Mateo 11:11 - La'qaatqa ñi qota'olec Qota'olec & Qota'olec Novita Na Qomyipi

¹¹ Ỹaatqajam llic da shinac caqamiri quiyim quená'ogue na qom quená'maq vire'ta nagui nca'leetauec, qaica ca paguec lecaic quesó'maq nachilaxanataxanaq leenaxat Juan. Qam cá'maq paguec cocho'qui' queda lo'ueenataxanaxac ñi qota'a queda piguim, paguec lecaic queso'maxare.

Mateo 11:11 Iomraidhean Croise

Job 14:1

Ca ỹale chicqaugui ana 'aalo, ca'maxare se ladoc da nachaalataxac, chaqai 'xoic na taalec le'xoric.

Job 14:4

Qaica quet cá'maq ishit ñigui co'teeta nqai'en ca napio'o.

Salmos 51:5

Ca' lliqueta quiyim chi ñi'qaañi chaqa'ma' ỹim nocqaic; shi'gue ỹim sauaqhuaic na' ñaqai seuetaho.

Mateo 11:10

Ma' so Juan chaqaiso só'maq ỹa'xateta'guit na'le naua naneresañi la'qaatqa ñi qota'olec, 'neracsa': Ỹim sela' saqatqajanta'gue da 'i'sa'gue ca ỹa'qaataxanqajnec, qaiyi ỹa'maxatetañi ca nayiqui'.

Mateo 11:12

Chicqochi'ñi na' novi' so nachilaxanataxanaq leenaxat Juan, chi ỹovireta'a nagui, dá'maq lo'ueenataxanaxac ñi qota'a queda piguim ỹaatqajam 'ue da noqogaxanataxac. Ca ná'maq ỹouen dá'maq re'qoochigui lquesaxanaxa, na'maxare ỹahotaque rouootaxana'gue da'maxare.

Mateo 3:1

Ca co'na' mashic 'vii caua ñaxari, ca' so nachilaxanataxanaq leenaxat Juan nacpegue' yi 'laua qaica qom quiyi Judea, ỹa'xatetac da na'qaatec.

Mateo 3:11

Ca' ỹim ỹaatqajam lliqueta ñachilaxañiguilo qamiri na huaxaỹaq, ca' chi netanec quiyim lachii' naua ranataxahi se no'viiñi. Qam cá'maq coỹaretalec aỹim, ca'maxare nachilaxanalo qamiri ma'le ca Espíritu Santo chaqai ca norec. Ca'maxare paguec lquesaxanaxa caỹim, vire'ta quiyim se seshit quiyim chi se'xate' caua lapelate'.

Mateo 5:19

Vichiguiño' quecá'maq se ỹo'uet canchaqaica quená'maq naneretañi quena naqataxaquipi, 'eno'm cá'maq 'ec paguec cocho'qui', ca rapaxaguinataxanegue quiyim chaqaida 'ne'tegue nqai'en na qom, ca' ca'maxare qai'neeta qohinta'gue ca paguec cocho'qui' ma' qoyiuetaugui da lo'ueenataxanaxac ñi qota'a neeta'gue da piguim ma' ỹoiquentac ná'ogue najo. Qam cá'maq na'xaỹaxane'ta chaqai ỹapaxaguinegue ca liỹa quiyim chaqaida 'ne'tegue ca qohinta'gue, ca lodegaxat ma'le queda lo'ueenataxanaxac ñi qota'a neeta'gue da piguim ma' ỹoiquentac ná'ogue najo.

Lucas 1:15

Ma' ca qachaalqui', ca'maxare ỹaatqajam lodegaxat ma'le nqohin quiñi qota'olec. Ca'maxare se ishit ni'chigui canchaqaica quena lataxa, ma' ỹaatqajam no'qaachigui queso Espíritu Santo ma' saqa' ne'qaañi.

Lucas 7:28

Qamiri shiñiỹapegaxaua', quená'ogue na qomyipi qaica ca 'nejem lecaic la'qaataxanqajnec ñi qota'a queso Juan só'maq nachilaxanataxanaq. Qam ná'maq ỹapaguec cocho'qui' queda lo'ueenataxanaxac ñi qota'a, paguec lecaic queso'maxare.

Lucas 9:48

Ca 'naaco': —Ca icoñiguit najo noctoqui' quiyim ỹaatqajam huelec aỹim, ca' chaqaỹim icoñiguit. Ca cá'maq icoñiguit aỹim, icoñiguit qai'neeta ñí'maq yila'. Ma' cá'maq 'ec sqaica ca lemaqachic caqamiri, ca' chaqaica cá'maq paguec ma'le ca lecaic.

Juan 1:15

So Juan ỹa'xatetac na'le so'maxare na' 'naac: —Chaqaida dajo dá'maq ỹim sa'xateta'guit na' shinac cá'maq co'uaataxanta ma'le caỹim, ca'maxare 'auaxaic caỹim, ma' shi'co' 'ue na' saqa'leca aỹim.

Juan 1:27

Da'maxare co'uaatetalec aỹim, qam da'maxare shi'co' 'ue na' saqa'leca aỹim. Chaqai se yalou'a quiyim sosoorec naua lequeete' naua lapelate'.

Juan 10:41

Ca 'xoico' so qom quepegue' yí'maq hueeta'ñi so'maxare. Ca 'naaco' quen: —Ỹaatqajam llic quiyim so Juan, 'eno'm qaica ca ỹo'uet quena netanqaipi se qaiuanapega, qam dá'ogue dá'maq 'naac na'le quedajo ỹale ỹaatqajam lliqueta.

Juan 3:30

Ca'maxare cá'maq nqo'neetauec ma'le da lichoxoric, ca' ỹim nqo'neeta'ta' ma'le da ichoxoric.

Juan 5:35

So Juan na'le 'neetari' aca ncoỹeraxanaxaqui quena' ỹaviquetaugui ca coỹeraxan, ca' qamiri netooñita'gue da lauaq, qam sqoỹoxouec da netoonaxaguii.

Juan 7:39

Ca' quedajo ỹahotaque 'naac so Jesús, quiyim quecá'maq huelec so'maxare, ca icoñiguit ma'le so Espíritu Santo. Ma' saqa' novi'o' na'le so Espíritu, ma' so Jesús saqa' ỹovita yi laloqo' quiyim qaimaqachin.

1 Corintios 15:9

Ma' ỹim qaica ca imaqachic, sqai shinta só'maq liỹa lelaatqaipi so Jesús, chaqai sqa taiguit quiyim qaỹamatahic ỹim lelaatec so'maxare, ma' socantac quen na'le ná'maq huelec ñi qota'a.

1 Corintios 6:4

Ca no'm 'ue ca se ỹa'maxañi hueetalgoto qamiri, ca ¿chi'negue ma' ỹaxañiỹa ca sqaica ca taỹapegueu'a quena mashic icoñiguit da na'qaatec quiyim 'ue ca ỹa'maxajñi?

Efesios 2:3

Chaqai qomi' qai'neeta shinqatari' quen quesaua 'auaxaqa ñaxari, qolqata'pegue' dá'maq chi qaramaanaxanqachic, so'ueetqatac dá'maq chi lqo'itaxanqachic na qaroshicmaxa chaqai quedá'maq chi qara'deenataxanaxac. Ca' quedajo, ca' ỹaatqajam 'chichiguiñi quet ca chalego lecaic qanouaxanaxaset quiñi qota'a, shinqata ná'ogue na liỹa qomyipi.

Efesios 3:8

Ma' ỹim qaica quet cá'maq shinegue, ma' paguec ỹim cocho'qui' quená'ogue ná'maq lalamaxaret ñi qota'a. Qam ñi'maxare queda lqouagaxa, ca' pataxailec quiyim sa'xat da na'qaatec quena mesqai judioipi quedá'maq qaica 'nejem lesallaxa so Cristo.

2 Timoteo 1:10

Ca' dajo le'xorenataxanaxa ñi'maxare ỹachaxan nagui, qam quiichigui nqai'en da loviraxac so qarca'laxaqui Jesucristo, só'maq napacalec da lquesaxanaxa so nelauaxa. Chaqai ỹachigoxochichigui da na'qaatec chicqaugui da nca'laxa, ca' chaqaida dá'maq re'oq nqai'en da nca'laxa tot ishit quiyim qaỹosogui.

Hebreos 11:40

ma' ñi'maxare 'uo' cá'maq paguec loyac ỹa'maxatetañi. Ỹa'deentapegalo qomi', qaiyi 'maxaraic nqohin da nachaalataxac so qomyipi, qam quiyim na'deita'gueta qomi'.

1 Pedro 1:10

Só'maq 'auaxaqa ñaxari nallaaqo' so letaxaỹaxaquiripi ñi qota'a ỹaatqajam 'uo' quen da leuogoxo quiyim ỹa'den chaqai renataxan quecá'maq 'neeta dajo nca'laxa, chaqai ỹa'xatetac da lqouagaxa ñi qota'a ỹaanema qamiri ma'le.