Mateo 12:29 - La'qaatqa ñi qota'olec Qota'olec & Qota'olec Novita Na Qomyipi

²⁹ Ma' ¿negue' quet cá'maq 'neeta quiyim 'ue quet ca inoxonaugui ca lauo' ca ỹale quesaxanaxaic ca rouootaxana'gue na louenqaipi, no'm sqai 'au coñirañi? Ca no'm chaqaida 'ne'tegue, ca qaigueme ishit rouootaxana'gue ca louenqaipi.

Mateo 12:29 Iomraidhean Croise

Isaías 49:24

Ca ỹale 'ñaaxaic ¿peeta'a ishit qanouora'gue cá'maq louootaxanaxat queca lauataq? ¿Loqo'm ca ncoñiiteguesec qohit queca nashi qa'uaic?

Isaías 53:12

Vichiguiño' ñi qota'olec ỹa'ue ma'le ca loma', ỹalecqajnougui na leta'allípi, chaqai quená'maq quesaxanaxaiquipi ỹalequetaugui ma'le queda lauegaxanaxac, ma' nañaañiguit da lelauaxa chaqai qaỹalecqajnougui na hualoxonyipi, qam so'maxare nomatalta' quiyim 'xoic só'maq i'xat na lasauaxaset, chaqai rashiilaxanteguelec quiyim qaica ca qohinegue na sauaqhuaiquipi.

Mateo 12:28

Qam ỹim so'daauec na ne'ec lecmaxaic, sahote'e da lquesaxanaxa ñi ne'Espíritu ñi qota'olec. Ca dá'maq 'neeta dajo quiyim mashic novitalo qamiri da lo'ueenataxanaxac ñi qota'a ma' ỹoiquentac ná'ogue najo.

Mateo 12:30

Cá'maq noỹootec caỹim, ca' ñpa'guenaxaua. Chaqai cá'maq se ỹapoonaxanaxaua, ca' chaqaica cá'maq iuagaxatac cá'maq so'ueetetac.

Marcos 3:27

Ma' qaica ca ishit inoxonougui ca lauo' ca quesaxanaxaic ỹale ca rouootaxana'gue na louenqaipi, no'm sqai 'au coñirañi. Ta'ta'a no'm 'ne'tegue dajo, ca' qaigueme ishit rouootaxana'gue ca louenqaipi.

1 Juan 3:8

Qam cá'maq ñaqai queetalec na lasauaxaset, cá ca'maxare lalamaxaret so na'ỹaapec. Ma' só'maq na'ỹaapec sauaqhuaic shi'gue na' ñaqai chita'gue qaỹo'uet na 'laua. Ca' chaqaido' dá'maq 'neeta quiyim novi' so llaalec ñi qota'a, ma' ỹahotaque ỹosogui dá'maq ỹo'ueeto' na'le so na'ỹaapec.

1 Juan 4:4

Qamiri ỹaalqolqa, qamiri lalamaxarete' ñi qota'a, chaqai mashic qadoxoñiguii na 'maatqaiquipi. Ma' ñi qota'a ñí'maq neetaguilo qamiri paguec lquesaxanaxa quesó'maq na'ỹaapec ỹoiquentac na qom hueetalec ana 'laua.