Mateo 12:42 - La'qaatqa ñi qota'olec Qota'olec & Qota'olec Novita Na Qomyipi

⁴² Qai'neeta aso nashi na'gue da 'guiñi, aso'maxare ne'laxashiguim quecajo na'xa'a ma' qaimit ná'ogue na qomyipi. Ca aso'maxare ỹa'ue ma'le ca nouaxanaxaset najo qomyipi. Ma' aso'maxare chicqa'a na'le yí'maq paguec qoỹoqo'ta 'laua quiyim na'xaỹaxana ná'maq la'deenec so Salomón. Qam nagui hueetañiguilo qamiri dá'maq paguec lecaic queso Salomón.

Mateo 12:42 Iomraidhean Croise

1 Reyes 10:24

Ca ná'ogue ỹahotaque iuana chaqai quiyim na'xaỹaxana da la'deenec so'maxare dá'maq qoỹaanem quiñi qota'olec.

1 Reyes 3:12

ca' ỹim saañiraxarom ná'maq shiilaxañisaque: saanem qami' da na'deenaxanaxa, qaiyi qaica ca qalañiralec, ca' qaiyi qaica ca 'nejem qami' queso 'auaxaiquipi chaqai na co'uaataxanaxaiquipi.

1 Reyes 3:28

Ca' sá'ogue so llaalqaipi so Israel ỹa'deeno' dá'maq 'ne'tegue quiyim ỹosogui so co'uaxac so nashi. Ca' 'ue nqai 'negue nqai'en so'maxare, ma' qaiuanchigui quiyim ñi qota'olec ỹaanem so'maxare da la'deenec, qaiyi ỹa'den ca reloqo'tegue ca nasauaxaset.

1 Reyes 3:9

Ca' 'ỹaañitem aỹim aca 'deenaxanqachaqai ne'taxanata, qaiyi seshit seloxoỹa'a na qomyipi, chaqai qaiyi sa'den cá'maq no'uen chaqai ca se no'uen. Ma' ¿negue' quet cá'maq ishit quet reloxoỹa'a na ỹaatqajam 'xoic qomyipi ralamaxarichi'?

1 Reyes 4:29

Ca' ñi qota'olec ỹaanem so Salomón da 'xoic na'deenaxanaxa, qaiyi qaica ca qalaneguelec chaqai qaica 'nejem da la'deenataxanaxac mashic huaañi 'ec na lo'uaxanaxa quena lahi ana huaaxai.

1 Reyes 4:34

Quená'ogue na ỹoreta'oguit qomyipi chaqai na nashillipi quena 'laua, co'quena' qara'xaỹa quiyim qaỹa'xat da la'deenec so Salomón, ca 'uo' quen na nacpegue' so'maxare.

1 Reyes 5:12

Ca' 'eda 'ne'tegue na'le ñi qara'gaxala' na' ỹaanem da la'deenec so Salomón dá'maq ỹachaxantac na'le. Ca só'maq Hiram ỹaatqajam na'maxate'e' so Salomón, ca saua'maxare ỹaatqajam 'ue da leuagaqa' na'le.

Isaías 7:14

Hua', cha'regue chaqaiñi ñí'maq qara'gaxala' ỹo'uet ma'le ca retanqui': Añi nequetegaxai mashic 'man, chaqai 'ue ma'le ca llaalec, ca ỹanegue ma'le quiyim leenaxat Emanuel. (Ca' dajo 'naac: Ñi qota'olec ỹalequetauguilo qomi'.)

Mateo 12:41

Ca' so qomyipi na'ño' na'le yi na'a' lodegaxat Nínive, so'maxare nachajñi ma'le quecajo na'xa'a ma' qaimit ná'ogue na qomyipi, ca ỹa'ue ma'le ca nouaxanaxaset na'maxare. Ma' só'maq na'ñi yi Nínive ỹaxañiñi naua lanatqa na' qaỹa'xatem da la'qaatec ñi qota'a quesó'maq la'qaataxanqajnec leenaxat Jonás. Ca' nagui hueetauguilo qamiri dá'maq paguec lecaic queso Jonás.

Mateo 12:6

Ca' ỹim shinac caqamiri quiyim quenajo 'ue dá'maq paguec lecaic queca chi no'ueenaxanaxaqui.

Mateo 17:5

Ca co'na' ñaq retaqatac so Pedro, ca' anac so naueguelec 'ue na lauaq, ca lepachiguilo saua'maxare. Ca' so naueguelec 'maxougui so na'qaatec 'naac: —Najo ná'maq ỹoqo'itaxat ỹaalec, ỹaatqajam ñitoonta'pegue da'maxare. Ỹaatqajam na'xaỹaxañiỹa da'maxare.

Mateo 3:17

Co'na'le, ca' qara'xaỹaco' so na'qaatec, 'maqot na piguim, 'naac: —Najo ná'maq ỹoqo'itaxat ỹaalec, na'maxare ỹaatqajam ñitoonta'pegue.

Juan 1:14

Ca' só'maq qohinaco' quen na'qaatec ñigui qom. Ca so'maxare ỹalequetauguilo qomi', qam ỹaatqajam no'qaachigui queda nqo'iichi chaqai dá'maq ỹaatqajam llic leloxoỹaxac. Ca' qomi' seuanqachigui da lauaq, qam dajo lauaq da'maxare chi lalamaxaret lauaq só'maq 'oonoqui' llaalec ñí'maq qota'olec.

Juan 1:18

Ñi qota'olec qaica iuanapega, qam so 'oonoqui' llaalec só'maq ỹaatqajam neeto'ot ñi'maxare ñí'maq leta'a, chaqaiso só'maq ỹa'deenaxanaxanque qomi' ñi qota'olec.

Deuteronomio 30:13

Chaqai sqai hueeta'gue da liỹa lahi ana huaaxai quiyim qohinac: ¿Negue' queto' ca ishit ỹapaca'ta ana huaaxai, ca' noda'alo qomi', ca ỹapaxaguineguelo qomi' quiyim so'ueetaq?