Mateo 10:33 - La'qaatqa ñi qota'olec Qota'olec & Qota'olec Novita Na Qomyipi

³³ Qam cá'maq se ra'qaataxan quena qomyipi quiyim queeta'pegue' aỹim, ca' ỹim qai'neeta se sa'xat ma'le quiñi ita'a qota'olec neeta'gue da piguim.

Mateo 10:33 Iomraidhean Croise

Isaías 59:13

Ỹaatqajam spa'guenqatac chaqai se qaraqamaq quiñi qara'gaxala' qota'olec, se sahoqotaque qolaxalec, socachaqata'a quiyim sa'xataq na se no'uen, sahoqe ca qana'deenaxac, ca' sayinaq na liỹa qom.

Marcos 14:30

Qam so Jesús 'naaco' queso'maxare: —Ỹaatqajam llic da shinac caqami', quena pe ma' saqa' ỹovi' dos noỹen ca huaqa'e, qala' ỹovi' tres quiyim noqollicchisa'pegue aỹim quiyim 'ñirac sqai huañirapiguiỹa'.

Marcos 14:72

Queco' na'le, ca lotqai liỹa noỹen so huaqa'e. Ca so Pedro no'uene'teco' dá'maq 'naaco' na'le so Jesús: “Ma' saqa' ỹovi' dos noỹen ca huaqa'e, qala' ỹovi' tres noqollicchitegue aỹim.” Ca co'na' ỹa'deentapega dajo, ca' noỹen.

Marcos 8:38

Ma' no'm 'ue ca nayiloxonlec aỹim chaqai dá'maq sa'xatetac quena qomyipi mashic sqai quelec ñi qota'olec chaqai sauaqhuaiquipi, ca' najo ỹale llaalec qai'neeta nayiloxonlec ma'le ca'maxare, ma' ỹovita quiyim rapil naquetagui da lauaq ñi leta'a, chaqai na co'teeta nelaatqaipi chicqashiguim.

Lucas 12:9

Qam ca se ra'qaataxanougui na qomyipi quiyim queeta'pegue' aỹim, ca' ca'maxare qai'neeta se sa'xat quiyim ỹalamaxat ma' seuetaugui na lelaatqaipi piguim laseripi ñi qota'a.

Lucas 22:57

Qam so Pedro noqolliguit, 'naaco': —Taque', ỹim se seuanapega da'maxare.

Lucas 9:26

Ma' ca npocoxolec aỹim chaqai da ỹa'qaatec, qai'neeta najo ỹale llaalec npocoxolec ma'le ca'maxare, ma' ỹovirelec quiyim rapil ma' ỹovita quiyim nashi, naquetaugui da lauaq ñi leta'a chaqai na co'teeta lelaatqaipi piguim laseripi.

2 Timoteo 2:12

quiyim 'ue ca qare'xoric, ca' qai'neeta salecqau'a ma'le ma' ỹoiquentac ná'ogue najo. Qam no'm shinqac se sa'deenaq so'maxare, ca' so'maxare qai'neeta 'naac se ỹauanapegalo qomi'.

2 Pedro 2:1

Qam queso llaalqaipi so Israel qai'neeta 'uo' quen na 'naac letaxaỹaxanqajnec ñi qota'a, qam na'majantac. Ca' chaqaida 'neeta nagui caqamiri 'ue ná'maq napaxaguinataxanaq 'maatqaic ỹalequetauguilo qamiri. Na'maxare ỹoxotesañi naua lapaxaguinataxanaxaco se no'viiñi, vire'ta quiyim noqollicte'e' so qara'gaxala' só'maq nca'laxatec na'maxare na'le. Ca na'maxare chi ỹo'uet quiyim sqaỹaloq qaỹo'uet ca nouaxanaxaset.

1 Juan 2:23

Ná'ogue ná'maq ỹoqolliguit so llaalec ñi qota'a, qai'neeta sqai hueeto'ot ñi'maxare. Qam ná'maq se ỹoqolliguit so llaalec ñi qota'a, na'maxare qai'neeta neeto'ot ñi'maxare.