'i' ana la. Ma' aca qo'paq qaỹa'den cana la.

Mateo 13:8

Qam aso liỹa lanecse tajlec yí'maq lo'yaxanec 'laua. Ca na' ñaxat, ca' lo'yaxanec da laỹaxac. 'Ue ana ỹovi' cien ana la cañi 'óna, chaqai 'ue ana ỹovi' sesenta, chaqai 'ue ana ỹovi' treinta ana la na' qanaqat.

Mateo 3:10

Ca qai'pe mashic ỹa'maqatañi quiyim qaỹouaxanchi'ñoto naua lpa'yii ana qo'paq. Chaqai aná'ogue ana qo'paq quiyim se no'uen ca la, ca' qaỹouaxanlec, ime, ca' qainaxañigui ca norec.

Mateo 3:8

Na'maxachita, re'qoota nqai'ñii da no'ueenataxaguii quiyim mashic 'xañiñi naua ranataxahi se no'viiñi.

Marcos 10:15

Ỹaatqajam llic da shinac caqamiri, cá'maq sqai 'neetari' ca noctoqui' quiyim icoñiguit da lo'ueenataxanaxac ñi qota'olec ma' ỹoiquentac ná'ogue najo, ca' se inoxona'a.

Marcos 4:20

Qam 'uo' na 'xaỹa da na'qaatec, ca' icoñiguit, ca ỹaatqajam 'xoic da laỹaxac, ca 'nejem aso nanecse ala tajlec yi lo'yaxanec 'laua. Ca 'uo' ana 'nejem aso nanecse ala ỹovi' aca treinta ala añi 'oono'lli', chaqai 'uo' ana ỹovi' sesenta, chaqai cien.

Lucas 13:9

Ca' queda, ca' sqoue 'ue aca la. Qam no'm se ishit 'ue aca la, ca' qaỹouaxanlec ma'le.”

Lucas 8:15

Qam asó'maq nanecse tajlec yi lo'yaxanec 'laua, ca 'nejem ca qom lo'yaxana aca le'taxanata, ca ỹa'maxate'tegue da na'xaỹaxanaxac, chaqai huelec da na'qaatec, chaqai quejlec. Se qoshiiuec, ca' ỹaatqajam 'ue da loquigaxac da laỹaxac.

Lucas 8:8

Ca' aso liỹa nanecse tajlec yi ỹaatqajam lo'yaxanec 'laua. Ca co'na' ñaxat, ca ỹaatqajam 'xoic ana la. 'Uo' ana ỹovi' cien ana la co'na' qanaqat. Ca co'na' ime da la'qaatec so Jesús, ca' ỹaatqajam nelamaxaren, 'naaco': —No'm qamiri 'vii caua rque'lahi lauaco, ca' 'xaiỹo'.

Juan 15:16

Qamiri se rca'acshiguii aỹim, ỹim ica'acse' qamiri. Ca vichiguiño' shinapegalo qamiri quiyim 'xoic ca laỹaxac nqai'ñii da nachaalataxaguii, qam dajo laỹaxague' qamiri ỹaatqajam ra'ñiñi nqai'ñii, qaiyi ñi ita'a ỹaanema qamiri cá'ogue cá'maq shiilaxañiỹaque quiyim quiichigui nqai'ñii da ỹeenaxat.

Juan 8:47

Cá'maq lalamaxaret ñi qota'olec, na'xaỹaxanalo naua la'qaatqa ñi qota'olec. Qam qamiri se lalamaxarete' ñi qota'olec, vichiguiño' se na'xaỹaxañii.

Hechos 16:14

Ca 'uo' aso 'aalo leenaxat Lidia chicqa'gue da na'a' Tiatira. So'maxare imeenac na lo'yaxanec lo'lo loqquiric, naueralec da letogaxa. Aso 'aalo ỹaatqajam queetalec ñi qota'a, ca na'xaỹaxantac. Ca' ñi qara'gaxala' ỹauachigui añi le'taxanata, qaiyi na'xaỹaxane'ta da la'qaatec so Pablo.

Hechos 17:11

Ca' sojo judioipi paguec 'xaỹaxanqachaqaiquipi, sqai 'nejem yi na'ñi yi Tesalónica. Ma' so qomyipi ỹaatqajam paguec nqo'ta na'xaỹaxana da na'qaatec. Vichiguiño' naua'que naua na'xata' qaỹa'ajanta'pe naua ñaua'pe nerecse' la'qaatqa ñi qota'a quiyim chaqaido' da qaỹa'xatetac.

2 Corintios 9:10

Ñi qota'a, ma' ỹaan aca nanecse ala quiyim qoỹanñi, chaqai ca na'ic quiyim qaỹa'ic, ca ỹaanema qamiri ná'ogue nanchaqaina quiyim ñiiñi, chaqai quiyim ñaxat nqai'en ca qadañicshiguii, ca ỹovira'a quiyim 'xoic aca la nqai'en, qaiyi ma' qanaqat, ca 'xoic nqai'en ca lo'yaxanec no'ueenataxanaxac chicqochigui.

Filipenses 1:11

Qaiyi so Jesucristo no'xataxachichigui ma'le da nachaalataxaguii quedá'maq 'maxaraic 'ueenataxac, qaiyi qaimaqachin dá'maq lecaic ñi qota'a.

Filipenses 4:17

Qam ỹim mesqacaata sa'deentapega aca ñotauanqate quiyim secoñiguit. Ma' ỹim qaidaata sahotaque quiyim noquiicshiguim da ro'ueenataxanaxaguii, qaiyi ishiuetene' qamiri ma'le ñi qota'a.

Colosenses 1:10

Qaiyi shichii quiyim na'maxachita ma' chaqaida 'neetari' ná'maq lalamaxaret so qara'gaxala', quiyim se neme 'viichitac ná'maq ỹa'maxarenta so'maxare. Ca re'oq nqai'ñii dá'maq 'ñiitari' quená'ogue ná'maq no'uen 'viichitac, chaqai quiyim paguec 'yiiñita ñi qota'a.

Colosenses 1:6

Dajo na'qaatec dá'maq qaỹa'xatema qamiri na'le, chaqaida dá'maq noquiiquetashiguim, ca re'oq da laỹaxac quená'ogue na 'laua. Qaican ỹapaguec na'le caqamiri na' qaỹa'xatema qamiri da le'xorenataxanaxa ñi qota'a, ca 'yiiñii dajo quiyim chaqaida dá'maq ỹaatqajam ne'xorenataxanaxa.

1 Tesalonicenses 4:1

Ca nagui qamiri qarqaỹa', ñi'xoresenqa'toto chaqai saqataxalo qamiri, sahoqota'ahi da leenaxat so qara'gaxala' Jesús, quiyim quiijlec da leloxoỹaxac dá'maq sapaxaguinaxaque qamiri, qaiyi qaỹa'maxarente' qamiri quiñi qota'a, ca chaqaida dá'maq quiitalec, nqo'neetauec nqai'ñii.

2 Tesalonicenses 2:10

Ro'ueenataxana ná'ogue na se ỹa'maxañi, ma' ỹahotaque ỹayin na qomyipi ná'maq tai'a da nouaxanaxaset sqaica lqodoc, ma' mashic se icoñiguit dá'maq na'qaatec lliqueta, ca' qaiyi nca'leuec.

Hebreos 4:2

Ma' qai'neeta mashic qaỹa'xatema qomi' da na'qaatec chicqaugui da nca'laxa, 'nejem qomi' na'le so'maxare na' qara'qaataxanem. Qam queso'maxare 'ec qaica ca 'negue da na'qaatec, ma' 'qaatapega, qam sqai huelec.

Hebreos 6:7

Ca' na'maxare 'neetari' na 'laua quiyim ni'chigui na ỹaxat quena' taalec. Ca no'm cajo 'laua lo'yaxanec ca laỹaxac ana la ca nanecsec quecá'maq ro'ueenataxanteguelec, ca' cajo 'laua icoñiguit da lqouagaxa ñi qota'a.

Hebreos 8:10

Cá'maq ña'maqataxac so'uet ma'le quena llaalqaipi so Israel ma' ime'ueque cauajo na'xata', 'neetasa' ma'le 'naac ñi qara'gaxala': Sellaagui ma'le yi la'deenataxanaxac na ỹaqataxaquipi, chaqai serelgoto ma'le añi le'taxanata. Ca ma'le, ca' ỹim qota'olec quena'maxare, chaqai na'maxare, ca ỹalamaxareteripi.

2 Pedro 3:18

Qam reuogoxohi quiyim ỹaatqajam paguec huañiỹa so qara'gaxala' chaqai qarca'laxaqui Jesucristo, chaqai nañaqchitaugui da le'xorenataxanaxa. ¡Ca' qaica lqodoc quiyim qaimaqachintac so'maxare! Ajá'a, ca' chaqaida 'neeta dajo.

1 Juan 5:20

Sa'deenaq qai'neeta quiyim so llaalec ñi qota'a novi', ca' ỹaanema qomi' da qara'deenataxanaxac, qaiyi sa'deenaq ñí'maq ỹaatqajam qota'a. Qomi' ña'daqatau'a ñí'maq ỹaatqajam 'chichiguiñi, ca so'maxare chaqaiso só'maq Jesucristo, llaalec ñi qota'a. Chaqaiso so Jesús só'maq ỹaatqajam qota'a, chaqai chaqaiso só'maq nca'laxa sqaica lqodoc.