Mateo 11:8 - La'qaatqa ñi qota'olec Qota'olec & Qota'olec Novita Na Qomyipi

⁸ Ca ¿negue' só'maq 'ajnaxañiu'ga? ¿Peeta'a ỹaatqajam lo'yaxanqa saua loho so ỹale? Qamiri 'yiiñii quiyim ná'maq lo'yaxanqa naua loho ỹañiñi, na'maxare neeta'ñi na la'a' na nashillipi.

Mateo 11:8 Iomraidhean Croise

2 Reyes 1:8

Ca saua'maxare 'neraco': —So ỹale isecỹac loshicmaxa saua loho, chaqai loshicmaxa so nosaataxaqui. Ca' so nashi ỹaualaq, ca 'naaco': —¡Chaqaica ca Elías cá'maq na'ñi yi Tisbe!

Mateo 11:7

Ca co'na' que' saua'maxare, ca so Jesús ỹa'xatem na qomyipi dá'maq 'neeta so Juan, 'naaco': —¿Negue' só'maq 'ajnaxañiu'ga na'le quiyi 'laua qaica qom? ¿Peeta'a 'óna aso noqola late'e qaỹachoolaxantac quena nonot?

Mateo 11:9

Ca ¿nega'ỹo' só'maq 'ajnaxañiu'ga? ¿Peeta'a letaxaỹaxanqajanco' ñi qota'a so'maxare? Ajá'a, ỹaatqajam lliqueta, chaqai ỹapacauec queca netaxaỹaxanqajnec.

Mateo 3:4

Saua loho so Juan no'ueenataxat na nauaanaxanaxa late'e laue, chaqai loshicmaxa so nosaataxaqui, chaqai loqo ana piñai chaqai na rapic li'i quena 'oochi.

Lucas 7:25

Chaqai ¿nega'ỹo' só'maq 'ajnaxañitapegueu'a? ¿Peeta'a ỹaatqajam lo'yaxanqa naua loho só'maq sojo ỹale? Qamiri 'yiiñii queca qom chaqaidaata da no'ueetaxac, chaqai queetalec da chi no'ueenataxac, ca chaqaina na sqai ỹaxanac na la'a' na nashillipi.

1 Corintios 4:11

Vire'ta nagui sovirqau'a da qare'xoric quena qarqopaaxa, chaqai na qaraquip, chaqai qaica ca sanaxañi nooỹac, chaqai na qomyipi iualaxainta'pe qomi', chaqai qaica ca qara'a'.

2 Corintios 11:27

Chaqai 'xoic na ỹo'ueenataxanaxac, chaqai da ñanaqataxac. Chaqai 'xoic se seshit quiyim selaq, chaqai 'xoic ỹoqopaaxa chaqai na ỹaquip. Chaqai 'xoic quiyim ñqopaaqachit, chaqai yalauat quen na no'oomaxa, chaqai sentauec qaica ca sanñi.

Apocalipsis 11:3

Ca' ỹim selate' ma'le saua dos ỹa'qaataxanqajanqa quiyim ỹa'xatesac aỹim quecaua mil doscientos sesenta na'xata', ỹansañi caua noho ná'maq ỹañiñi ca qom quena' 'ue ca lasauaxanec.