Mateo 12:14 - La'qaatqa ñi qota'olec Qota'olec & Qota'olec Novita Na Qomyipi

¹⁴ Ca co'na'le, ca ta'oguiyi so fariseoipi, ca' retaxaỹapigui cá'maq la'maqa' quiyim ỹalauat so Jesús.

Mateo 12:14 Iomraidhean Croise

Mateo 26:4

Ca hua'anyi, ca qana'deentapigui so Jesús quiyim qaiconlec qaỹalauat qaỹayinta.

Mateo 27:1

Ca co'na' richiguiñi, ca sá'ogue so lashi na netaxaỹaxanqajanqaipi chaqai so lqo'xonqaipi na judioipi mashic na'deenta' quiyim ỹa'ue ca la'maqa' quiyim qaỹalauat so Jesús.

Marcos 14:1

Co'na' saqa'lecaua dos na'xata', ca ỹovire'oga so na'xa'a quena' qaỹo'leente na' qoyique'e yi Egipto. Queso na'xa'a, ca' qaỹa'ic quen na pan, qam le'en ana lpe'taqate. Ca sauá'maq la'gaxalate' ná'maq netaxaỹaxanqajanqaipi quena' qaretaxaỹa'pegue' ñi qota'a chaqai na rapaxaguinataxanta'pegue na naqataxaquipi idaantaque ca la'maqa' quiyim iconlec so Jesús, ca' ỹalauat.

Marcos 3:6

Co'na'le, ca inoxonec so fariseoipi, ca ta'oga na nalliripi so Herodes quiyim qaretaxaỹapigui cá'maq qohinta'gue quiyim qaỹalauat so Jesús.

Lucas 22:2

Ca' so la'gaxalateripi na netaxaỹaxanqajanqaipi quena' qaretaxaỹa'pegue' ñi qota'a, chaqai na rapaxaguinataxanta'pegue na naqataxaquipi, idaantaque ca la'maqa' quiyim ỹalauat so Jesús, qam 'ue na lqolonaxa quena qom.

Lucas 6:11

Qam só'maq qomyipi ỹaatqajam ro'o. Ime, ca' nenatetecta': —¿Nega'ỹo' ca 'neeta quiyim qaỹa'ue ca qohine'tegue so Jesús?

Juan 10:31

Co'na'le, ca so judioipi lotqai iconapega na qa' quiyim ỹahotaque inaq so'maxare.

Juan 10:39

Ca lotqai liỹa qaỹahotaque qaicoñi' so Jesús, qam qohitauec.

Juan 11:53

Ca' quesojo na'xa'a so judío lashillipi queetalec idaantaque ca la'maqa' quiyim ỹalauat so Jesús.

Juan 11:57

Ca' so fariseoipi chaqai so la'gaxala' na netaxaỹaxanqajanqaipi quena' qaretaxaỹa'pegue' ñi qota'a, mashic ỹaanec da la'qaatec quiyim no'm 'ue ca ỹa'den ca hueeta'gue so Jesús, ca qara'qaataxanalo, qaiyi qaiconlec qaicoñi'.

Juan 5:18

Ca' quedajo, ca na judioipi paguec lama'xa ỹahotaque quiyim ỹalauat, ma' mesqaidaata quiyim se na'xaỹaxana da leloxoỹaxac yi na'xa'a co'mataxaqui, qam qai'neeta 'naac 'nejem ñi qota'olec ma' 'naac ỹaatqajam leta'a ñi'maxare.

Juan 7:30

Ca' qaỹahotaco' qaiconlec quiyim qaicoñi'; qam qaico' ca ishit iconlec, ma' saqa' ỹovita ca laloqo' so'maxare.

Juan 7:32

Na fariseoipi co'na' 'xaỹa so qomyipi ỹa'xatetac so Jesús, ca so fariseoipi chaqai na lashillipi na netaxaỹaxanqajanqaipi ila' so nouaataxanaq neloxoỹaripi cañi no'ueenaxanaxaqui quiyim coñi' so Jesús.

Juan 7:44

Ca 'uo' na ỹahotaque quiyim iconlec coñi', qam se ishit iconlec so'maxare.

Juan 8:59

Ca' quiyi, ca qaiconapego' na qa', ma' qaỹahotaque qainaq so Jesús. Qam so'maxare nañoxojñi, ca' ca'e añi no'ueenaxanaxaqui, queetougui so qomyipi, ca' eec.