Mateo 11:25 - La'qaatqa ñi qota'olec Qota'olec & Qota'olec Novita Na Qomyipi

²⁵ Ca' quesojo na'xa'a so Jesús 'naaco': —Qami' ita'a qota'olec, ma' qami' na'gaxala' queda piguim chaqai quena 'laua, semaqachin aqami', ma' qami' chaxañitem ná'maq qaica ca ỹa'den dá'maq 'xochirapeguem na 'deenaxanqachaqaic chaqai ná'maq 'xoic na ỹa'den.

Mateo 11:25 Iomraidhean Croise

Génesis 14:19

Ime, ca' ỹaanem da no'uen llicyaxac so Abram, 'naaco': Ỹaanem qami' ca no'uen qayicyaxaqui' ñí'maq qaica 'nejem qota'olec, lo'ueenatec na piguim chaqai na 'laua;

Génesis 14:22

Qam so Abram 'naaco': —Ỹaatqajam saanot da ỹa'qaatec ñi ỹa'gaxala' ñí'maq qaica 'nejem qota'olec, lo'ueenatec na 'laua chaqai na piguim,

2 Reyes 19:15

Ca' nqouagaxain, 'naacsa': —Qami' ỹa'gaxala', qami' qota'olec quena Israel, ca nqa'xanqachi' hueeto'oto naua 'vii laua'. Chaqaqamite' 'viiquiñi'sac ná'ogue ná'maq hueetalec na 'laua, qami' ro'ueenachiqui' na piguim chaqai na 'laua.

Salmos 8:2

Queda lemaqajnataxanaxa na ñaaqaipioqui' chaqai ná'maq ñaqai llipetac, ca no'xoñirishiguim ca re'guenaxagui'i', sauaxat na npa'guenaxaua'e'ipi, qaiyi nomachichiriñi na sqai huelec qami' chaqai ná'maq se reuojñi'.

Isaías 5:21

¡'Xoraiqolqa qamiri, ma' 'ñiitapega 'xoic ca ra'yiiñiguii, chaqai 'ñiitapega 'xoic ca naqachiñi!

Mateo 16:17

Ca' so Jesús 'naaco': —Qami' Shimoñi', qami' llaalec so Jonás, ỹaatqajam chalego da ra'maxa'e', ma' sqai qom ca ra'deenaxanaxañitegue dajo, qaiñiita ñi ita'a neeta'gue da piguim.

Mateo 21:16

Ca 'neraco' queso Jesús: —¿Ñaq na'xaỹaxañita dá'maq ỹa'xatetac ná'maq najo? Ca' so Jesús 'naaco' quesaua'maxare: —Ajá'a, sa'qaatapega. Qam ¿sqai taxailco' quen naua naneresañi la'qaatqa ñi qota'olec quiyim ỹa'xatesa'guit dajo? 'Neracsa': Ma' 'viichi'o' quiyim na ñaaqaipioqui' chaqai na ñaqai llipetac ỹaatqajam 'maxaraic da lemaqajnataxanaxac.

Lucas 22:42

Ca 'naac: —Qami' ita'a, sqo viraqchira'a ỹim dajo ñi'guenaxac 'ec aca naqana chim. Qam mesqai chaqaica cá'maq sahotaque, qaicaata cá'maq vi'saque.

Lucas 23:34

Ca co'na' ñaq qaipatentapego, ca' so Jesús 'naaco': —Qami' qota'olec, 'xoriñi' na qomyipi, ma' se ỹa'den da ỹo'ueetetac. Ca' so nouaataxanyipi nallitetapiguilo saua loho so Jesús quiyim negue' ca taalgoto saua'maxare.

Juan 11:41

Co'na'le, ca qanaqat so qa'. Ca' so Jesús ra'ishiguimo' quena piguim, ca 'naaco': —Qami' ita'a, saanot qami' da ña'aachic, ma' na'xaỹaxañita aỹim.

Juan 12:27

Ca' nagui ỹaatqajam 'xoic da shinta; ca ¿nega'ỹo' ca shinac? ¿Loqo'm shinac: “Qami' ita'a, yca'laxachirec quedá'maq naatailec nagui”? Qam chaqaida dá'maq 'em ñanac.

Juan 12:28

Qami' ita'a, maqachiñi' da qadeenaxachi'. Ca 'uo' so qara'xaỹaque na'qaatec, 'maqot na piguim, 'naaco': —Shi'gue semaqachin, qam qaiyiita liỹa semaqachin.

Hechos 17:24

Ñí'maq qota'olec lo'ueenatec na 'laua chaqai ná'ogue nanchaqaina huelecna, ñi'maxare looỹac na piguim chaqai na 'laua. Chaqai sqai neetaugui ca 'imec, lo'ueenatec ca qom.

1 Corintios 2:10

Qam dajo ỹa'deenaxanaxanque qomi' ñi qota'a, chicqochigui nqai'en so Espíritu Santo, ma' so'maxare imitetac ná'ogue, chaqai ỹovira'a quiyim ỹa'den ná'maq 'xoic lecaic se re'xogui 'neeta'pegue ñi qota'a.

2 Corintios 3:14

Qam saua'maxare se ỹa'deene' ca leloxoỹaxac na'le. Chaqai nagui qaiyiita quena' qaretaqalec so 'auaxaic 'maqataxac, ca' chaqaiso só'maq napoxonaxat só'maq quepaqataxan, ca' se ishit ỹa'yiinchigui ca leloxoỹaxac. Ma' so napoxonaxat saqa' qanaqat, ma' quiyim qanaqat, qam chicqochigui so Cristo quiyim nac so'maxare.

1 Samuel 2:18

Qam so noctoqui' Samuel queetalec ỹo'ueetetac na lo'ueenataxanaxaquipi ñi qara'gaxala' ỹansañi saua loho lo'ueenataxanaxaqui' chicqoraugui na lino.