Mateo 12:36 - La'qaatqa ñi qota'olec Qota'olec & Qota'olec Novita Na Qomyipi

³⁶ Ca' ỹim shinac caqamiri queca na'xa'a ma' qaimit ná'ogue najo, ma'le, ca' ná'ogue na qomyipi chi ỹa'xat ná'maq chi la'qaatqaipi se retane'uegue quiyim ỹa'xat.

Mateo 12:36 Iomraidhean Croise

Eclesiastés 12:14

Ñi qota'olec qarenat ma'le quená'ogue ná'maq so'ueetqatac lo'yaxanec loqo'm se no'uen, 'eno'm ñañoxotqatañi quiyim so'ueetaq.

Mateo 10:15

Ca ỹaatqajam llic da shinac caqamiri quecajo pa'aatec na'xa'a ma' ñi qota'olec imit ná'ogue najo, ca' ca nouaxanaxaset cajo na'a' paguec lecaic ma'le ca nouaxanaxaset queso qomyipi na'ñi na'le yi Sodoma chaqai yi Gomorra.

Mateo 11:22

Qam shinac caqamiri, ma' qaỹa'ue ca nouaxanaxaset najo queca pa'aatec na'xa'a, paguec lecaic ma'le ca nouaxanaxashichii quiyi qomyipi na'ñi yi Tiro chaqai yi Sidón.

Mateo 12:37

Ma' quecá'maq 'neeta ca ra'qaachiqui' ma' qaimit qami', ca' re'oq quiyim qaỹa'ue ca rasauaxashichi', loqo'm se qaỹa'ue.

Romanos 14:12

Ca vichiguiño' quiñi 'óna coqomi' chi nichoxotalta' ma'le quiñi qota'olec.

Romanos 2:16

quecajo pa'aatec na'xa'a, ma' ỹovita quiyim ñi qota'olec imite' naua se re'xoguilo no'ueenataxaco ná'ogue na qomyipi chicqochigui nqai'en so Jesucristo. Ca' ipaquichigui ma'le dajo sa'xatetac na'qaatec chicqaugui da nca'laxa.

Santiago 3:6

Ca' ñi qaro'legaxanaxat 'neetari' meca norec. Ñi'maxare imaalec ná'ogue na se no'uen neetaugui na qaroshicmaxa, ca' na'axat ná'ogue na qaroshicmaxa. Qam dajo lauaq ỹachigoxotetapegueu'a ca norec sqaica lqodoc, ca' ỹavigaxatetac da qanachaalataxac.

Apocalipsis 20:12

Chaqai seuane'ta na leuaxaiquipi cocho'qui' chaqai na lodegaxat nachaatetañi, reloqoto'ot ñi qota'a. Ca qaỹauachiguilo saua lerel chaqai aso liỹa lere asó'maq lere naneretalec ná'maq qanca'laxatec. Ca ná'maq leuaxaiquipi qaimit, ca' qaishiueten quiñi 'óna quecá'maq ỹo'uet quená'maq qoỹeresalec saua lerel.