Mateo 11:1 - La'qaatqa ñi qota'olec Qota'olec & Qota'olec Novita Na Qomyipi

¹ Ca co'na' ỹomat da ỹa'xatetac laqataxac so Jesús quesaua doce lapaxaguinatqa, ca' eec ca'e yi'maxare, ma' ỹahotaque rapaxaguinataxan chaqai ỹa'xate' yaua na'qaatqa quiyi na'aateripi hueetaugui yijo 'laua.

Mateo 11:1 Iomraidhean Croise

Mateo 28:20

Chaqai paxaguiñigue quiyim huelec ná'ogue ná'maq sapaxaguinguelo qamiri. Chaqai 'yiiñita quiyim ỹim salequetauguilo qamiri quenaua'que naua na'xata', chi ỹovireta'a ca nqodoc. Ajá'a, ca' chaqaida 'neeta dajo.

Mateo 4:23

Ca' so Jesús ỹouoxontac yá'ogue yi 'laua Galilea quecanchi ỹoviri'ñi, ca lotqai rapaxaguinataxantapougui ana lapoxoqui na judioipi, ỹa'xatetac dá'maq no'uen na'xaỹaxac queda lo'ueenataxanaxac ñi qota'olec ma' ỹoiquentac ná'ogue najo, chaqai ỹomatec ná'maq ỹoreta'oguit ne'ne' hueetaugui na qom.

Mateo 7:28

Ca co'na' so Jesús ỹomat da letaxaỹaxac, ca' so qomyipi chalego da le'laxa queda lapaxaguinataxanaxac.

Mateo 9:35

So Jesús ỹouoxontac sá'ogue so na'aateripi chaqai naua na'aaterolqai', rapaxaguinataxantac cana lapoxoqui na judioipi quecá'maq hueeta'ñi, ỹa'xatetac da no'uen na'xaỹaxac quiyim ñi qota'olec ỹoiquentac ná'ogue najo, chaqai ỹomatec na qomyipi quená'maq ỹoreta'oguit ralolaxa chaqai na le'ne'.

Marcos 6:12

Ca saua'maxare que', ca ỹa'xate' da na'qaatec quena qomyipi, qaiyi ỹaxañiñi naua shi'gue loico.

Lucas 23:5

Qam saua'maxare ipaquera'a paguec lquesaxanaxa da ỹa'xate', 'nerac: —Ñi'maxare ỹasauaxatetecta' yá'ogue yi qomyipi na'ñi yi Judea queda lapaxaguinataxanaxac. Chicqochi'ñi yi Galilea, chaqai nagui, ca' novireta'a najo.

Lucas 8:1

Ca co'na' mashic shi'gom dajo, ca' so Jesús 'xoic na queetagui na'aateripi chaqai na qoỹoqote'ogalo na'aate', ra'qaataxantac, ỹa'xatetac quiyim ñi qota'olec ỹoiquentac ná'ogue najo. Nauequetecto saua doce lapaxaguinatqa.

Juan 15:10

No'm na'xaỹaxañiỹa na ilaataxanaxaquipi, ca' quiitalec dá'maq i'xorenataxanaxa caqamiri, ca 'nejem aỹim ña'xaỹaxanalo naua lelaataxanaxaco ñi ita'a, ca' shiquetalec da le'xorenataxanaxa caỹim.

Juan 15:14

No'm 'viichii da ilaataxanaxac, ca' qamiri ñauochaxaua'.

Hechos 1:2

chi ỹovireta'a so na'xa'a taigue da piguim. Ca na' saqa' eec queda piguim, ca ỹa'vio' saua lca'acse' lelaatqa, chaqai ỹapaxaguinque cá'maq lo'ueenataxanaxague' chicqo'ot nqai'en so Espíritu Santo.

Hechos 10:38

Chaqai 'yiiñita quiyim ñi qota'olec ỹaanem so Jesús Nazaret le'ec da lquesaxanaxa so Espíritu Santo, chaqai ỹo'ueetetac da no'uen, chaqai ỹomatec ná'ogue na 'xoic na le'xoric qaipataqatañi queda lquesaxanaxa so na'ỹaapec. Dajo ishit ỹo'uet so Jesús, ma' ñi qota'olec liỹaatac so'maxare.

Hechos 10:42

Chaqai qarelarelec quiyim sa'qaataxanaxaugui na qomyipi quiyim sa'xataq quiyim chaqaiso só'maq ñi qota'olec ỹanagui quiyim imit ma'le na lasauaxaset ná'maq nca'leetauec chaqai na ileu.

1 Tesalonicenses 4:2

Ma' ỹaatqajam 'yiiñita ná'maq qaraqataxaquipi saanqaema qamiri. Da'maxare sachigoxotqo'tot so qara'gaxala' Jesús.

2 Tesalonicenses 3:10

Ma' na' seuqatauguilo qamiri, saanaxauec da qara'qaatec quiyim shinqac: ¿Qa' que'o' cá'maq se ro'ueenataxan?

2 Tesalonicenses 3:6

Qamiri qarqaỹa', saqataxalo qamiri quiyim noỹoochiuec quecanchaqaica qarqaỹa quiyim se nqo'ta ro'ueenataxan, chaqai quecá'maq sqai quelec da qarapaxaguinataxanaxac saanqaima qamiri.

1 Timoteo 6:14

quiyim na'xaỹaxañitalo naua ỹaqataxaco, chaqai sqaica ca ỹochira'a, qaiyi qaica ca na'qaataxaqui' se ỹa'maxañi. Chaqai qui'salec dajo, chi ỹovireta'a ca na'xa'a quiyim rapil so qara'gaxala' Jesucristo.