Mateo 11:5 - La'qaatqa ñi qota'olec Qota'olec & Qota'olec Novita Na Qomyipi

⁵ 'Qaataxañim dá'maq 'neeta quiyim na qai'laripi neuanñi, chaqai na se ra'ñiiguelo naua lichil qaua, na rishiita na loshicmaxa imeuec quena ralolaxa, na ra'ñiỹagui na lqahic 'qaa, chaqai ná'maq mashic ileu liỹa nca'leuec nqohin, chaqai na 'xoraiquipi qaỹa'xatem da na'qaatec chicqaugui da nca'laxa.

Mateo 11:5 Iomraidhean Croise

2 Reyes 5:14

Ca' so Naamán eec, ca' siete homñi caso lachiugue Jordán, 'ne'tegue dá'maq 'naaco' so qota'olec letaxaỹaxaqui. Ca' na loshicmaxa pilchigui quiyim 'ec ne'necoqui' loshicmaxa, ca' ỹaatqajam imeuec.

2 Reyes 5:7

Ca co'na' so nashi quiyi Israel retaqalec aso nelaata, ca nasectaqta'ahi saua loho queda nqui'ic. Ca 'naaco': —Ca ¿ỹimo' ná'maq ỹim qota'olec quiyim ỹaanec da nca'laxa chaqai quiyim ỹacona da chaalataxac quiyim cajo nelata ỹim na ỹale quiyim ñataren na le'ne' na loshicmaxa? ¡Ỹaatqajam 'ajñita, ca' 'yiiñii ma'le quiyim ỹahotaque ca lligo queca ño'ueenataxac quiyim yiloquin!

Salmos 146:8

ñi qara'gaxala' liỹa neuanñi nqai'en na qai'laq; ñi qara'gaxala' nanojshiguim ná'maq mashic huaañi; ñi qara'gaxala' i'xoren ca ỹale 'maxataxaraic;

Salmos 22:26

Qui'ii, qamiri 'xoraiquipi, chi ỹovireta'a quiyim rquemarii; qamiri ma' daañitaque ñi qara'gaxala', ca' maqachiñii, ca 'xoic ca ñaxaripi rca'lliitauec.

Éxodo 4:11

Ca' ñi qara'gaxala' 'naaco' queso'maxare: —¿Nega'ỹo' cá'maq ỹo'ueeto' na'le na lap na qom? ¿Peeta'a sqaỹimo' ná'maq ỹo'uet quiyim 'ue ca qaicaua naua la'qaatqa, ra'ñaagui na lqahic, qai'laq, loqo'm quiyim neuanchiguiñi?

Isaías 43:8

Rapilaxachii na ỹalamaxareteripi. Na'maxare 'vii naua nqote', qam se neuanñi, 'vii naua lque'laa lauaco, qam sqa 'qaa.

Mateo 10:8

Machiuec na ralolaxaiquipi, liỹa nca'leuec nqai'ñii ná'maq mashic ileu, imeuec nqai'ñii ná'maq mashic rishiita na loshicmaxa, o'yiỹauec na ne'ec lecmaxaic. Qaca aca laseuete quiyim coñiguit dajo nquesaxanaxa, ca' sqaca laseuete nqai'ñii quiyim 'ueenataxañiỹa.

Mateo 11:4

Ca' so Jesús 'naaco' quesaua'maxare: —Mohi, quiipegue' ca Juan, ca' 'qaataxañiỹa quená'maq 'ajñitac chaqai ná'maq 'xaitapega.

Mateo 12:13

Ca' so Jesús 'naaco' queso ỹale: —Lamaxachirec na rqai'laxachi'. Ca co'na' ỹalamaxatec, ca chaqa'ma' no'uenta 'nejem aso liỹa.

Mateo 21:14

Ca' quiñi no'ueenaxanaxaqui, ca qanqo'neu'o' so Jesús quesaua qai'la' chaqai quesaua qaica ca 'óna lichi. Ca' so'maxare sá'ogue imeuec nqai'en.

Mateo 5:3

—Ỹaatqajam chalego la'maxa ma'le quecá'maq na'deenalta' quiyim ỹouen da lotaanaxanaxac ñi qota'olec, ma' ca'maxare hueetaugui da lo'ueenataxanaxac ñi'maxare neeta'gue da piguim ma' ỹoiquentac ná'ogue najo.

Mateo 9:30

Ca' naviguerec saua nqote' saua'maxare. Co'na'le, ca so Jesús ỹaatqajam qate'talo, 'naaco' quesaua'maxare: —Qaico' ca ỹa'den nqai'ñii dajo.

Marcos 7:37

Ca ỹaatqajam 'xoic da ne'laxa, ca qohinaco' quen: —Ỹaatqajam ná'ogue ná'maq ỹo'ueetetac ỹa'maqachiguiñi, ma' vire'ta na ra'ñaagui lqahic 'qaa nqai'en, chaqai na qaicaua la'qaatqa retaqa nqai'en.

Marcos 9:25

Ca co'na' so Jesús ỹa'den quiyim mashic 'xoic so qomyipi lapoỹaho, ca' retaxaỹa so ne'ec lecmaxaic, 'naaco': —Qami' ne'ec lecmaxaic se retaqa chaqai sqa 'qaa nqai'ñi' ca qom, shinapega qami' noxoñirec quena ne'nec, qam tot liỹa noxoñirougui na'maxare.

Lucas 4:18

So ne'Espíritu ñi qara'gaxala' neeta'angui aỹim, ma' qoỹanagui aỹim qaiyi sa'xatem da no'uen la'xaỹaxac na 'xoraiquipi; chaqai qaỹamaxailec quiyim somatec na 'ue na lachicoxo, chaqai qaiyi sa'xatem quiyim qaỹosouec na ncoñiitecseripi, chaqai quiyim nauanñi nqaishin na se nauanñi, chaqai sosouec ná'maq se qaỹa'maxata'gue,

Juan 10:25

Ca' so Jesús 'naaco' queso judioipi: —Mashic shi'gue sa'qaataxanalo qamiri, qam qamiri sqai viilec aỹim. Ná'maq ỹo'ueenatqaipi chaqaina ná'maq ỹamaxailec ñi ita'a, ca' chaqainaua nauá'maq 'ec ra'qaataxantapegalo qamiri.

Juan 10:38

Qam no'm so'ueeteta'pe, 'eno'm sqai viilec aỹim, qam viilgoto nauá'maq so'ueeteta'pe, qaiyi ỹaatqajam 'yiiñita quiyim ñi ita'a hueetagui aỹim, chaqai ỹim seuetagui ñi'maxare.

Juan 2:23

So Jesús na' hueeta'ñi yi Jerusalén, ỹalequetau'a so lemaqachic na judioipi quena' ỹo'leenta'oga so na'xa'a na' ca'e nqohin yi Egipto, ca 'xoico' na huelec so'maxare na' qaiuanchigui ỹo'uet na netanqaipi se qaiuanapega.

Juan 3:2

Sojo Nicodemo 'uo' so pe ra'pichi'oga so Jesús, ca' 'naaco': —Qami' napaxaguinataxanaq, qomi' sa'deenqata quiyim qanela' qami' quiñi qota'olec quiyim qarapaxaguiñi', ma' qaica ca ishit ỹo'uet ná'maq 'viichisac netanqaipi quiyim re'oq da rquesaxanaxa'e', qaicaata cá'maq hueeto'ot ñi qota'olec.

Juan 5:36

Qam caỹim 'ue dá'maq paguec i'taxajñi quedá'maq 'naac so Juan. Ma' quena' 'ue yí'maq so'uet, qam chaqainaua nauá'maq ỹamaxailgoto ñí'maq ita'a quiyim so'ueete'. Ca' chaqainaua nauá'maq re'xoi' nqai'ne' quiyim llic chaqaiñi ñí'maq ita'a yila'.

Juan 9:7

Ca co'na'le, ca 'naaco': —Mo'e', nquiỹo'e' cañi huaxaỹaq lahi' Siloé —ca' da leloxoỹaxac dajo neenaxat Siloé 'naac qaila'. Ca' so qai'laq eec, nquiỹo. Ca co'na' rapil, ca neuanchiguiñi.

Hechos 2:22

Qamiri ỹalliripi Israel laseripi, ñaq na'xaỹaxañiỹa dá'maq sa'xat nagui: So Jesús, Nazaret le'ec, ỹaatqajam re'qoota quiyim lelaatec ñi qota'a. Chaqai huañichigui quena' 'ue da ỹo'uet chalego da ne'laxa quená'maq se qaiuanapega, chaqai na netanqaipi. Naua'maxare ỹaatqajam qota'a lo'ueenataxanaxaco, qam qaiyiita ỹo'ueete' so'maxare na' qamiri ỹalequetauguilo. Chaqai mashic qamiri 'yiiñita.

Santiago 2:5

Qamiri ñauochaxaua' ỹaqaỹa', ñaq na'xaỹaxañiỹa da ỹa'qaatec: Ñi qota'a lca'acsec na 'xoraic qomyipi quená'maq hueetalec na 'laua, ma' ỹahotaque quiyim 'ec nesallaxanec queda lpi'ỹaxac chaqai quiyim ỹalecau'a icoñiguit cá'maq ñaqa naataho lo'ueenataxanaxac ỹachaxantapeguem ná'maq nqo'ta ñi'maxare.