Mateo 12:10 - La'qaatqa ñi qota'olec Qota'olec & Qota'olec Novita Na Qomyipi

¹⁰ Ca' hueete'eyi so ỹale rashivita da lqai'laxat. Ca ma' qaỹahotaque ca la'maqa' quiyim qaỹa'ue ca lasauaxaset so Jesús, ca qainato': —¿Ỹa'maqachiguiño' qaỹomatec ca ralolaxaic queca na'xa'a co'mataxaqui?

Mateo 12:10 Iomraidhean Croise

Isaías 59:13

Ỹaatqajam spa'guenqatac chaqai se qaraqamaq quiñi qara'gaxala' qota'olec, se sahoqotaque qolaxalec, socachaqata'a quiyim sa'xataq na se no'uen, sahoqe ca qana'deenaxac, ca' sayinaq na liỹa qom.

Isaías 59:4

Qaica ca ỹa'maqachiguiñi quiyim 'ue ca talaxanlec chaqai na'majantacot na nimiitaxanaripi quena nasauaxaset. Paguec pi'ỹa'a da na'maachic chaqai naua na'qaatqa repeetaxante'; mashic 'manegue na se no'uen;, ca' ne'qaañi nqai'en da nalauataxanaxac.

Mateo 12:2

Ca ná'maq ỹalequetaugui na fariseoipi co'na' iuane'ta dajo, ca' qohinapega so Jesús: —Ñaqai 'ajñi', nauá'maq rapaxaguinataxahi' ỹo'ueetesac dá'maq se qaỹa'maxaren qaỹo'uet quiyi na'xa'a co'mataxaqui.

Mateo 19:3

Co'na'le, ca 'vio' saua fariseo nqo'nera'a so Jesús, ma' ỹahosaque ỹachi'iñi. Ca renataxane', 'neraco': —¿Peeta'a ỹa'maqachiguiñi queca qom quiyim ỹalat aca loua quiyim 'ue canchaqaica lasauaxaset?

Marcos 3:2

Qam 'uo' na ỹalequetaho quiyim chi nauaanta'a so Jesús quiyim ratarenataxañigui so na'xa'a co'mataxaqui, qaiyi ishit quiyim qohinac 'ue ca lasauaxaset so'maxare.

Lucas 11:54

Qaỹahotaque quiyim qaỹachiguiñi so'maxare, quiyim no'm 'ue ca la'qaatec se ỹa'maxañi, ca' chaqaica qaỹachigoxochichigui quiyim qaỹa'ue ca qaimaxalec lasauaxaset so'maxare.

Lucas 13:14

Qam só'maq nashi cañí'maq napoxoqui ỹaatqajam ro'o, ma' so Jesús ỹomatec queso na'xa'a co'mataxaqui. Ca' 'naapego' so qomyipi, 'naaco': —'Vii naua seis na'xata' quiyim ỹa'maqachiguiñi qaro'ueenataxanguilo. Ca chaqainaua quet naua huauguilo quiyim qaromachiuec, qam mesqaiyi yi na'xa'a co'mataxaqui.

Lucas 20:22

Ca' 'qaataxañitema qomi': ¿ỹa'maqachiguiño' quiyim qaishiueten ñi lashi na nashillipi na'ñi yi Roma, loqo'm 'e'?

Lucas 23:14

Ca 'naapego': —Qamiri naviguiu'a ỹim dajo ỹale, quiyim 'ñiỹac chaqaida da ỹasauaxatetecta' na qomyipi. Ca' huañichigui quiyim ỹim shi'gue senatetac da'maxare, qam sqaica ca sanata lasauaxaset quená'maq pataxahiteguelec da'maxare.

Lucas 23:2

Ca' quiyi, ca qaỹa'uo' na qaimaxalec, qohinac quiyim lasauaxaset, ca qohinac: —Qomi' seuanqajlec dajo ỹale quiyim ỹaatqajam se i'maxañi nqai'en na qouo' laseripi. Chaqai 'neetapega quiyim se seshiuetenaq ñi lashi na nashillipi neeta'ñi yi Roma, chaqai 'naac quiyim chaqaida dá'maq nashi nca'laxaqui.

Juan 5:10

ca' so judioipi 'naapego' só'maq ỹale imeuec: —Najo na'xa'a co'mataxaqui, se ỹa'maxañi quiyim 'xachisegueri' na qacanqui'.

Juan 5:3

Ca quiyi'maxare hueeta'ñi saqatajlec na 'xoic ralolaxaic: 'uo' na qai'laq, ni'iraho lichil, chaqai na se ra'ñiigue, chi nauaanta'a quiyim qaidaxan na le'ec huaxaỹaq aso'maxare.

Juan 7:23

Hua', qam nagui quiyim se napaguiỹalec na naqataxaquipi chicqo'ot so Moisés, ca' qamiri 'viichii ca netanec ca noctoqui', 'eno'm viichigui yi na'xa'a co'mataxaqui, qam ¿chi'neco' 'ohi caỹim ma' imeuec nqaishin ná'ogue na loshicmaxa so ỹale queso na'xa'a co'mataxaqui?

Juan 8:6

Ca 'naac dajo so qomyipi, ma' ỹahotaque quiyim i'guen so Jesús, qaiyi 'ue ca lligo quiyim 'naac 'ue ca lasauaxaset. Co'na'le, ca so Jesús nqai'guiñi, ca deraxan quena 'laua, ỹahote'e ana napoquena.

Juan 9:16

Ca 'uo' na 'naac queso judioipi: —Cá'maq ỹale ỹo'ueeto' dajo na'le, sqa chicqo'ot ñi qota'olec, ma' napacalec da leloxoỹaxac yi na'xa'a co'mataxaqui. Qam 'uo' na liỹa 'naaco' quen: —Qam ¿chi'negue ma' ishit quiyim ỹo'uet da netanec se qaỹauanapega, no'm sauaqhuaic? Ca' quiyi, ca' se natenta' da la'deenataxanaxac so qomyipi.