Mateo 13:11 - La'qaatqa ñi qota'olec Qota'olec & Qota'olec Novita Na Qomyipi

¹¹ Ca' so Jesús 'naaco' quesaua'maxare: —Ñi qota'olec ỹa'deenaxanaxanque qamiri dá'maq se re'xogui leloxoỹaxac dá'maq lo'ueenataxanaxac hueeta'gue da piguim. Qam na'maxare ỹaatqajam se ishit ỹa'den.

Mateo 13:11 Iomraidhean Croise

Isaías 35:8

Chaqai yí hua'ñi ma'le ca ñicta, ca' qoỹanegue nayic 'xoic lichic. Ná'maq saqa' nco'chiñi da nachaalataxac, ca se ishit quegue ma'le; chaqai ná'maq qaica ca ỹa'den, se ishit quegue ma'le ca'maxare.

Mateo 13:10

Co'na'le, ca' saua lapaxaguinatqa so Jesús nqo'nero, ca' renataxane', 'nerac: —¿Chi'negue ma' vise'e na raloqojnaxanaxagui'i' quena' taqairougui na qomyipi?

Mateo 16:17

Ca' so Jesús 'naaco': —Qami' Shimoñi', qami' llaalec so Jonás, ỹaatqajam chalego da ra'maxa'e', ma' sqai qom ca ra'deenaxanaxañitegue dajo, qaiñiita ñi ita'a neeta'gue da piguim.

Mateo 19:11

Ca' so Jesús 'naaco' quesaua'maxare: —Mesqai ná'ogue ishit ỹa'den dajo, qainaata ná'maq qoỹaanem quiñi qota'olec quiyim ỹa'den.

Mateo 20:23

Ca' so'maxare 'naaco': —Ajá'a, llic qamiri viriỹau'a ma'le da ñi'guenaxac chaqai dá'maq chilaxac saataugui. Qam quedá'maq quiyim qanqa'xanegue da ỹoic chaqai da ñimaq, ca' ỹim sqai soiquentac quiyim saanec. Ta'ta'a quiyim qoỹaanema ma'le cauá'maq qaỹa'maxatesañi quiñi ita'a qota'olec.

Marcos 10:40

Qam dajo quiyim nqa'xañiñi queda ỹoic chaqai queda ñimaq, mesqaỹim ná'maq saanema qamiri. Ta'ta'a quiyim qoỹaanem cá'maq 'em mashic qaỹa'maxatetañi yi'maxare.

Marcos 4:11

Ca' so'maxare 'naaco': —Ñi qota'olec ỹa'deenaxanaxanque qamiri dá'maq ñauapec leloxoỹaxac se re'xogui da lo'ueenataxanaxac ma' ỹoiquentac ná'ogue najo. Qam quená'maq liỹaripi pa'aatauec ná'ogue qara'qaataxana, qam qaỹahote'e na naloqojnaxanaxaqui;

Lucas 8:10

Ca so'maxare 'naaco': —Ñi qota'olec ỹa'deenaxanaxanque qamiri ná'maq se re'xogui leloxoỹaxac da lo'ueenataxanaxac. Qam na liỹaripi sahote'e ỹaloqojnaxanaxat, qaiyi na'maxare quená'maq iuana, qam 'ec se reuanaxan, chaqai 'qaatac, qam se ỹa'den ca 'neeta cá'maq qaỹa'xat.

Juan 6:65

Ca 'naaco': —Vichiguiño' shi'gue shinac caqamiri, quiyim qaica ca ishit nacpegue' aỹim, no'm se qanauegueu'a aỹim quiñi ita'a.

Juan 7:17

No'm 'ue cá'maq huachi'chiguit quiyim ỹahotaque ỹo'uet dá'maq ỹahotaque ñi qota'olec, ca ỹa'deenta quenauá'maq ỹapaxaguinataxanaxaco quiyim chicqoro'ot ñi qota'olec, loqo'm chaqaỹim ỹapaxaguinataxanaxac.

Hechos 16:14

Ca 'uo' aso 'aalo leenaxat Lidia chicqa'gue da na'a' Tiatira. So'maxare imeenac na lo'yaxanec lo'lo loqquiric, naueralec da letogaxa. Aso 'aalo ỹaatqajam queetalec ñi qota'a, ca na'xaỹaxantac. Ca' ñi qara'gaxala' ỹauachigui añi le'taxanata, qaiyi na'xaỹaxane'ta da la'qaatec so Pablo.

Romanos 11:25

Vichiguiño' qamiri ỹaqaỹa', sahotaque quiyim 'yiiñii dá'maq se re'xogui 'ne'tegue ma'le ñi qota'a, qaiyi sqai 'ñiitapega quiyim qamiri 'deenaxanqachaqaqa. Ma' 'ue na Israel laseripi ná'maq ỹaatqajam se na'xaỹaxan, qam ta'ta'a ma' ỹovita ca laloqo' quiyim inoxono ná'ogue ná'maq sqai judío laseripi.

Romanos 16:25

Ca' nagui semaqachinqatac ñi qota'a ñí'maq ishit ỹa'ñaxat ca rpi'ỹaxaguii, nachiñi'chiguit nqai'en da na'qaatec chicqaugui da nca'laxa, dá'maq sa'xatetac quena' sapaxaguinataxanta'pegue queso qara'gaxala' Jesucristo. Ca' dajo nachiñi'chiguit dá'maq ỹahotaque ñi qota'a quiyim qara'deenaxanaxanegue dá'maq se re'xogui lo'ueenataxanaxac, dá'maq ỹa'maxat ỹoxotetañi na' saqa'leca na 'laua.

1 Corintios 13:2

Chaqai no'm sa'xateta'pe naua la'qaatqa ñi qota'a, chaqai sa'den ná'ogue nanchaqaina se re'xogui, chaqai somata'ta' ná'ogue na na'deenaxanaxa, chaqai queda ipi'ỹaxac mashic ỹovita quiyim seshit ñqo'naxat aca ladocai quemaralec, qam quiyim qaica ca i'xorenataxanaxa, qaiyiita qaica ca shinegue.

1 Corintios 15:51

Qam sahotaque 'yiiñii dá'maq se re'xogui, ma' mesqai qomá'ogue qareleu, qam qomá'ogue ma'le qomi' qaỹadalaxate'.

1 Corintios 2:14

Ca qom sqai neetagui so Espíritu Santo, se ishit icoñiguit da lo'ueenataxanaxac so ne'Espíritu ñi qota'a, ma' ca'maxare quiyim na'xaỹaxantapega, 'ec nqai'en chaqai mogollishic. Ma' se ỹa'den da'maxare. Ma' quena' qaimitaque ca leloxoỹaxac dajo, ca ipaquetaque quiyim qaỹotauan queso Espíritu Santo.

1 Corintios 2:7

Qaidaata dajo na'deenec sa'xatqatac, dá'maq se re'xogui chicqo'ot ñi qota'a. Da'maxare chaqaido' da ỹahotaque ñi'maxare na' saqa'leca na 'laua na' ỹahotaque da qarca'laxa sqaica lqodoc.

1 Corintios 4:1

Ca' nagui qomi' machiỹa'que chaqai qomi' notaanaxana' queso Cristo, qomi' qaipataxalgoto quiyim sapaxaguinataxanaxague da se re'xogui leloxoỹaxac chicqo'ot ñi qota'a.

1 Corintios 4:7

Ma' ¿negue' ca ỹapacqajnauec qami' quena liỹaripi? ¿Nega'ỹo' ca sqa chicqo'ot ñi qota'a quená'maq hueeto'ot qami'? Ca no'm ñi'maxare ỹaanem qami', ca ¿chi'negue ma' nemaqajñi'? Mashic 'eco' quená'maq vi'saxauot chigoqchiraugui ca chi ra'ñaxaqui'.

Efesios 1:18

Ca sashiilatac ñi qota'a quiyim coỹarigui yi ra'deenataxanaxaguii, qaiyi 'yiiñii cá'maq 'neeta ca naquitaxaguii quiyim qaroỹaxañiỹaxaua', chaqai dá'maq chalego lecaic nesallaxa ỹaanec ma'le ñi qota'a quená'maq lalamaxareteripi,

Efesios 1:9

chaqai ỹa'deenaxanaxanque qomi' dá'maq ỹahotaque ỹo'uet se re'xogui, dá'maq chaqaiñi ñi'maxare ỹahotaque quiyim ipaquichigui nqai'en.

Efesios 5:32

Ca' dajo sa'xatetac ỹaatqajam chalego lecaic da se re'xogui leloxoỹaxac, ma' dajo ỹa'xat da leloxoỹaxac so Cristo chaqai ná'maq mashic icoñiguit da na'qaatec.

Efesios 6:19

Chaqai nqouagaxaiñitalec aỹim qai'neeta, qaiyi ỹa'vii caua ỹa'qaatqa ñi qota'a ma' setaqa, qaiyi ra'ñiigui na iuel quiyim sa'xat dá'maq se re'xogui quedá'maq na'qaatec chicqaugui da nca'laxa.

Colosenses 2:2

Ca' 'ue da iloquiaxac, ma' sahotaque quiyim ra'ñiiguilo na lauele', ca neconta' queda ne'xorenataxanaxa, chi ỹovireta'a qaica ca ỹouen nalogoñi da lpi'ỹaxac chicqochigui da la'deenaxanaxa, quiyim ỹa'yiinchigui dá'maq se re'xogui ỹachaxantac ñi qota'a, ca' chaqaiso so Cristo.

1 Timoteo 3:16

Ca' sqaica ỹoqolliguit dá'maq se re'xogui leloxoỹaxac dá'maq seuaxalec ỹaatqajam chalego lecaic: Ñi qota'a na' nachaxan, qam ỹaatqajam chaqaida dá'maq re'qoochigui no'ueenataxac na qom; dá'maq shi'gue ỹa'xat so Espíritu Santo quiyim só'maq ỹaatqajam no'uen ỹale, chaqai qaiuanchigui quená'ogue na chicqashiguim qota'a lelaatqaipi. Chaqai qaỹa'xatem ná'ogue na ỹoreta'oguit qomyipi, chaqai 'ue na huelec quená'ogue na 'laua, chaqai qaicoñi'chiguit queda piguim.

1 Timoteo 3:9

Chaqai ỹaatqajam quejlec dá'maq qaỹachaxanem lliqueta dá'maq qomi' seuaqlec, chaqai qaica canchaqaica quedá'maq 'neetari'.

Santiago 1:5

No'm 'ue ca 'óna caqamiri ỹouen ca la'deenec, ca ỹashiila ñi qota'a. Ca ñi'maxare ỹaan, qam se naloqojnañi, chaqai se ỹa'ue ca layiloxo ca qom.

1 Juan 2:20

Qam so Cristo ỹaanema qamiri so Espíritu Santo, ca' qamiá'ogue mashic 'ue ná'maq ra'yiiñiguii.

1 Juan 2:27

Qam mashic coñiguit so Espíritu Santo só'maq ỹaanema qamiri so Jesucristo. Ca' tot repaguitaque quiyim 'ue ca ỹapaxaguine' qamiri, ma' chaqaiso só'maq Espíritu só'maq ỹapaxaguinque qamiri ná'ogue nanchaqaina, qam naua lapaxaguinataxanaxaco ỹaatqajam lliquete', mese na'maachic. Ca' chaqaida 'neetari' da nachaalataxaguii na'deetau'a nqai'ñii so Cristo, ma' chaqaida dá'maq lapaxaguinataxanaxac so Espíritu.