Mateo 10:42 - La'qaatqa ñi qota'olec Qota'olec & Qota'olec Novita Na Qomyipi

⁴² Chaqai canchaqaica quiyim ỹaanem 'eno'chaqai 'oono'lli' aca 'taxaqui queca 'oom huaxaỹaq quiñi 'óna quenaua collo'olqai' queesa'pegue' aỹim, ca' ỹaatqajam llicsa 'ue ca nishiue' ma'le.

Mateo 10:42 Iomraidhean Croise

1 Reyes 17:11

Ca co'na' aso'maxare mashic eec queu'a. Ca' so Elías lotqai roỹaxana'pegue', 'naaco': —Qouaquiric nodo'ireco' qai'neeta ca pan laỹooqui'.

2 Reyes 4:10

'Maxaraic quiyim so'ueetaq ca liỹa 'imec pa'aashiguim quena qouo'. Ca ma'le, ca sahoqe ca sellaqaugui nomala', nqui'ỹaxala', qa'xanaxaqui chaqai ncoỹeraxanaxaqui, qaiyi ma' ỹovi' ca na'xa'a quiyim liỹa novi' na'piichalo qomi', ca naugui nqaishinaq.

Proverbios 24:14

Ca' chaqaida 'neetari' nqai'ñi' da lo'daxa da na'deenaxanaxa quiyim 'ue ca 'yiiñi'; no'm nachita, ca no'uen lqodoc aca rqauaxagui'i' ma'le chaqai se ỹauana ishit ỹapalaxat da naquitaxaqui'.

Mateo 18:10

Mesqaica ca liỹoxoỹa'piguit quená'maq 'ec sqaica ca lemaqachic. Ma' ỹim shinac caqamiri queda piguim ná'maq neloxoỹaripi quena'maxare ỹoviretacot naua'que naua na'xata' ñi ita'a qota'olec neeta'gue da piguim.

Mateo 18:14

Ca' chaqaida 'neeta qai'neeta ñí'maq qota'a ñí'maq rashiilliguii neeta'gue da piguim, se ỹa'maxaren quiyim 'ue ca na'laañi quená'maq nauajo 'ec qaica ca lemaqachigue'.

Mateo 25:40

Ca cá'maq nashi 'naac ma'le quesaua'maxare: “Ỹaatqajam llic da shinac caqamiri, quená'ogue ná'maq 'ñii'tegue quena ỹaqaỹaripioqui' 'ec qaica ca 'negue, ca' dajo 'ñii'tegue caỹim.”

Lucas 17:2

Ca no'm 'ue ca sham chicqochigui ca lasauaxaset ca 'óna quenajo collo'olqaipioqui', ca'maxare paguec la'maxa quiyim qaicoñira'gue na lqosot ca qa' lodegaxat nopoxoiqataxanaxat, ime, ca' qainaxañigui aca huaaxai.

Lucas 6:35

Qalaxam qamiri 'xoriñii cá'maq pa'guenta'pe qamiri, chaqai 'maxachi'tegue na qom, 'ỹaañiuec ca na'ualec. Qam se ỹa'maxañi quiyim 'ue ca naquichita'a, qaiyi ỹaatqajam lodegaxat ca nishiuetenaxaguii, chaqai ỹaatqajam qamiri llaalqa ñi qota'olec ñí'maq paguec lecaic. Ma' ñi'maxare ỹaatqajam 'xorenataxanaxaic, i'xoren ná'maq se ỹa'deena'a da na'agaxa chaqai ná'maq nocqaiquipi.

2 Corintios 8:12

Ma' ca qom no'm lliqueta da lamiaqnaxac, ca' ñi qota'a nqo'ta aca lame, qam acá'maq nalootau'a. Ma' ñi'maxare se roỹaxantaque acá'maq se qanalou'a.

Hebreos 6:10

Ma' ñi qota'a ỹaatqajam ipaquichigui nqai'en da la'qaatec, chaqai se coua'e dá'maq 'ñiitari' ma' chaxañita da re'xorenataxanaxahi quiñi'maxare quena' tauañii na qarqaỹaripi qarpi'ỹaxauaripi, dá'maq ñaqaida quiitalec 'viichitac.