Mateo 10:5 - La'qaatqa ñi qota'olec Qota'olec & Qota'olec Novita Na Qomyipi

⁵ So Jesús ilate' saua doce lapaxaguinatqa, ca 'uo' da laqataxac, 'neetasa': —'Neeto' quiipegueto naua 'lauari sqai neetalgoto na judioipi. Chaqai sqai viriu'a na na'aateripi huaugui yi 'laua Samaria.

Mateo 10:5 Iomraidhean Croise

Mateo 22:3

Ca ilate' saua lelaatqa quiyim que'ogalo caua lalecse', qam caua'maxare se ỹa'maxarene' ỹalequesaho.

Mateo 4:15

Ỹaatqajam qami' lalamaxaret na'laua na llaalqaipi so Zabulón chaqai na llaalqaipi so Neftalí, chaqai so nayic que'tot aso huaaxai pa'a'gue da lqodoigue caso lachiugue Jordán, Galilea, yí'maq na'ñi na mesqai judioipi.

Marcos 6:7

Ca co'na'le, ca roỹaxanalo' saua doce lapaxaguinatqa, ca ilate' dooseta'pe nqai'ne', ca ỹaanema da lquesaxanaxa quiyim ỹo'derauec na ne'equipi lecmaxaiquipi.

Lucas 10:1

Ca co'na' ime dajo, ca' so qara'gaxala' nca'au'alo saua liỹa' setenta, ca ilate', qam dooseta'pe nqai'en, 'aueta'gue da taata'gue so'maxare quiyim queetagui ná'ogue na na'aateripi chaqai ná'maq hua'ñi quiyim que'tegue ma'le so'maxare.

Lucas 10:33

Qam naco' so ỹale na'ñi yi Samaria, qai'neeta queeta'gue so nayic. Qam co'na' iuane'ta so ỹale, ca ỹaatqajam 'xoic da le'xorenataxanaxa.

Lucas 17:16

Ca ỹa'yi'iñi naua le'cootal queca reloqota'ñi so Jesús, ỹaatqajam ỹoviraqta'guit na latap na 'laua, ca' ỹaantacot da na'aachic so'maxare. Qam sojo ỹale, so'maxare le'ec yi Samaria.

Lucas 9:1

So Jesús lapoonta' saua doce lapaxaguinatqaipi, ca ỹaanem da la'ñaxac chaqai da lquesaxanaxa quiyim ỹo'daauec ná'ogue nanchaqaina ne'ec lecmaxaiquipi, chaqai quiyim ỹomatec na ỹoreta'oguit nalolaxaseteripi.

Lucas 9:2

Ca' ilate' quiyim ỹa'xate' quiyim ñi qota'olec ỹoiquentac ná'ogue najo, chaqai quiyim ỹomatec na ralolaxaic.

Juan 17:18

'Nejem aỹim quiyim yilachirougui na qomyipi hueetalec na 'laua, ca qai'neeta ỹim selarouguilo naua'maxare na qomyipi hueetalec na 'laua.

Juan 20:21

Ime, ca' so Jesús lotqai liỹa 'naac: —'Ue ma'le ca reuagaxahi. Ca' chaqaida dá'maq 'ne'tegue quiyim yila' ñi qota'a, ca' chaqaida shine'tegue quiyim selate' qamiri.

Juan 4:20

Ca' só'maq 'auaxaic qareta'allipi Samaria laseripi, na' nqouagaxainot ñi qota'olec, qam huaalec nqai'en ñijo qa'. Qam qamiri judío laseripi 'ñiỹac quiyim yi Jerusalén yí'maq hua'ñi quiyim qanqouagaxainot.

Juan 4:5

Ca co'na' ỹovira'a yi na'a' quiyi Samaria leenaxat Sicar. Yi'maxare sqoỹoqaque yi na'laua so Jacob yí'maq ỹaanemo' na'le so llaalec José.

Juan 4:9

Ca' aso 'aalo Samaria lase 'naaco': —¡'A! ¿Chi'neco' ma' qami' judío le'ec, qam yashiila'e' queca raquipi', ma' ỹim Samaria lase? (Ma' na judío laseripi se retaxaỹa'pegue' na Samaria laseripi.)

Juan 7:35

Ca' quiyi, ca so judioipi chi nenatetecta': —¿Nega'ỹo' ca taigue ma'le dá'maq dajo quiyim qomi' se sanataxa? ¿Loqo'm quepegue' na judioipi quená'maq neuagaxatetac, hueetaugui na sqai judioipi, qaiyi ỹapaxaguin na sqai judioipi?

Juan 8:48

Co'na'le, ca so judioipi 'naaco' queso'maxare: —Qomi' ỹaatqajam llic da sa'xataq na' shinqac quiyim qami' chaqai Samaria le'ec, chaqai 'ue ñi neetagui qami' chicqo'ot so na'ỹaapec.

Hechos 1:8

Qam ma' novitalo qamiri ca Espíritu Santo, ca' coñiguit ca nquesaxanaxa. Ca' oquii, 'xachitac aỹim, ca 'qaataxañiỹougui yi Jerusalén, chaqai yá'ogue yi 'laua quiyi Judea, chaqai yi Samaria, chaqai ỹovireta'ogalo naua'que naua lahil na 'laua.

Hechos 10:45

Ca só'maq mashic ỹacoñiguit da na'qaatec judioipi nauegaxauaripi so Pedro ỹaatqajam chalego le'laxa quiyim so Espíritu Santo qai'neeta qoỹaanem na mesqai judío.

Hechos 8:1

Ca' so Saulo ỹa'maxarenta quiyim qaỹalauat so Esteban. Ca nachinchigui so na'xa'a na' qaỹocanac ná'maq mashic ỹacoñiguit da na'qaatec quiyi Jerusalén. Ca ná'ogue neuagaxatac, quepegueto naua 'lauari quiyi Judea chaqai yi Samaria. Nodaaterec saua Jesús lelaatqa no'ueendañi.

1 Tesalonicenses 2:16

Ma' quena' sahoqotaque quiyim sa'xataq da la'qaatec ñi qota'a quená'maq sqai judioipi, qaiyi ỹovira'oga da nca'laxa qai'neeta, ca lotqai se ỹa'maxaren quiyim sa'xataq da'maxare. Ca' quedajo, ca paguec noquigaxatec na lasauaxaset. Qam nagui, ca' ỹovita quiyim taalec dá'maq chalego lecaic nouaxanaxaset chicqo'ot ñi qota'a.