Mateo 11:21 - La'qaatqa ñi qota'olec Qota'olec & Qota'olec Novita Na Qomyipi

²¹ —¡Ỹaatqajam chalego re'xoriguii, qamiri ñiỹa'ñi na na'a' Corazín! ¡Chaqai ná'maq neeta'ñi na na'a' Betsaida! Ma' quetqai hua'ño' yi na'a' Tiro chaqai yi Sidón ná'maq qaỹo'uet se qaiuanapega quená'maq qaỹo'uet na'le caqamiri, shi'gue quet ỹaxañiñi naua lanatqa, chaqai nachaxanta queta'le ỹañiñi caua noho nasouaxaqui', chaqai nemeetalta' quena lo.

Mateo 11:21 Iomraidhean Croise

Job 42:6

Ca vichiguiño' nagui, ca 'xoic da ñitogotaxa, ca ñqa'xantañigui na namoxoỹaxa chaqai na lo quena ỹayiloxo.

Amós 1:9

Ca 'neetasa' da la'qaatec ñi qara'gaxala': Yi qomyipi quiyi na'a' Tiro ỹaatqajam 'xoic na ỹo'ueetetac se no'uen, ca' sqaica ma' se so'uet quet ca nouaxanaxaset; ma' ỹaanec quiyim noxonec queso lquesaxanaxa yi 'laua Edom sá'ogue so qomyipi só'maq na'deene'e' na'le quiyim 'neeta'gue ca lqaỹa.

Mateo 11:22

Qam shinac caqamiri, ma' qaỹa'ue ca nouaxanaxaset najo queca pa'aatec na'xa'a, paguec lecaic ma'le ca nouaxanaxashichii quiyi qomyipi na'ñi yi Tiro chaqai yi Sidón.

Mateo 15:21

Ca' so Jesús ca'e yí'maq hueete'e, ca' quepegue' yi 'laua huaugui yi Tiro chaqai yi Sidón.

Mateo 18:7

Ca' ¡chalego la'aaxa quena qomyipi quiyim 'ue ca ỹo'uet quiyim chicqochigui ca lasauaxaset na qom quena 'laua! Qam dajo chaqai'eno' quen 'ue. Qam ¡'xoraicolec cá'maq qom chicqochigui dajo!

Mateo 26:24

Qam najo ỹale llaalec ỹaatqajam quiichigui da 'nerac naua naneresañi la'qaatqa ñi qota'a. Qam ¡'xoraicolec cá'maq qom yayaano! Cajo ỹale paguec la'maxa quetaxan se ne'qaaño' na'le.

Marcos 3:8

Ca co'na' qara'xaiguelec na lecaic ná'maq ỹo'uet so'maxare, ca 'xoic ná'maq nacpegue' so'maxare, chicqau'a yi Judea, chaqai Jerusalén, chaqai yi Idumea, chaqai da lqodoigue queda laseego aso lachiugue Jordán, chaqai quiyi 'laua Tiro chaqai yi Sidón, ma' qaỹahotaque qaiuana so'maxare.

Marcos 6:45

Ca co'na' ime dajo, ca' so Jesús ỹa'auaxane' saua lapaxaguinatqa, nerañigui nqai'ne' aso qom lahi' huaxaỹaqse, paquera'ta aso latogot late'ogue', taareta'gue yi na'a' Betsaida. Ca' so'maxare no'ueenañi, niquinta'pegue' so qomyipi.

Marcos 7:24

Ca' so Jesús ca'e yí'maq hueeta'ñi, ca quepegue' yi 'laua Tiro chaqai yi Sidón. Ca quepegue' ca 'imec, chaqai ỹahotaque quiyim qaica ca ỹa'den so'maxare, qam se ishit nañoxojñi.

Marcos 7:31

Ca so Jesús lotqai ca'e yi 'laua Tiro, ca quejlec yi Sidón chaqai na na'aateripi quiyi 'laua Decápolis, chi ỹoviretaqso'ma aso latogot late'ogue' quiyi Galilea.

Marcos 8:22

Ca co'na' ỹovirera'a yi Betsaida, ca qanauegueu'a so Jesús so qai'laq, ca qane'xoresene'tot quiyim ỹashil-lec.

Lucas 4:26

Qam so Elías mesqaca aca 'oono'lli' pa'ỹe qailata casá'ogue aso neetalec yi na'laua so Israel llaalqaipi. Chaqasoota aso neeta'ñi yi Sarepta yí'maq sqoỹoqaque quiyi na'a' Sidón.

Lucas 6:17

Ca' so Jesús co'na' renotec caso qoỹoqoshi'megue 'laua, liỹaata'pe saua'maxare. Co'na' qanoviri'ña so quemarelec, ca so'maxare chaqai saua lapaxaguinatqa huere'e. Chaqai ỹaatqajam 'xoic so qomyipi chicqa'oga yá'ogue yi 'laua Judea, chaqai yi Jerusalén, chaqai na lemanaxa yi Tiro chaqai yi Sidón. Na qomyipi nanac, ma' ỹahotaque na'xaỹaxana so Jesús, chaqai quiyim qaỹomatec na ralolaxa.

Lucas 9:10

Co'na' so lapaxaguinatqaipi so Jesús mashic rapil, ca qara'qaataxantapeguem quedá'maq lo'ueenatqaipi. Ca' so'maxare nodaqajantec so qomyipi quiyim ỹauega yi 'laua sqoỹoqaque quiyi na'a' Betsaida.

Juan 1:44

So Felipe na'ño' yi na'a' Betsaida, yi'maxare nera'ño' qai'neeta so Andrés chaqai so Pedro.

Juan 12:21

Saua'maxare nqo'nera'a so Felipe, so'maxare Betsaida le'ec yí'maq huaugui yi 'laua Galilea. Ca qane'xoresene'tot, qohinaco': —Nqouaquiteguelo qomi', sahoqotaque seuanaxa ca Jesús.

Hechos 12:20

So Herodes ro'ootapega so qomyipi na'ñi yi na'a' Tiro chaqai yi Sidón. Qam saua'maxare na'deenta' quiyim querepegue' só'maq nashi, qoyiqueto'ogue quiyim qaishiueten so Blasto, ma' ỹaatqajam lodegaxat lotaua so Herodes, quiyim ỹashiilo'ot so lashi quiyim ỹaanem ca leuagaxa so qomyipi, ma' quiyí'maq na'laua so qomyipi ỹachigoxotalec na lepetaxanaxat yi na'laua so nashi.

Hechos 27:3

Ca queso liỹa nete'e, ca sovitaxa yi ñigaxasom leenaxat Sidón. Ca' hua'ñi, ca' so Julio huaguiguit so Pablo. Vichiguiño' qaỹasene'tem so Pablo quiyim quepegue' so leuanatqaipi chaqai quiyim qaiquelolliguit quesaua'maxare.

Judas 1:11

¡'Xoraiqolqa naua'maxare! Ma' queesa'uegue da no'ueenataxac so Caín. Ma' ỹahosaque ca lauegaxanaxague' cana plata, ca' ỹo'merac, 'nejme' so Balaam. Chaqai na'lerañi 'nejme' so Coré, ma' qaỹalauat, sauaxat da npa'guenaxac.

Apocalipsis 11:3

Ca' ỹim selate' ma'le saua dos ỹa'qaataxanqajanqa quiyim ỹa'xatesac aỹim quecaua mil doscientos sesenta na'xata', ỹansañi caua noho ná'maq ỹañiñi ca qom quena' 'ue ca lasauaxanec.

Apocalipsis 6:12

Ca na' só'maq qagreta llaalec ỹauachigui aso liỹa netanaxanqate, ca ya'ỹa'a, ca' 'ue so nalataxa idaxanac na 'laua. Ca naue' añi ra'aasa 'ec na nooỹac laueraxaic. Ca ñá'ogue ñi shiraigo toc, 'ec leuoripi.