Mateo 12:18 - La'qaatqa ñi qota'olec Qota'olec & Qota'olec Novita Na Qomyipi

¹⁸ Cajo cá'maq ilaatec, chaqaica cá'maq ica'acsec, cá'maq ỹim yqo'ta, chaqaica cá'maq ñitoonta'pegue. Ca'maxare sanagui ma'le ñi ñi'Espíritu, qaiyi ỹa'xatem na ỹoreta'oguit qomyipi da sahotaque so'uet.

Mateo 12:18 Iomraidhean Croise

Isaías 11:2

Ca' so ne'espíritu ñi qara'gaxala' hueetalec ma'le so'maxare, ca' qoỹaanem da na'deenaxanaxa, nco'ỹaxaric, 'xaỹaxanqachic chaqai da nquesaxanaxa, chaqai na'deenec quiyim se qanapacalec ñi qara'gaxala'.

Isaías 42:1

'Ena hueete'e na ilaatec, na'maxare ñolliitañi, ñi'maxare ica'acsec, ỹaatqajam yqo'ta. Sellaagui ñi'maxare so ñi'espíritu, qaiyi noviraxat ca na'maxa quená'ogue na ỹoreta'oguit qomyipi.

Isaías 52:13

'Naac ñi qara'gaxala': Ñi ilaatec ná'ogue ỹa'maqachiguiñi ná'maq ỹo'uet, ca qoỹanalec ca noma' chalego lecaic, qaiyi qaimaqachin.

Isaías 53:11

Ma' ime'uegue dá'ogue dá'maq le'xoric, ca' iuana ma'le aca ncoỹeraxanaxaqui, ca ỹa'maqachigui lauel ma'le ma' ỹa'den. Só'maq qamaxaraic lelaatec ñi qara'gaxala' 'xoic ma'le na ỹosouec qomyipi, ma' i'xat na leualoxonqaishic.

Isaías 62:2

Na ỹoreta'oguit qomyipi iuana ma'le ca rca'laxa'e', ná'ogue na nashillipi iuana ma'le da rauaqe'. Ma'le, ca' chaqaiñi ñi qara'gaxala' ỹa'ue ca dalaxaic qadeenaxachi'.

Mateo 12:17

Dajo 'neeto' na'le, qaiyi ipaquichigui dá'maq ỹa'xato' na'le so letaxaỹaxanqajnec ñi qota'a leenaxat Isaías, co'na' 'naac:

Mateo 17:5

Ca co'na' ñaq retaqatac so Pedro, ca' anac so naueguelec 'ue na lauaq, ca lepachiguilo saua'maxare. Ca' so naueguelec 'maxougui so na'qaatec 'naac: —Najo ná'maq ỹoqo'itaxat ỹaalec, ỹaatqajam ñitoonta'pegue da'maxare. Ỹaatqajam na'xaỹaxañiỹa da'maxare.

Marcos 1:11

Ca' qara'xaỹaque so na'qaatec 'maqot na piguim, 'naaco': —Qami' ná'maq qami' ỹaalec ỹoqo'itaxat, ỹim ỹaatqajam ñitoonta'pegue qami'.

Marcos 9:7

Co'na'le, ca' noviriñi so naueguelec hueetauguilo saua'maxare, ca queso naueguelec 'maxaugui so na'qaatec 'naaco': —Najo ná'maq ỹaalec ỹaatqajam ỹauochaxat, ca' chaqaida na'xaỹaxañiỹa.

Lucas 23:35

Ca' sá'ogue so qomyipi ỹa'ajantac so'maxare, chaqai vire'ta so nashillipi i'neetac, 'naac: —Nca'laxatec quen na liỹa; ca' nagui 'maxaraic chi nca'laxatalta', no'm ỹaatqajam llic chaqaiñi ñí'maq nashi nca'laxaqui, lca'acsec ñi qota'olec.

Lucas 3:22

Ca' so Espíritu Santo naỹa'ña so'maxare, 'nejem na co'toco' ỹaatqajam re'qoota. Ime, ca 'maqot na piguim so na'qaatec, 'ne'tegue: —Qami' maq ỹaatqajam qami' ỹalamaxat ỹaalec, qami' ỹauochaxat, aỹim ỹaatqajam ñitoonta'pegue qami'.

Lucas 4:18

So ne'Espíritu ñi qara'gaxala' neeta'angui aỹim, ma' qoỹanagui aỹim qaiyi sa'xatem da no'uen la'xaỹaxac na 'xoraiquipi; chaqai qaỹamaxailec quiyim somatec na 'ue na lachicoxo, chaqai qaiyi sa'xatem quiyim qaỹosouec na ncoñiitecseripi, chaqai quiyim nauanñi nqaishin na se nauanñi, chaqai sosouec ná'maq se qaỹa'maxata'gue,

Lucas 9:35

Ca 'uo' so qara'xaỹaque na'qaatec, 'maqatougui so naueguelec, 'naac: —'Eda da ỹaalec ỹoqo'itaxat, chaqaida na'xaỹaxañiỹa.

Juan 3:34

Ma' cá'maq qaila' quiñi qota'olec, ca ỹa'xat da la'qaatec ñi'maxare, ma' ñi qota'olec se naloqojnañi quiyim ỹaanec so ne'Espíritu.

Hechos 10:38

Chaqai 'yiiñita quiyim ñi qota'olec ỹaanem so Jesús Nazaret le'ec da lquesaxanaxa so Espíritu Santo, chaqai ỹo'ueetetac da no'uen, chaqai ỹomatec ná'ogue na 'xoic na le'xoric qaipataqatañi queda lquesaxanaxa so na'ỹaapec. Dajo ishit ỹo'uet so Jesús, ma' ñi qota'olec liỹaatac so'maxare.

Hechos 11:18

Ca co'na' so nqaỹaripi quiyi Jerusalén 'xaỹa dajo, ca' sá'ogue i'maxañi, ca imaqachintac ñi qota'olec. Ca 'neraco': —¡Ca chaqaido' quiyim ñi qota'olec ỹa'ue ca ledaaqa' quiyim na mesqai judío netacocha, ca'ahi naua no'ueenataxaco, qaiyi 'ue ca lca'laxa sqaica lqodoc!

Hechos 14:27

Ca co'na' ỹovijta yi Antioquía, ca' lapoondeta' ná'maq mashic ỹacoñiguit da na'qaatec. Ca' ỹa'xate' ná'ogue ná'maq ỹo'ueeto' ñi qota'olec quesaua'maxare, chaqai ỹa'xatesac da 'neeto' ñi'maxare co'na' 'ec ỹauate'oga da lpi'ỹaxac na mesqai judío, qaiyi qoyiuelec ñi qara'gaxala'.

Efesios 1:6

Ca' vichiguiño' se neme quiyim semaqachinqatac ñi qota'olec quedá'maq chalego lecaic lqouagaxa coqomi', ma' ña'daqatau'a só'maq lqo'itaxat llaalec.

Colosenses 1:1

Aỹim Pablo, da ñilaataxac chicqo'ot ñi qota'a quiyim ỹauaaque aỹim lelaatec so Jesucristo. Iỹaatac ñi qarqaỹa Timoteo.

Colosenses 1:13

Ñi qota'a naqata'alo qomi' na'le queso napalaxa qaratoiquentac, ca inoxonaqta'alo qomi' da lo'ueenataxanaxac so lqo'itaxat llaalec,

1 Pedro 2:4

Ca vichiguiño' nqo'ñiu'a so qara'gaxala' Jesús, 'ñiita'gue ca qa' nca'leetauec. Sojo qa' só'maq lañijnec na'le so qomyipi, qam ñi qota'a nca'au'a chaqai 'xoic lovic nqai'en.

2 Pedro 1:17

Seuanqachigui na' ñi qota'olec ỹaanem quiyim qaimaqachin chaqai da lauaq. Chaqai so lavillaxac ñi qota'a na' 'ue da ỹa'xat chalego loyac na' 'naac: “Najo ná'maq ỹaalec ỹaatqajam ỹoqo'itaxat, chaqaida dá'maq 'em 'xoic da ñitoonaxac.”