Mateo 10:41 - La'qaatqa ñi qota'olec Qota'olec & Qota'olec Novita Na Qomyipi

⁴¹ Ca cá'maq ỹacoñi'chiguit ca letaxaỹaxanqajnec ñi qota'a ma' ca'maxare lelaatec ñi'maxare, ca ca'maxare icoñiguit ca nishiue' 'nejem ma'le cá'maq nishiue' ca netaxaỹaxanqajnec. Chaqai cá'maq icoñi'chiguit ca ỹale huagaxaraic ma' huagaxaraic, ca' icoñiguit ma'le ca nishiue' 'nejem cá'maq nishiue' ca huagaxaraic ỹale.

Mateo 10:41 Iomraidhean Croise

Génesis 20:7

Qam nagui pilaxachireco' añi loua cajo ỹale, ma' ñi'maxare ỹa'qaataxanqajnec, qaiyi nqouagaxainlec qami' ñi'maxare, qaiyi rca'llirec. Qam no'm sqo pilaxachirec, ca qami' chaqai ná'ogue ná'maq neeta'ñi najo ileu ma'le.

Mateo 16:27

Ma' najo ỹale llaalec ma' novi', ca' naquetaugui da lauaq ñi leta'a chaqai liỹaatac na lelaatqaipi piguim laseripi. Ca' ma'le, ca ishiueten quiñi 'óna quecá'maq lo'ueenatec.

Mateo 25:44

Ca saua'maxare 'nerac ma'le: “Qami' qara'gaxala', ¿negue' quet cá'maq 'neeta? Ma' quena' seuanqa'ta qami' rqopachi', loqo'm 'xoic raquipi', loqo'm 'mi'segueri', loqo'm qaica qatooỹaqui', loqo'm qami' ralolaxaic, loqo'm qami' ncoñiiteguesec, ca' sotauanqai'.”

Mateo 25:45

Ca' ca nashi 'naac ma'le: “Ỹaatqajam llic da shinac caqamiri, quená'ogue ná'maq sqo 'viichii quena qomyipi quená'maq 'ec sqaica ca 'negue, qai'neeta caỹim sqo 'viichii.”

Mateo 6:1

Mesqai nachaxañita quena qom quiyim 'viichii cá'maq viilec, ca' ỹa'yiinchigui nqai'ñii na qom. No'm 'ñii'tegue dajo, ca' ñi qota'a ñí'maq viilec neeta'gue da piguim qaica ma' ỹo'uet quet ca nishivichii.

Mateo 6:18

qaiyi na qomyipi se retan quiyim nqopaaqachichi'sac. Qaiñiita ñi qota'a ñí'maq vi'relec roda'ichichiguit maq ỹa'den, ca ñi'maxare ỹo'uet ma'le ca nishivichi'.

Mateo 6:4

Ta'ta'a quiyim sqaica ỹa'den nqai'ñi'. Ca' ñi qota'a ñí'maq vi'relec ma' iuana ná'maq se re'xogui, ca ñi'maxare rishivichiñi' ma'le.

Mateo 6:6

Qam noma' nqouagaxaiñi' qami', ca' noxoñirougui ca qauochi'. Ca' po'irigui ca lasom, ca' nqouagaxaiñitot ñi qota'olec roda'ichichiguit. Ca ñí'maq qota'olec, ma' iuana ná'maq qaỹo'ueetetac se re'xogui, ỹaanem qami' ma'le ca nishivichi'.

Mateo 7:8

Ma' cá'maq rashiilaxan, ca' icoñiguit ca rashiilaxanaque; chaqai cá'maq idaanaque, ca ỹanata; chaqai cá'maq ỹotogoxouo ñi lasom, ca' qaỹauate'oga.

Hechos 16:15

Ime, ca' qanachilaxan chaqai sá'ogue so llaalqaipi. Ime, ca' ne'xoresene'toto qomi', ca 'naac: —No'm chaqaida nqai'ñii quiyim ya'yiiñii quiyim ỹaatqajam seuelec ñi qara'gaxala' Jesús, ca ñaqai cocho'qui' ñiỹa'ñi yi ỹa'a' la'xasqori. Ca' ỹaatqajam ipacoxoua', ca seuqa'anyi.

Romanos 16:23

Liquinaxanaxac ñi Gayo. Senta'ñi na la'a' ná'maq ra'ualaxanataxanot quiyim lo'ueenaxanqa' ná'maq mashic icoñiguit da na'qaatec. Qai'neeta ila' liquinaxanaxac ñi Erasto ñí'maq reloqota'a ana lam na na'a' lodegaxat, chaqai ñi qarqaỹa Cuarto.

1 Corintios 9:17

Ca' vichiguiño' quiyim chaqaỹim chicqochigui da ỹa'deenataxanaxac quiyim so'uet da'maxare, ca' ma'le ishit 'ue ca ñishiue'. Qam quiyim yipacalec so'uet, qaiyiita ma' chi qaỹamaxailec quiñi qota'a quiyim so'uet da'maxare.

Hebreos 6:10

Ma' ñi qota'a ỹaatqajam ipaquichigui nqai'en da la'qaatec, chaqai se coua'e dá'maq 'ñiitari' ma' chaxañita da re'xorenataxanaxahi quiñi'maxare quena' tauañii na qarqaỹaripi qarpi'ỹaxauaripi, dá'maq ñaqaida quiitalec 'viichitac.

2 Juan 1:8

Ca' rovichiỹari'o' quedá'maq 'ñiitari', 'neeto' na'laañi ná'maq ro'ueenachiguii. Ta'ta'a quiyim coñiguit cá'ogue ca lashivichaxac.