Mateo 11:29 - La'qaatqa ñi qota'olec Qota'olec & Qota'olec Novita Na Qomyipi

²⁹ Coñiguit ná'maq i'ỹaaquioxola' sanaguilo qamiri, nañaañi'chiguit aỹim quiyim sapaxaguiñii, ma' ỹaatqajam ỹim hualaxauaic chaqai neneequesenaxai añi i'taxanata, ca' nachiỹa ma'le ca nco'mataxac da nachaalataxaguii.

Mateo 11:29 Iomraidhean Croise

Isaías 28:12

Shi'gue 'neetapegalo qamiri quesom: “Hua'ñi najo, ca' lo'yiiñi, hua'ñi najo, ca' nco'machiuec; ca nco'matec queda lesoochi ca soochaxaic.” Qam se na'xaỹaxañii.

Zacarías 9:9

¡'Xoic ma'le ca netoonaxaqui', qami' na'a' lodegaxat Sión! ¡'Ueenaxañi' queda netoonaxaqui', qami' na'a' lodegaxat Jerusalén! Na nashi 'maxataxaraic chaqai huegaxanaxai naỹa'a qami', qam ne'xoresenta, neetalec na 'ashinoqui' ná'maq llaalec aca 'ashina.

Mateo 17:5

Ca co'na' ñaq retaqatac so Pedro, ca' anac so naueguelec 'ue na lauaq, ca lepachiguilo saua'maxare. Ca' so naueguelec 'maxougui so na'qaatec 'naac: —Najo ná'maq ỹoqo'itaxat ỹaalec, ỹaatqajam ñitoonta'pegue da'maxare. Ỹaatqajam na'xaỹaxañiỹa da'maxare.

Mateo 21:5

'Ñiỹapega ma'le yi na'a' lodegaxat leenaxat Sión: “Ñaq ra'iiguit ná'maq rashii, naatau'a qamii, ne'xoresentam, neetalec so 'ashinoqui', llaalec ana 'ashina ni'ỹaac lomalate.”

Mateo 28:20

Chaqai paxaguiñigue quiyim huelec ná'ogue ná'maq sapaxaguinguelo qamiri. Chaqai 'yiiñita quiyim ỹim salequetauguilo qamiri quenaua'que naua na'xata', chi ỹovireta'a ca nqodoc. Ajá'a, ca' chaqaida 'neeta dajo.

Mateo 7:24

Ca' chaqaida 'neeta quecá'maq 'xaỹa aỹim, ca' ỹo'uet dá'maq ỹa'qaatec, ca 'nejem nqaishin ca qom 'deenaxanqachaqaic quiyim ỹanejlec ca qa' quiyim ỹa'yiñi ca lauo'.

Lucas 8:35

Ca' na qom eec, ra'ajnaxane'oga ca hua'ñi dajo. Ca co'na' ỹovita yi hueete'e so Jesús, ca qaiuanejlec so ỹale só'maq chicqaugui so ne'ec lecmaxaiquipi, nqa'xantañi, neeto'oto naua lichil so Jesús, ỹansañi naua loho, chaqai mashic no'ueenta. Ca' ỹaatqajam 'ue da lqolonaxa.

Juan 13:15

Sachaxanalo qamiri dajo, qaiyi qamiri denaxachii dá'maq ỹim so'uet caqamiri.

Juan 13:17

No'm qamiri 'yiiñii dajo, chaqai 'viichii, ca ra'maxaichiguiñi ma'le.

Hechos 7:37

Chaqai chaqaiso so Moisés só'maq 'naapega so Israel llaalqaipi, 'naaco': “Ñi qota'olec nelatalo qamiri ma'le ca la'qaataxanqajnec, qam ca'maxare chi ralamaxarichii rqaỹahi, 'nejem aỹim na' yila'. Na'xaỹaxañiỹo' ma'le ca'maxare.”

1 Corintios 9:21

Chaqai da liỹa ma' sahotaque quiyim ñauec ná'maq sqai queeta'pegue' da naqataxaquipi chicqo'ot so Moisés, ca' ỹim 'ec shinta malam na'maxare. Llic ma' ỹim shiqueta'pegue' da llicyaxac na laqataxaquipi ñi qota'a, ma' ỹim mashic shiqueta'pegue' na laqataxaquipi so Cristo.

2 Corintios 10:1

Aỹim Pablo, ñi'xoresentouguilo qamiri, sahote'e da neneequesenaxac chaqai da lqouagaxa so Cristo. Qohinaco' quen quiyim aỹim neneequesenaxai quena' salequetauguilo qamiri, qam ỹaatqajam quesaxañi naua ỹa'qaatqa quena' qoỹoqo'ta aỹim.

2 Corintios 10:5

Vichiguiño' qomi' seuagaxatqac ná'ogue nanchaqaina nasauaxaseteripi chaqai canchaqaica maqajnaxac quiyim ỹahotaque se qaỹa'den ñi qota'a. Chaqai ná'ogue ná'maq chi la'deenataxanaxac na qom saanqot so Cristo, qaiyi qana'xaỹaxana so'maxare.

Filipenses 2:5

Chaqai 'ñii'tegue dá'maq 'neeta'co' na'le da la'deenataxanaxac so Cristo Jesús.

1 Tesalonicenses 4:2

Ma' ỹaatqajam 'yiiñita ná'maq qaraqataxaquipi saanqaema qamiri. Da'maxare sachigoxotqo'tot so qara'gaxala' Jesús.

2 Tesalonicenses 1:8

Ma' novi' so'maxare, ca' ỹa'ue ca nouaxanaxaset ná'maq se ỹa'deenapega ñi qota'a chaqai se na'xaỹaxana da na'qaataxac so qara'gaxala' Jesucristo.

Hebreos 5:9

Ma' so'maxare ỹaatqajam qanaloqojonchiguiñi da no'ueenataxac, ca ỹovirau'a quiyim chicqochigui nqohin dá'maq nca'laxa sqaica lqodoc quená'ogue ná'maq huelec so'maxare.

1 Juan 2:6

Cá'maq 'naac na'deeta'guit ñi qota'a, ca' da nachaalataxac 'nejem dá'maq 'neetari' na'le so Jesucristo.