Mateo 11:23 - La'qaatqa ñi qota'olec Qota'olec & Qota'olec Novita Na Qomyipi

²³ Chaqai qami' na'a' Capernaum, ¿peeta'a 'ñiisapega quiyim qaiconot qami', ca vichiro'ot na piguim? Qam qarapilaxajñi qami' ma'le ca qaỹoviraqta'ña ca lapooqo' na leuaxaiquipi. Ma' quetqai queso na'a' Sodoma qaỹo'ueeto' na'le dá'maq se qaiuanapega qaỹo'uet caqamiri, sojo na'a' ñaqa 'ue quet nagui.

Mateo 11:23 Iomraidhean Croise

Génesis 13:13

yí'maq na'ñi ná'ogue na qom hualoxonyipi, chaqai ỹo'ueetetac ná'ogue na se no'uen quená'maq se nqo'ta ñi qara'gaxala'.

Ezequiel 31:14

Chaqai tot qaca aca liỹa qo'paq, 'eno'm hueeto'ot ca huaxaỹaq, tot nqo'in da llaxataxa 'nejem aso'maxare. 'Eno'm ỹaatqajam ỹaquiteto'ot, qam se ỹovijshi'ma na naueguelec, chaqai tot ladoc. Ná'ogue taỹa'a quiyim ileu, ca ta'ña yi pa'aañi quena 'laua, ca lapooguit ná'maq mashic hueetañigui ana lahi'.

Mateo 10:15

Ca ỹaatqajam llic da shinac caqamiri quecajo pa'aatec na'xa'a ma' ñi qota'olec imit ná'ogue najo, ca' ca nouaxanaxaset cajo na'a' paguec lecaic ma'le ca nouaxanaxaset queso qomyipi na'ñi na'le yi Sodoma chaqai yi Gomorra.

Mateo 16:18

Ca' ỹim shinac caqami' Pedro ma' qami' qa'. Ca' quenajo qa' so'xonejlec ma'le aca ỹo'ueenaxanaxaqui. Ca' vire'ta da nelauaxa se ishit ỹosogui ma'le aca'maxare.

Mateo 17:24

Co'na' so Jesús chaqai saua lapaxaguinatqa ỹovirera'a yi na'a' Capernaum, ca ná'maq ỹacona'piguit ana nishiuetenaxanqate cañi no'ueenaxanaxaqui querepegue' so Pedro, ca' inate': —Ñí'maq ỹapaxaguinta'pe qamiri ¿peeta'a se ishiueten añi qaishiueten cañi no'ueenaxanaxaqui?

Mateo 4:13

Qam sqai na'ñi yi Nazaret. Ta'ta'a quiyim quepegue' yi Capernaum, ca' na'ñi yijo na'a' na'ñi na lahi aso latogot late'ogue', neeto'ot na lahi yi 'laua Zabulón chaqai yi Neftalí.

Mateo 8:5

Ca co'na' inoxono so Jesús quiyi na'a' Capernaum, ca qanoviro'o' queso nouaataxanaq lashi Roma le'ec. Ca ne'xoresene'tot so Jesús,

Lucas 10:15

Qam qamiri ma' ñiita'ñi yi na'a' Capernaum, ¿'ñiitapega quiyim qananojshiguim qamiri, qaroviraqchi'ot na piguim? 'E', qamiri qaropilaxachiñi ma'le, ca viriỹa'ña ca lapooqo' na lqui'i na leuaxaiquipi.

Lucas 14:11

Ma' cá'maq chi ỹauaaque ca lecaic, ca' se qaimaqachin, chaqai cá'maq neneequesenta, ca qaimaqachin.

Lucas 16:23

Ca co'na' so nesallaxanec ỹaatqajam 'xoic da le'xoric queca hueeta'ñi lapooqo' na lqui'i na leuaxaiquipi. Ca' quiyi, ca' ra'ishiguim, ca iuane'ta so Abraham ỹaatqajam qoỹoqoshi'ma, chaqai so Lázaro huaqate'e' so'maxare.

Lucas 4:23

Ca' so Jesús 'naaco': —Qamiri re'qoota quiyim dohilec aỹim ma'le da na'qaatec quen 'neeta: “Qami' natarenataxanaq, chi natariñiralta'.” Chaqai 'ñiỹac ma'le caỹim: “Ná'maq sa'xaiqateguelec quiyim 'viichi'sac quiyi Capernaum, 'viichi'o' nagui quiyim hua'ñi na ralamaxarichi' na'laua'e'.”

Hechos 2:27

Ma' qami' qota'olec, se no'ueenaqchira'ñi ca ỹa'al ca hua'ñi na leuaxaiquipi, chaqai sqa 'maxariñi' quiyim ỹovirau'a quiyim tot no'uen na loshicmaxa na relaachiqui' rauochaxachi'.

Hechos 2:31

Ca' so David 'eco' shi'gue ra'iita'guit quesom na' ỹa'xat quiyim so qara'gaxala' liỹa nca'leuec, chaqai 'naac quiyim so la'al no'ueena'ñi na lapooqo' na leuaxaiquipi, chaqai vire'ta so loshicmaxa se ỹovira'a quiyim tot no'uen.

Judas 1:7

Qai'neeta so qomyipi na'ñi yi Sodoma chaqai yi Gomorra chaqai saua na'aate' sqoỹoqapigui, ca 'nejem só'maq nelaatqaipi piguim laseripi ma' nañaanguit da se no'uen lamaanaxanqachic na loshicmaxa, ca' que'uegue dá'maq leualaxainataxanaxac dá'maq se nachiñiguit quet dá'maq ỹaatqajam no'ueenataxac ca qom. Ca' qainaxañigui so'maxare ca norec sqaica lqodoc, ca' dajo naqataxac 'ec no'ueenaugui ná'ogue na qomyipi nagui.

Apocalipsis 1:18

Ỹim ná'maq yca'leetauec. Ma' yileu na'le, qam nagui, ca' sqaica lqodoc quiyim yca'leetauec. Ỹim llo'qoota'alo soiquenta'pe naua lauaatqate da nelauaxa chaqai quecá'maq lapooqo' na lqui'i na leuaxaiquipi.

Apocalipsis 11:8

Ca ma' ileue', ca nichilnete', hueesa'ñigui nqohine' so nayic quiyí'maq lodegaxat na'a' Jerusalén, yí'maq hua'ño' na' qaipateno so qara'gaxala' Jesús, yí'maq chi qaỹamata'gue Sodoma, loqo'm Egipto.

Apocalipsis 20:13

Ca aso huaaxai ỹaano na leuaxaiquipi huaañigui aso'maxare. Chaqai so nelauaxa chaqai yí'maq lapooqo' na leuaxaiquipi ỹaano qai'neeta ná'maq hueeta'ñi yi'maxare. Ca sá'ogue qaimit, ca' qaishiueten quiñi 'óna quecá'maq ỹo'uet.

Apocalipsis 6:8

Ca na' ya'ỹa'a, ca seuane'ta so shipgaq qoñooxoic. Ca só'maq neetalec so'maxare leenaxat nelauaxa. Ca' so coỹaretaho queso'maxare chaqaiso só'maq lqui'i cá'maq lapooqo' na leuaxaiquipi. Ca' qoỹaanem da lquesaxanaxa quiyim ỹalauat quiñi 'óna quenaua cuatro qomyipi quená'maq hueetalec ana 'laua, ỹahote'e na lauataq, chaqai na nqopaaxa, chaqai na nalolaxa, chaqai ná'maq retoxonac quena 'laua.