Mateo 11:7 - La'qaatqa ñi qota'olec Qota'olec & Qota'olec Novita Na Qomyipi

⁷ Ca co'na' que' saua'maxare, ca so Jesús ỹa'xatem na qomyipi dá'maq 'neeta so Juan, 'naaco': —¿Negue' só'maq 'ajnaxañiu'ga na'le quiyi 'laua qaica qom? ¿Peeta'a 'óna aso noqola late'e qaỹachoolaxantac quena nonot?

Mateo 11:7 Iomraidhean Croise

Génesis 49:4

Qam nagui, ca totqai qami' 'auaxaic, ma' 'ñiisari' ca la'uaxac qaica quepaqchiguit: ma' hualaxaiñirari' ca ỹomala' na' rapa'ira'ñi' aca iloxoỹaxanata Bilha.

Mateo 11:8

Ca ¿negue' só'maq 'ajnaxañiu'ga? ¿Peeta'a ỹaatqajam lo'yaxanqa saua loho so ỹale? Qamiri 'yiiñii quiyim ná'maq lo'yaxanqa naua loho ỹañiñi, na'maxare neeta'ñi na la'a' na nashillipi.

Mateo 12:20

Chaqai vire'ta se ỹaqaguit aca noqola late'e quiyim namaxagui, chaqai se ỹo'mat ca ncoỹeraxanaxat quiyim chi nichitashiguim, chi ỹovireta'a quiyim ỹa'yiñi dá'maq ỹa'maqachiguiñi lo'ueenataxanaxac.

Mateo 21:25

¿Nega'ỹo' ca nela' so Juan quiyim rachilaxanataxan? ¿Ñi qota'olec, loqo'm na qomyipi? Ca so'maxare chi noqolliguitetecta', 'neraco': —No'm shinqac qanela' quiñi qota'olec, ca da'maxare 'naac ma'le coqomi': “Qam ¿chi'neco' ma' sqai viilec?”

Mateo 3:5

Chicqotapegueu'a yi na'a' lodegaxat Jerusalén ná'maq nacpegue' so'maxare quiyim na'xaỹaxana, chaqai ná'ogue ná'maq neetalec yi 'laua Judea, chaqai ná'maq sqoỹoqaque caso lachiugue Jordán.

Lucas 8:18

Vichiguiño' ỹaatqajam na'xaỹaxañita, ma' cá'maq 'ue ca hueeto'ot, ca qanoquigaxatec ca qoỹaanem; qam cá'maq qaica ca hueeto'ot, ca' qanouora'gue vire'ta cá'maq 'neetapigui lauel quiyim hueeto'ot.

Juan 1:38

Ca co'na' nqovilca so Jesús, ca' iuañi'chiguita quiyim coỹaresaho. Ca 'naaco': —¿Negue' ca daañitaque? Ca' saua'maxare 'neraco': —Qami' napaxaguinataxanaq, ¿negue' ca ñira'gue?

Juan 5:35

So Juan na'le 'neetari' aca ncoỹeraxanaxaqui quena' ỹaviquetaugui ca coỹeraxan, ca' qamiri netooñita'gue da lauaq, qam sqoỹoxouec da netoonaxaguii.

Efesios 4:14

Ca' totqai 'ec qomi' ñaalqolqai' quiyim chaqa'ma' ỹashaxanec ca la'deenataxanaxac, ca 'ec qaỹamaqata queca nonot quecanchaqai dalaxaic napaxaguinataxanaxac, vire'to' ma' qanaqajñi quená'maq 'ue da lco'ỹaxaric qomyipi ma' ỹahotaque so'maqac.

Santiago 1:6

Qam ỹaatqajam 'ue ca rpi'ỹaxaguii quecá'maq ỹaxañiỹaque, qam qaica ca repeetaxanaxahi. Ma' ca qom chi lepeetaxanaxa quiyim 'ue ca roỹaxantaque, ca' cajo qom 'nejem ca lo'paxa ana huaaxai quiyim qaimaqata queca nonot quecanchi qaimaqata'gue.