Mateo 11:28 - La'qaatqa ñi qota'olec Qota'olec & Qota'olec Novita Na Qomyipi

²⁸ Naguipegue' aỹim qamiá'ogue, ma' mashic rco'chiiuec quena ro'ueenataxanaxaguii chaqai quena ri'ỹaaguii, ca' ỹim ñco'mataxandec qamiri.

Mateo 11:28 Iomraidhean Croise

Job 14:1

Ca ỹale chicqaugui ana 'aalo, ca'maxare se ladoc da nachaalataxac, chaqai 'xoic na taalec le'xoric.

Job 5:7

chaqaina na ỹale ná'maq chicqaugui da ne'xoric, 'nejem na norec chicqañigui aca raqataxai poqo.

Salmos 32:4

ma' quiyi na'xa'a chaqai quiyi pe ñauateta'guit da lesallaxa na rqai'laxachi'. 'Ec ana lenoỹaxai ỹasoxot na npa'ỹaaxa quiyi ñaaxa, ca' chaqaida dá'maq 'neeta dá'maq shintari' na'le.

Eclesiastés 1:14

Ca' yitan quiyim ná'ogue ná'maq qaỹo'ueetetac quena 'laua, qaica quet cá'maq 'negue, 'ec qaỹahotaque neconecsec na nonot.

Eclesiastés 1:8

Ca' qaica quet cá'maq ishit ỹa'xat quiyim qaỹamaqa'que naua'que nauajo; chaqai qaica quet cá'maq qaiuana chaqai cá'maq qara'xaỹaque quiyim qaiyi ỹa'maxagui lauel ca qom.

Isaías 1:4

¡'Xoraiquipiolec na qom sauaqhuaic, no'qaachigui quena se ỹa'maxañi, chigoxougui só'maq ỹo'ueetetac da se no'uen, ñaalqaipi hualoxonyipi! Mashic noỹootec quiñi qara'gaxala', mashic nasectec quiñi co'teeta qota'olec queso Israel, ỹaatqajam ca'e.

Isaías 11:10

Ca' quecajo na'xa'a ma'le, ca' cajo llaxataxai ca lpa'a' ma' chaqaiso so Isaí ne'laxashiguim, ca' netanec quená'ogue na qomyipi quena 'laua; ná'ogue na ỹoreta'oguit qomyipi quena 'laua eec idaanaque, qam cá'maq ỹaatqajam hueeta'ñi ma'le ỹaatqajam 'xoic na lauaq. (11.11-16 Ỹaatqajam qaica ca ỹa'paxat quiyim pil só'maq neetalec yi ỹoqa'a 'laua.) (12.1-6 Ro'ueenaxan, ca' ỹaanshiguim da na'aachic.) (13.1-22 Ỹaatqajam qai'neetac yi Babilonia.)

Isaías 28:12

Shi'gue 'neetapegalo qamiri quesom: “Hua'ñi najo, ca' lo'yiiñi, hua'ñi najo, ca' nco'machiuec; ca nco'matec queda lesoochi ca soochaxaic.” Qam se na'xaỹaxañii.

Isaías 61:3

ca' 'ue ca saanem na noỹentagui quiyi Sión: da lachicoxo ñigui nqaishin da netoonaxac, da oỹenaxac ñigui nqaishin da naỹaac, da lachitachic ñigui nqaishin da no'ueenaxanaxac. Na'maxare 'neetari' ana qo'paq lanecse ñi qara'gaxala' qota'olec, ma' ỹahotaque ỹachaxan da lquesaxanaxa.

Mateo 11:29

Coñiguit ná'maq i'ỹaaquioxola' sanaguilo qamiri, nañaañi'chiguit aỹim quiyim sapaxaguiñii, ma' ỹaatqajam ỹim hualaxauaic chaqai neneequesenaxai añi i'taxanata, ca' nachiỹa ma'le ca nco'mataxac da nachaalataxaguii.

Mateo 23:4

Ma' iỹoxolec ca liỹa quiyim i'xat cana' tot qaica ishit i'xat. Ca ỹahotaque qai'xat quena qom, qam na'maxare se rotaanaxanau'a da nesallaxa cada 'oono'lli' lpalaaqate.

Juan 6:37

Ná'ogue ná'maq nañaañim ñi ita'a nacpegue' aỹim; chaqai ná'maq nacpegue' aỹim, se so'da'guit.

Juan 7:37

Ca quesó'maq co'uaataxanaxaic na'xa'a queso nemaqachic, ca ỹaatqajam pagueco' quen da nemaqajnataxanaxa. Ca' quesojo na'xa'a nachajñi so Jesús ỹaatqajam nelamaxaren na' retaqa, 'naaco': —No'm 'ue ca iuet laquip, ca nacpegue' aỹim, ca' ne'et.

Hechos 15:10

Ca' nagui ¿chi'negue ma' qalañitapega dá'maq lo'ueenataxanaxac ñi qota'a chaqai lliiteguelec da 'xoic lesallaxa na mashic icoñiguit da na'qaatec? Ma' qomi' chaqai só'maq 'auaxaic qareta'allipi qai'neeta se seshitaq se'xataq.

Hechos 20:35

'Eda da chaqai'en ỹapaxaguinataxanaxac caqamiri quiyim 'ueenataxañii chaqai tauañii na 'ue ca louenaxanaxa. Sqai 'laxachii da la'qaatec so qara'gaxala' Jesús, na' 'naac: “Paguec la'maxa quecá'maq rachitaxanataxan, quecá'maq 'ue ca icoñiguit.”

Gálatas 5:1

So Cristo ỹosou'alo qomi', qaiyi qaica ca qarquepaxat. Ca' na'ñaxachii quiyim quiitalec quiyim qaica ca rquepaxachii, ca tot liỹa pilliu'a quiyim qamiri quet na'aqa.

2 Tesalonicenses 1:7

chaqai nco'mataxandec qamiri queda ne'guenaxaguii, chaqai qomi' qai'neeta queca na'xa'a ma' novi' so qara'gaxala' Jesús, ma' nachaxan chicqo'ot na piguim, naquetaugui na 'ec norec lauaq chaqai liỹaatac ná'maq chicqashiguim quesaxanaxaiquipi qota'a lelaatqaipi.

Hebreos 4:1

Ca' vichiguiño' nagui quiyim ñaqai qaỹachaxantac quiyim seshitaq senoxonaxauo quiyim qanco'mataxaua ñi qota'a, ca' qaretelañi, 'neeto' 'ue ca se inoxono ma'le caqamiri.

Apocalipsis 22:17

So Espíritu Santo chaqai aso loua so 'ec qagreta llaalec 'nerac: —Anaqui'. Chaqai cá'maq na'xaỹaxantac 'naac: —Anaqui'. Chaqai cá'maq ỹalauat ca laquip, chaqai ỹahotaque ne'et, ca' nanac, ca' ne'et quiyi huaxaỹaq chicqaugui da nca'laxa. Qaca nqohin aca laseuete.