Mateo 12:27 - La'qaatqa ñi qota'olec Qota'olec & Qota'olec Novita Na Qomyipi

²⁷ Qamiri 'ñiỹac quiyim aỹim so'daauec na ne'ec lecmaxaic, sahote'e da lquesaxanaxa so Beelzebú. Ca no'm chaqaida 'neeta, ca ¿nega'ỹo' cá'maq ỹaanem da lquesaxanaxa ná'maq queeta'pegueto qamiri quiyim ỹo'daauec na'maxare? Ca' vichiguiño' chaqaina ná'maq ichoxote' qamiri quiyim o'miỹac.

Mateo 12:27 Iomraidhean Croise

Mateo 10:25

Vichiguiño' ca napaxaguinatec ỹa'maqachigui quet lauel quiyim ỹovireta'a quiyim 'nejem ca napaxaguinatqo', chaqai ca nelaatec ỹovireta'a quiyim 'nejem ca na'co'. Ca no'm cá'maq nashi queca na'a' qaỹamata'gue lashi na se re'xogui lecmaxaiquipi, ¿mesqai pagueco' la'aaxa cá'maq qaỹamata'gue na llaalqaipi ma'le?

Mateo 4:24

Ca ỹovira'gue da na'qaataxac so Jesús yá'ogue yi 'laua Siria. Ca qanoda'a so'maxare ná'maq 'ue na iuetetac ỹoreta'oguit na ralolaxa, ná'maq 'ue na le'ec lecmaxaic, chaqai ná'maq chita'gue lotqai ileueta, chaqai na se ra'ñiigue. Ca' so Jesús ná'ogue ỹomatec.

Mateo 9:34

Qam so ỹalequetaugui na fariseoipi 'naaco': —Dajo ỹale ỹo'daauec na ne'ec lecmaxaic, ỹahote'e da lquesaxanaxa só'maq chi lashi na'maxare.

Lucas 11:19

Qam no'm chaqaida 'neeta, ¿negue' ca ỹaanem ná'maq queeta'pegueto qamiri ca nquesaxanaxa quiyim ỹo'daauec na ne'equipi? Vichiguiño', chaqaina na'maxare quiyim re'oq quiyim qamiri o'miitac.

Lucas 19:22

Ca só'maq nashi 'naaco': “Qami' nelaatec se no'uen, quedá'maq chi ra'qaachiqui', ca' chaqaida da sachigoxochichigui ca nouaxanaxashichi' quiyim sa'ue. Qami' mashic 'yiiñi' quiyim ỹim pagaxalaic quiyim secona cá'maq se ỹalamaxaret, chaqai ñaqat ana la cá'maq sqai ỹanecsec.

Romanos 3:19

Sa'deenaq quiyim dá'ogue dá'maq ỹa'xat so naqataxaquipi chicqo'ot so Moisés, ỹa'xat, qam 'naapega ná'maq hueeto'ot so naqataxaquipi, qaiyi ná'ogue i'maxañi, qaica retaqa, ca' qaiyi ná'ogue na qomyipi hueeto'ot quiyim 'ue ca 'neeta ma' ñi qota'a imit ná'ogue na nasauaxaset.