Mateo 12:17 - La'qaatqa ñi qota'olec Qota'olec & Qota'olec Novita Na Qomyipi

¹⁷ Dajo 'neeto' na'le, qaiyi ipaquichigui dá'maq ỹa'xato' na'le so letaxaỹaxanqajnec ñi qota'a leenaxat Isaías, co'na' 'naac:

Mateo 12:17 Iomraidhean Croise

Isaías 42:9

'Ajñii quiyim ipaquichigui ná'ogue ná'maq shi'gue shinac, nagui, ca lotqai dalaxaic ná'maq sa'xateta'guit; sa'deenaxanaxaneguelo qamiri naua'maxare, 'eno'm saqa' novite'. (42.10-25 Qaro'ueenaxanta'uegue quiyim qaimaqachin chaqai da lca'laqataxanaxac ñi qota'olec. Da 'ec lqai'laxa yi Israel.)

Isaías 44:26

Qam so'uet quiyim ipaquichiguilo naua la'qaatqa na ilaatqaipi chaqai 'maxaraic nqaishin cá'maq ỹo'ueetetac. Ỹim sa'xat quiyim yi Jerusalén liỹa pilchigui quiyim na'a' lodegaxat chaqai na na'aateripi quiyi 'laua Judá liỹa qano'xonshiguim. Ỹim so'uet quiyim qano'viishiguim ná'maq mashic ropoqota.

Mateo 12:16

Chaqai 'naapega quiyim se ỹa'xat negue' so'maxare.

Mateo 12:18

Cajo cá'maq ilaatec, chaqaica cá'maq ica'acsec, cá'maq ỹim yqo'ta, chaqaica cá'maq ñitoonta'pegue. Ca'maxare sanagui ma'le ñi ñi'Espíritu, qaiyi ỹa'xatem na ỹoreta'oguit qomyipi da sahotaque so'uet.

Mateo 13:35

Dajo 'ue, qaiyi ipaquichigui dá'maq la'qaatec só'maq letaxaỹaxanqajnec ñi qota'a, co'na' ỹiriñi: Sa'qaataxan ma'le, qam sahote'e ca ỹaloqojnaxanaxaqui; sa'xate' nauá'maq se qaỹa'deene' caua leloxoỹaxague' shi'que na' ñaqai chita'gue ñi qota'olec ỹo'uet na 'laua.

Mateo 21:4

Ca' dajo 'neeto' na'le queso'maxare, qaiyi ipaquichigui dá'maq la'qaatco' na'le so letaxaỹaxanqajnec ñi qota'a co'na' ỹiriñi:

Mateo 8:17

Ca' dajo 'neeto' na'le, qaiyi ipaquichigui da la'qaatco' na'le so qota'a letaxaỹaxanqajnec leenaxat Isaías co'na' 'naac: “Ca'maxare icona so qarolauaxa chaqai i'xat so qaralolaxa.”

Lucas 21:22

Ma' quecajo na'xa'a loviraxaqui quiyim qaỹa'ue ca nouaxanaxaset ná'ogue na qomyipi, ma' qaipacqajanchiguilo naua'que naua naneresañi la'qaatqa ñi qota'olec.

Lucas 24:44

Ca co'na' ime, ca 'naapegalo' saua'maxare, 'naaco': —Dá'maq sovirau'a chaqaida dá'maq shi'gue shinac na' llaq ñauequetecto qamiri: quiyim ipaquichigui nqohin ná'ogue ná'maq qoỹeretañi caỹim quena nelaataxanaxaquipi queso Moisés, chaqai ana lerecse so la'qaataxanqajanqaipi ñi qota'a, chaqai so nerecseripi leenaxat No'ueenqaipi.

Juan 10:35

Qam qomi' sa'deenqata quiyim naua naneresañi la'qaatqa ñi qota'a naua'maxare sqaica ỹoqolliguite', ma' quiyim ñi qota'olec ỹamata'gue qota'olqaipi só'maq icoñiguit da la'qaatec.

Juan 12:38

Ma' qaiyi ipaquichigui da la'qaataxanaxac so la'qaataxanqajnec ñi qota'a leenaxat Isaías co'na' ỹiriñi: Qami' ỹa'gaxala', ¿nega'ỹo' ca huelec da qara'qaataxanaxac? ¿Nega'ỹo' ca ỹachaxanem da lquesaxanaxa ñi qara'gaxala'?

Juan 19:28

Ca co'na' ime dajo, ma' so Jesús ỹa'den quiyim dá'ogue dajo ipaquichigui, chaqai quiyim ipaquichiguilo yaua naneresañi na'qaatqa, ca 'naaco': —Yalauat na ỹaquip.

Hechos 13:27

Ma' só'maq neeta'ñi yi Jerusalén chaqai so lashillipi se ỹa'den negue' só'maq Jesús, chaqai se ỹa'deene' naua retaqateguelgoto lerecse' saua 'auaxaiqa letaxaỹaxaqui' ñi qota'a quena' ỹovire'oga yi na'xa'a co'mataxaqui. Ca' na' iconlec so Jesús quiyim ỹalauat, ca ỹaatqajam ipaquichigui nqai'en nauá'maq naneresañi na'qaatqa.