Mateo 12:32 - La'qaatqa ñi qota'olec Qota'olec & Qota'olec Novita Na Qomyipi

³² Chaqai canchaqaica quiyim 'ue ca ỹa'xat se no'uen quenajo ỹale llaalec, qaishiteta qaỹapalaxat ca lasauaxaset. Qam cá'maq retaxaỹa'guit so Espíritu Santo, se qaỹapalaxat quenajo 'laua loqo'm queca liỹa 'laua ñaqa naata.

Mateo 12:32 Iomraidhean Croise

Mateo 11:19

Ime, ca' novi' najo ỹale llaalec. Na'maxare que'e chaqai ne'et. Ca' qamiri 'ñiỹac quemaraxauaic chaqai ne'taaxai, nauochaxaua na sauaqhuaiquipi chaqai ná'maq ỹacona'piguit ana nishiuete ca nashi quiyi Roma. Qam dá'maq la'deenaxanaxa ñi qota'a re'oq dá'maq ñigui.

Mateo 12:31

Ca vichiguiño' shinac caqamiri, na qomyipi ishit qaỹapalaxat ná'ogue na lasauaxaseteripi chaqai ná'ogue ná'maq ỹa'xat se no'uen, qam cá'maq retaxaỹa'guit so Espíritu Santo, ca' se ishit qaỹapalaxat ca lasauaxaset.

Mateo 12:8

Ma' najo ỹale llaalec 'ue nqai 'negue quiyim 'ue ca relaataxanlec quiyim qaỹo'uet queca na'xa'a co'mataxaqui.

Mateo 13:22

Chaqai asó'maq nanecse tajlec ca hua'ñi ca leesat, ca 'nejem ca qom quiyim 'xaỹa da na'qaatec. Qam imelec ná'ogue nanchaqaina hueetalec na 'laua, ca' da nesallaxa ỹayin, ca dá'ogue dajo ỹapolec da na'qaatec, ca' se ỹa'ue ca laỹaxac cajo qom.

Mateo 13:39

Ca só'maq pa'guenaxaua só'maq ỹanñi aca peue se no'uen, chaqaiso só'maq na'ỹaapec. Chaqai so naqataxanaxac taỹaugui ma' ime na 'laua. Ca só'maq naqataxanaripi chaqaiso so nelaatqaipi piguim laseripi.

Mateo 13:40

Ca' dá'maq 'neeta quiyim qalapoon aso peue se no'uen, ca' qainaxañigui ca norec, ca qaỹavigaxat, ca' chaqaida 'neeta ma' ime na 'laua.

Mateo 13:55

Ma' dajo llaalec so qo'paq lo'o José, chaqai late'e añi María, lqaỹa' ñi Jacobo, José, Simón, chaqai ñi Judas.

Mateo 8:20

Ca' so Jesús 'naaco' na'le queso'maxare: —Ana nouaxaỹaxallipi 'ue na lauac, chaqai na qo'oollipi 'ue na lpa'gue'. Qam najo ỹale llaalec qaica ca lo'xaỹoqsoqo'.

Marcos 10:30

ca' icoñiguit ma'le quenajo 'laua paguec cien liỹa ca la'aateripi, lqaỹaripi ỹalliripi chaqai 'aallipi, late'ellipi, llaalqaipi, chaqai na'lauaripi, 'eno'm 'ue da nocanaxac. Chaqai quecá'maq 'laua ñaqa naata qai'neeta icoñiguit ma'le da nca'laxa sqaica lqodoc.

Marcos 3:28

Dá'maq shinac nagui caqamiri ỹaatqajam lliqueta, quiyim ná'ogue na qomyipi ishit quiyim qaỹapalaxat na lasauaxaseteripi, chaqai ná'ogue ná'maq ỹa'xat se no'uen.

Marcos 3:29

Qam cá'maq se no'uen ca ỹa'xat quiyim retaxaỹa'guit so Espíritu Santo, ca ca'maxare tot ishit quiyim qai'xoren. Ta'ta'a quiyim tot qaỹapalaxat ca lasauaxaset.

Lucas 12:10

Chaqai no'm 'ue canchaqaica qom quiyim 'ue ca inaxalec ca se no'uen la'qaatec najo ỹale llaalec, qaiyiita qaỹapalaxat ca lasauaxaset. Qam ca se no'uen ca ỹa'xat queso Espíritu Santo, se ishit quiyim qaỹapalaxat ca lasauaxaset.

Lucas 16:8

Ca' so na'co' retan so se no'uen lelaatec, quiyim so'maxare se ỹouene'te ca 'ne'tegue ca lo'ueenataxanaxac. Ma' 'eda da 'neeta quena hueetalec na 'laua, ma' na'maxare ỹaatqajam se qalana'a quiyim 'ue ca 'ne'tegue queca liỹa, sqai 'nejem ná'maq hueetaugui ná'maq re'qoochiguiñi.

Lucas 18:30

ca'maxare paguec 'xoic ca icoñiguit nagui quenaua na'xata' seuqatauguilo, chaqai ca nca'laxa sqaica lqodoc ñaqa naataho.

Lucas 23:34

Ca co'na' ñaq qaipatentapego, ca' so Jesús 'naaco': —Qami' qota'olec, 'xoriñi' na qomyipi, ma' se ỹa'den da ỹo'ueetetac. Ca' so nouaataxanyipi nallitetapiguilo saua loho so Jesús quiyim negue' ca taalgoto saua'maxare.

Lucas 7:34

Ime, ca' novi' najo ỹale llaalec ma' ỹa'queetac na na'ic chaqai ne'teetac, ca' qamiri 'ñiỹac quiyim quemaraxauaic chaqai ne'taaxai chaqai nauochaxaua na sauaqhuaiquipi chaqai ná'maq ỹacona'piguit ana nishiuete ñi nashi quiyi Roma.

Juan 7:12

Ca' quesó'maq qomyipi 'xoico' só'maq retaqatapigui so'maxare. 'Uo' quen na 'naac: “Ỹaatqajam huagaxaraic ỹale.” Qam 'uo' quen na 'naac: “Sqai huagaxaraic, ma' ỹayintac na qom.”

Juan 7:39

Ca' quedajo ỹahotaque 'naac so Jesús, quiyim quecá'maq huelec so'maxare, ca icoñiguit ma'le so Espíritu Santo. Ma' saqa' novi'o' na'le so Espíritu, ma' so Jesús saqa' ỹovita yi laloqo' quiyim qaimaqachin.

Juan 7:52

Ca qohinapego' so'maxare: —¿Qami' qai'neeta qami' Galilea le'ec? Napaxaguiñitalo ma'le naua naneresañi la'qaatqa ñi qota'a, qaiyi huañita quiyim qaica ca la'qaataxanqajnec ñi qota'a quiyim chicqochi'ñi quet yi Galilea.

Hechos 3:19

Vichiguiño' nagui no'uen quiyim 'xañiñi naua no'ueenataxagohi, ca' nañaañiỹot ñi qota'olec, qaiyi ñi'maxare ỹapalaxate' naua rasauaxashichiri. Ca' ñi qara'gaxala' ishit quiyim nelatalo qamiri caua na'xata' quiyim ra'maxaichiguiñi,

Efesios 1:21

ca' pa'xanashiguim napacalec nqai'en ná'ogue na nquesaxanaxa, ná'maq relaataxanac, nashillipi, na'gaxalateripi hueeto'ot na piguim, chaqai ná'ogue ná'maq 'ue ca qaỹamata'gue, quenauá'maq seuqatauguilo na'xata', loqo'm quenaua naasaho na'xata'.

1 Timoteo 1:13

Ỹo'uet dá'ogue dajo caỹim, se ỹo'leenta'a quiyim shi'gue taateguelec nqaishin na ỹa'qaatec se no'uen, socantac chaqai seshiuentac. Qam ñi qota'a ma' ỹaatqajam i'xoren aỹim, ma' saqa' seuelec so Jesús, chaqai ỹaatqajam se sa'den dá'maq so'ueetetac.

1 Timoteo 1:15

Ca' dajo dá'maq ỹaatqajam lliquetam, chaqai qaica quet cá'maq sqai huelec quiyim so Cristo Jesús naỹa na 'laua, ma' ỹahotaque quiyim nca'laxatec na qomyipi hualoxonyipi, qam quena'maxare, ca' ỹim ná'maq ỹapacauec da iualoxonqaishic.

1 Timoteo 4:8

Ma' dá'maq lpa'ataxaric na qaroshicmaxa 'ue da 'negue, qam qailligueme'. Qam no'm ỹaatqajam qoyiquejlec ñi qota'a, ca' ỹaatqajam 'ue da 'negue. Ma' ỹaatqajam chicqaugui da 'aachicyaxac queda qanachaalataxac nagui, chaqai quecá'maq chaalataxac ñaqa naata.

1 Timoteo 6:17

Chaqai ná'maq mashic ỹovita quiyim mashic nesallaxanec, ca' 'ñirapega quiyim se nemaqajnaxai, chaqai sqai hueetagui nqai'en ca naquitaxac da lesallaxa, ma' da'maxare sqai 'neetari'. Ta'ta'a quiyim illo'ot da naquitaxac ñi qota'a, ma' nca'leetauec ñi'maxare, chaqai ỹaanema qomi' ná'ogue ná'maq qarouenec, qam ỹapacauec nqai'en, ca lotqai ñitoonqata'pegue.

2 Timoteo 4:10

Ma' so Demas yalat, ma' ỹapacqajnauec na lqo'itaxanqachic quená'maq huelec najo, ca' taigue da Tesalónica. Chaqai so Crescente taigue da Galacia, chaqai so Tito taigue da Dalmacia.

Tito 2:12

Ca' dajo lqouagaxa ñi qota'a ỹapaxaguinque qomi' quiyim salataq ná'ogue na se no'uen chaqai da qarqo'itaxanqachic quená'ogue na huelec najo, quiyim ñaqai qolqatalec na 'laua, ca sa'maxatqa'tegue da qanachaalataxac, qaraqamqata, chaqai ñañaanqot ñi qota'a.

Santiago 1:27

Ma' dá'maq 'ueenataxac ỹaatqajam co'teeta chaqai qaica ca hueetaugui nasauaxaset ra'ijlec ñi qota'olec, 'neetasa': ca qom ỹotauan ca na'peloq chaqai aca pa'ỹe hueetaugui ca ne'guenaxac, chaqai ỹaatqajam noyinguit ná'ogue na se no'uen huelec na 'laua.