Mateo 10:4 - La'qaatqa ñi qota'olec Qota'olec & Qota'olec Novita Na Qomyipi

⁴ Simón só'maq chicqaugui na leenaxat cananista; chaqai so Judas Iscariote só'maq ỹaano' na'le so Jesús.

Mateo 10:4 Iomraidhean Croise

Mateo 26:14

Ca' so 'óna quesaua doce lapaxaguinatqa so Jesús, leenaxat Judas Iscariote, eec quepegue' retaxaỹa'pegue' so la'gaxala' na netaxaỹaxanqajanqaipi.

Mateo 26:15

Ca 'naaco' quesaua'maxare: —¿Ỹote' aca nañaañii quiyim saano so Jesús? Ca saua'maxare ishiuetene' saua treinta chiróla chicqaugui ana lecat leenaxat plata.

Mateo 26:2

—Ca' mashic qamiri 'yiiñii quenauajo dos na'xata', ca ỹovire'oga so na'xa'a quiyim qaỹo'leente so na'xa'a co'na' qanaqata'a so qomyipi quiyi Egipto. Ca' najo ỹale llaalec qoỹaano ma'le quiyim qaipateno.

Mateo 26:47

Ñaq retaqataco' so Jesús co'na' noviro so Judas só'maq 'óna quesaua doce lapaxaguinatqa, liỹaatac so 'xoic qomyipi 'ue na lecat chaqai na nepon qo'paq, nelaatqaipi queso letaxaỹaxanqajanqaipi na qomyipi quena' qaretaxaỹa'pegue' ñi qota'a chaqai so lqo'xonqaipi na judioipi.

Mateo 27:3

Ca co'na' so Judas só'maq ỹaano' na'le so Jesús, co'na' ỹa'den quiyim saua'maxare ỹaanchiguit da lelauaxa so Jesús, ỹaatqajam 'xoic da netogotaxa. Ca ỹopilaxatero saua treinta chiróla ta'ta'a plata quesaua lashil na netaxaỹaxanqajanqaipi chaqai so lqo'xonqaipi na judioipi.

Marcos 14:10

So 'óna queso napaxaguinatqaipi, leenaxat Judas Iscariote, quepegue' quiyim retaxaỹa'pegue' so la'gaxalateripi na netaxaỹaxanqajanqaipi quiyim na'yiiñiguit ma' ỹahotaque quiyim ỹaano so Jesús.

Marcos 14:43

Ca co'na' ñaq retaqatac so Jesús co'na' noviro so Judas. So'maxare chaqaiso' só'maq liỹa ỹalequetauguilo saua doce napaxaguinatqa, ca 'xoic so liỹaatac qomyipi ỹahote'e na lecat chaqai na nepon qo'paq. So'maxare nelaatqaipi queso lashillipi na netaxaỹaxanqajanqaipi quena' qaretaxaỹa'pegue' ñi qota'a, chaqai ná'maq rapaxaguinataxanta'pegue na naqataxaquipi, chaqai na qo'xoiquipi.

Lucas 22:3

Ca' so na'ỹaapec inoxonougui so Judas, da liỹa leenaxat Iscariote. So'maxare chaqaiso so 'óna quesaua doce lelaatqaipi so Jesús.

Lucas 22:47

Ca' ñaq retaqatac so Jesús co'na' novi' so 'xoic qomyipi. Ca' só'maq leenaxat Judas, sojo 'óna quesaua doce lapaxaguinatqa, na'aueta, ca nqo'neu'a so Jesús, ca' nqo'goq.

Juan 13:2

Ca' so na'ỹaapec shi'co' ishichigui añi le'taxanata so Judas Iscariote, llaalec so Simón, da la'deenataxanaxac quiyim ỹaano so Jesús. So Jesús ỹa'deenta quiyim chicqo'ot ñi qota'olec, chaqai quiyim pila ñi'maxare, chaqai quiyim ñí'maq leta'a ỹaanem dá'ogue da lquesaxanaxa. Ca co'na' que'eeta'pe, ca' so Jesús ne'laxashiguim quiyi nqui'ỹaxala', ca naqat so napoxoqui, ca' nosaachigui so shiviaqataxat.

Juan 6:64

Qam qaiyiita ñaqa 'ue na saqa' huelec caqamiri. Ca' so Jesús 'naaco' dajo, ma' shi'gue na' llaqai taachiguiñi chaqa'ma' ỹa'den ná'maq sqai huelec, chaqai negue' cá'maq ỹaano ma'le so'maxare.

Juan 6:71

Ca co'na' 'naac dajo so Jesús, ca 'neetapega so Judas Iscariote, llaalec so Simón. Ma' so Judas ỹaano ma'le so'maxare, chaqai so'maxare ỹalequetaho quesaua doce lapaxaguinatqa.

Hechos 1:13

Ca co'na' ỹovirera'a yi na'a' lodegaxat, ca tarishi'ma ca pa'aashiguim 'imec cá'maq chaqai'eno' quen neesaugui. Ca quesaua'maxare ỹalequesaho' saua Pedro, Jacobo, Juan, Andrés, Felipe, Tomás, Bartolomé, Mateo, chaqai so Jacobo, Alfeo llaalec, chaqai so Simón só'maq ỹalequetaugui na cananistaipi, chaqai so Judas, Jacobo lqaỹa.

Hechos 1:25

Ca' qoỹanagui da na'laxatañi na'le lo'ueenatec so relaachiqui' Judas, ma' 'ue da lasauaxaset, ca re'oq dá'maq ỹaatqajam taigue nqohin.