Mateo 11:4 - La'qaatqa ñi qota'olec Qota'olec & Qota'olec Novita Na Qomyipi

⁴ Ca' so Jesús 'naaco' quesaua'maxare: —Mohi, quiipegue' ca Juan, ca' 'qaataxañiỹa quená'maq 'ajñitac chaqai ná'maq 'xaitapega.

Mateo 11:4 Iomraidhean Croise

Mateo 11:3

chaqai quiyim inate', 'neracsa': —¿Chaqai qami'o' ná'maq nashi nca'laxaqui qaỹa'xateta'guit nanaỹa'quena, loqo'm 'ue ca liỹa ñauaanqa'piguit?

Mateo 11:5

'Qaataxañim dá'maq 'neeta quiyim na qai'laripi neuanñi, chaqai na se ra'ñiiguelo naua lichil qaua, na rishiita na loshicmaxa imeuec quena ralolaxa, na ra'ñiỹagui na lqahic 'qaa, chaqai ná'maq mashic ileu liỹa nca'leuec nqohin, chaqai na 'xoraiquipi qaỹa'xatem da na'qaatec chicqaugui da nca'laxa.

Mateo 15:30

Ca' 'xoic so qomyipi ỹovira'a só'maq neeta'ñi so'maxare. Qanodou'a na chisaq, qai'laq, sqaicaua la'qaatqa, qaica lqai'laxat, chaqai 'xoic na liỹa ralolaxaic qailla'ñi yi reloqota'ñi so Jesús. Ca so'maxare imeuec nqai'en.

Mateo 21:14

Ca' quiñi no'ueenaxanaxaqui, ca qanqo'neu'o' so Jesús quesaua qai'la' chaqai quesaua qaica ca 'óna lichi. Ca' so'maxare sá'ogue imeuec nqai'en.

Mateo 8:3

Ca' so Jesús ipootau'a so'maxare, ca 'naaco': —Ajá'a, sa'maxarenta, nagui somachirec. Ca co'na' 'naac dajo, ca só'maq rishiita na loshicmaxa chaqa'ma' imeuec queso ralolaxa.

Juan 14:11

Viilec quiyim ỹim seuetagui ñi qota'a chaqai ñi qota'a hueetagui aỹim, loqo'm noma'chi', ca' viilec aỹim quecá'maq so'uet.

Juan 5:36

Qam caỹim 'ue dá'maq paguec i'taxajñi quedá'maq 'naac so Juan. Ma' quena' 'ue yí'maq so'uet, qam chaqainaua nauá'maq ỹamaxailgoto ñí'maq ita'a quiyim so'ueete'. Ca' chaqainaua nauá'maq re'xoi' nqai'ne' quiyim llic chaqaiñi ñí'maq ita'a yila'.