Mateo 13:15 - La'qaatqa ñi qota'olec Qota'olec & Qota'olec Novita Na Qomyipi

¹⁵ Ma' añi le'taxanata najo qomyipi ra'ñi, chaqai se ỹa'maxañi da na'xaỹaxanaxac, chaqai pootaguilo naua nqote'; qaiyi se reuanaxanalo naua nqote', chaqai sqaica ca 'xaỹa, chaqai qaica ca ỹa'yiinchigui cañi le'taxanata, qaiyi sqo pila ỹim, ca' somatec.

Mateo 13:15 Iomraidhean Croise

Isaías 6:10

Ra'ñii nqai'ñi' yi la'deenataxanaxac najo qomyipi; po'iriguilo naua lque'laa lauaco, 'xachiriguilo naua nqote', qaiyi se reuanaxan chaqai quiyim 'qaa, chaqai quiyim se ỹa'deene'uegue, qaiyi se rapilot aỹim, qaiyi se somatec.

Jeremías 17:14

Yomachirec, qami' ỹa'gaxala', ca' yimeuec ma'le; yca'laxachirec, ca' yca'leuec ma'le, ma' ỹim qaqamite' semaqachiñi'.

Malaquías 4:2

Qam caqamiri ma' yimaqachiñitac, ca' da ỹa'maqataxanaxa naviguec ma'le caqamiri, 'ec da lauaq añi ra'aasa, ca' queda lauaq chicqaugui da nca'laxa. Ca' qamiri nenochishiguim ma'le queda netoonaxaguii, 'ec ca huaqui llaalec quena' nenoxonec cañi lahi'.

Marcos 4:12

qaiyi no'm 'ue ca iuanchigui, qam 'ec se reuanaxan, chaqai no'm 'qaatac, qam se ỹa'den cá'maq reloqo'tegue, qaiyi se nañaano, ca' se qaỹapalaxate' naua lasauaxasete'.

Lucas 19:42

Ca 'naac: —¡Quetaxan 'yiiñi'o' quenajo na'xa'a'e', quecá'maq ishit ỹaañiraxarom ca na'maxa! Qam nagui dajo nañoxotetañi, ca sqai huañita.

Hechos 28:27

ma' añi le'taxanata yi qomyipi ỹaatqajam ra'ñi, chaqai se ỹa'maxañi da na'xaỹaxanaxac, chaqai naua nqote' pootaguilo; qaiyi se reuanaxanalo naua nqote', chaqai 'ec qaica ca 'xaỹa, chaqai sqai vigui añi le'taxanata quiyim ỹa'den, chaqai sqa nacpegue' aỹim qaiyi somatec.

Hechos 3:19

Vichiguiño' nagui no'uen quiyim 'xañiñi naua no'ueenataxagohi, ca' nañaañiỹot ñi qota'olec, qaiyi ñi'maxare ỹapalaxate' naua rasauaxashichiri. Ca' ñi qara'gaxala' ishit quiyim nelatalo qamiri caua na'xata' quiyim ra'maxaichiguiñi,

Hechos 7:57

Qam so qomyipi ỹapouo'guelo naua lque'laa, ỹaualqatagui, nelamaxaren, ca qai'guentau'a so'maxare.

2 Timoteo 4:4

Ca' ỹapoguilo naua lque'la lauaco, qaiyi sqa 'xaỹa dá'maq ỹaatqajam llic leloxoỹaxac, ca' huelec ná'ogue nanchaqaina la'xaỹaxac.

Hebreos 5:11

Ca qomi' 'xoic quet na sa'xataq quedajo, qam 'xoic lqalaic quiyim qaỹa'xateta da leloxoỹaxac da'maxare, ma' qamiri sqai viitaque quiyim 'yiiñii.

Apocalipsis 22:2

Chaqai quena lavinñi só'maq nayic quiyi lavinñi yi na'a' lodegaxat, chaqai quenaua lahil aso lachiugue que'teguelo ana llaqtaxai ana qo'paq chicqaugui da nca'laxa. Doce 'ue ana la quiyi ñaaxa, quiyi shiraigo lotqai 'ue na ala. Chaqai ana laue ana qo'paq qaỹouen quiyim qaratarenataxana quená'ogue na ỹoreta'oguit qomyipi.