Mateo 12:35 - La'qaatqa ñi qota'olec Qota'olec & Qota'olec Novita Na Qomyipi

³⁵ Cá'maq no'uen ỹale, ca lo'yaxanqa naua la'qaatqa, ma' cá'maq no'uen hueetagui añi le'taxanata. Chaqai ca se no'uen ỹale, ca' se no'viiñi naua la'qaatqa, ma' cá'maq se no'uen hueetagui añi le'taxanata.

Mateo 12:35 Iomraidhean Croise

Job 8:10

Qam ná'maq ñaauapec ỹalliripi quiyim ra'qaataxanem qami', ca' 'xoic na lapaxaguinataxanaxac caqami'.

Mateo 12:34

¡Qamiri nanaic llaalqaipi! ¿Negue' quet ca 'neeta quiyim lo'yaxanqa quet caua ra'qaataxahi quiyim qamiri hualoxona'? Ma' ñi qodap ñí'maq naatougui cá'maq hueetagui añi qare'taxanata.

Mateo 13:52

Co'na'le, ca 'naaco' quesaua'maxare: —Quiyim ca rapaxaguinataxanta'pegue na naqataxaquipi chicqo'ot so Moisés quena' napaxaguintapega dá'maq lo'ueenataxanaxac ñí'maq neeta'gue da piguim, ca ca'maxare chi ỹovireta'a quiyim 'ec lalamaxaret ca 'imec, ca ỹa'den naqatec cá'maq dalaxaic chaqai cá'maq ñauapec quená'maq la'maqatec.

Mateo 7:17

Ca' vichiguiño' ná'ogue ana no'uen qo'paq lo'yaxana ana la, chaqai ana se no'uen qo'paq, ca' se no'uen ana la.

Lucas 6:45

Ca' da 'neeta ca no'uen ỹale quiyim retaqa, ca' no'uen cá'maq la'qaatec, ma' dá'maq ỹa'maqachiguiñi hueetagui añi le'taxanata. Chaqai 'nejem ca se no'uen qom quiyim retaqa, chaqa'ma' se no'uen ca la'qaatec, ma' dá'maq se no'uen hueetagui añi le'taxanata. Ma' ná'maq qodap ishit ỹa'xat cá'maq hueetagui añi qare'taxanata.

Efesios 4:29

Sqai 'xachii' naua se no'viiñi na'qaatqa, ta'ta'a quiyim no'ueenaxachii' naua ra'qaataxahi, qaiyi noquiicshiguim nqai'en chaqai ỹa'ue ca la'maxa cá'maq na'xaỹaxantapegalo qamiri.

Colosenses 3:16

Chaqai da lapaxaguinataxanaxac so Cristo no'qaachiguilo nqai'ne' naua re'taxanatahi. Napaxaguiñita'ta' chaqai ỹaatqajam 'yiiñii quiyim na'ñaxachita'ta'. Chaqai no'm 'ueenaxañii, qam 'viiñii ná'ogue na ỹoreta'oguit no'ueenqaipi chicqo'ot so Espíritu Santo. Chaqai chicqochigui nqai'ñii añi re'taxanatahi quiyim 'ỹaañitacot da na'aachicyaxaguii ñi qota'a.

Colosenses 4:6

Daañiỹaque quiyim se neme qanqo'talo chaqai qaimaqachinta'pe naua ra'qaataxahi, chaqai quiyim 'yiiñii cá'maq ỹaatqajam 'maxaraic leloxoỹaxac quiyim taxaiỹa'pegue' ca liỹa.